علم الفقه (فقه المعاملات) | المجلس الأول | برنامج إرواء

غراس العلم طريقك نحو علم شرعي راسخ. بسم الله الرحمن الرحيم، الحمد لله والصلاة والسلام على رسول الله وعلى آله وصحبه وسلم. حياكم الله أيها الكرام في مادة ختامية في هذا البرنامج، ألا وهي مادة فقه المعاملات.

كثير منا في حياتنا اليومية يمر بمعاملات مالية ومعاملات زواج وأنكحة، سواء هو يمارسها أو من حوله من أحبابه وأصحابه، ويحتاج إلى أن يعرف حكم الله فيها. ولذلك، كما قال عمر بن الخطاب لما دخل السوق، قال: لا يتجر في سوقنا من لم يتفقه. عمر دخل على السوق، قال: لا يجلس أحد في السوق قبل أن يتفقه في أحكام البيع والشراء؛ حتى لا تقع في ماذا؟ في معاملات ربوية، في عقود غير شرعية، في تصرفات غير مرضية. وكذلك النكاح؛ لا يجوز أن تقدم على النكاح قبل أن تعرف أحكام النكاح: شروط العقد، صورته، هيئته، أحكام حقوق الزوجة، وأن تعرف الزوجه حقوق الزوج، وهكذا.

فمما لا يسع المسلم أن يجهله أحكام المعاملات المالية التي على الأقل هو يباشرها في حياته اليومية، سواء من أمور المال أو ما شابه ذلك، وكذلك الأحكام الزوجية. لما إن شاء الله تتزوجوا وتصيروا على أبواب الزواج، أحياناً ممكن الشخص ما يتزوج، لكن الناس حوله تسأل عن الزواج وأحكامه. يعني شيخ الإسلام ابن تيمية لم يتزوج، صحيح، لكن تكلم في فقه الزواج أكثر من كثير من المتزوجين من العلماء، لأن القضية أحياناً أن الناس قد تحتاجك، فالمعلومة ليست فقط من أجلك أنت، وإن كان هذا هو الأساس، أن ترفع الجهل أولاً عن نفسك، لكن أيضاً أنت تحتاجها لمن حولك.

لذلك هذه المادة الختامية سنمر فيها بشكل مجمل ومختصر على أساسيات العقود المالية وعلى أساسيات العقود الزواجية. يا شيخ، يا إن شاء الله نبدأ بالعقود المالية. طبعا لن نقدم مقدمات في الفقه وما شابه ذلك، لأن هذه المادة هي مكملة لمادة فقه العبادات. فالفقه معناه مر معنا سابقاً، إن شاء الله الآن في صفحة ستة كما ترون أيها الأحبه، قسمنا العقود المالية، هي اسمها خارطة العقود المالية في صفحة ستة، قسمت العقود المالية حتى تفهم فكرتها في الشريعه إلى أربعة أقسام. هذا التقسيم باعتبار ايش؟ مقاصد العقود، يعني الأهداف التي من أجلها شرعت هذه العقود. يقولون مقاصد العقود المالية أربعة، ما هي؟ إما معاوضة أقصد بها الربح، وإما توثيق أقصد به ضمان الحق، وإما إرفاق أقصد به المساعدة وليس الربح، وإما تبرعات أقصد به أعطاء الأموال للاخرين مجاناً.

إذاً العقود المالية أفكارها أربعة. يا شخص بده يستربح تجاره فهنا سيمارس عقد من عقود المعاوضات، واما شخص أنا لست في مقام الاسترباح، أنا في مقام أريد أن أستوثق لحقي حتى لا يضيع، هذه بسموها عقود التوثيق، وأما إرفاق، الإرفاق هو أنني لا أريد أن أتبرع بمال، لكن أريد أن أساعد الناس، ومساعدة الناس إما بالبدن وإما بالأموال بس بشرط إعادتها، وأما تبرعات، تبرعات لا، هنا أنا أتبرع مجاناً لوجه الله سبحانه وتعالى بشيء من الأموال للأخرين. فهذه الأربعة تسمى مقاصد العقود المالية.

نيجي الآن على المقصد الأول، المعاوضات المالية، العقود المالية التي يقصد بها المعاوضات مثل ايش؟ نحن بنمارس في حياتنا اليومية عقود مالية نقصد بها الربح: البيع، أي عقود الصرف، بتعرفوا الصرافين ما شاء الله معبين، تصرف دولار بدينار، تصرف كذا، وهذه تجارة مربحه، البيع، الصرف، والصرف يكون نقود مقابل نقود، وسياتي معنا إن شاء الله عقد السلم، وعقد السلم هو شكل من أشكال البيوع، تمام، بتكون في السلعة مؤجلة والثمن حال، الإجارة، الإجارة حيث أنا بأجرك شقة لأجرة معينة مقابل ربح ياتيني، أكتب أيضاً عقود الشركات بانواعها، عقود الشركات سواء شركة مفاوضة، عنان، أعمال، مضاربة، فالشركات أيضاً من عقود المعاوضات.

إذا أنا حقيقة حتى أختصر عليكم، هنا الأخ ذكر الصرف والسلم، أنا ممكن أختصر عليكم المعاوضات في ثلاث أقسام، لأنه الصرف والسلم هي شكل من أشكال البيوع حقيقة، فنحن نقول عادة المعاوضات هي بيع بأشكاله والإجارة والشركات، هم هكذا يقولون البيوع والإجارات والشركات هي مادة المعاوضات المقصود منها الاسترباح.

طيب، نيجي على العقود المالية المقصود منها التوثيق وهي ثلاثة في العادة، ما هي؟ الرهن والضمان والكفاله. الآن أنت بتروح تشتري سيارة من البنك الإسلامي عن طريق المرابحة، بيجي بيقول لك بدي أرهنها. الرهن عقد، هو ليش بيرهنها؟ حتى يحفظ حقه. البنك الإسلامي بقول لك أنا بعتك السيارة لعشر سنوات، كل شهر بدك تدفع لي 150 دينار. طيب، افرض أنت هربت برا البلد، افرض أنت بطلت تدفع، أنا كبنك بدي أضمن حقي، بيضمن حقه من خلال أنه السلعة اللي باعك اياها ينعمل عليها عقد اسمه عقد الرهن، قال سبحانه وتعالى: وَإِن كُنتُم عَلَى سَفَرٍ وَلَم تَجِدُوا كَاتِبًا فَرِهَانٌ مَقْبُوضَةٌ. الرهن هو عقد المراد مش بدي أربح منك، لا، مش هدفي منه كذا، أنا هدفي منه إيه؟ أحفظ حقي في حال أنك ما عدت تدفع، أو أنك هربت أو ما شابه ذلك، بأمم عليك أنه السيارة هي مرهونة لصالح البنك الإسلامي، بيجي البنك بيبيعها حتى ياخذ حقه، والزائد عن حقه ممكن يرجع لك إياه إذا أنت يعني حاب تاخذه.

كذلك من العقود التوثيق الضمان ومثل الكفاله، وهذه نفس الشيء بدي أصورها على أشياء معاصرة حتى تفهموها. أنت بتروح على شخص بتقول له دايني 5000 دينار، بيجي بيقول لك جيب لي شخص يضمنك، جيب لي شخص ايش يضمنك، فبيجي شخص صديق لك بقول لك خلص أنا بضمنك، فبتتروحوا أنت وياه عند الشخص، بقول له أنا أضمن في ماله. الضمان هو ليس في البدن، الضمان في المال، أنه أنا بضمن أنه إذا فلان ما دفع لك خلال خمسة أشهر أني أنا أدفع عنه، هذا اسمه ايش ضمان.

وفي عنا الكفاله، الفرق بين الكفالة والضمان أن الكفالة في البدن. الكفالة شو هي؟ الكفالة أنني أنا باجي بحكي لصاحب المال: شوف، أنا ما بضمن لك إياه أني أدفع عنه، بس أنا بكفل لك أني أحضر لك إياه في الموعد المحدد، يعني أنت متى بدك يرجع لك المصاري؟ بعد شهرين، أنا بكفله. هو شو يعني بكفله؟ أنه لما يجي موعد السداد أني أنا بكفل أن أحضره لك، وإذا ما أحضرته لك ساعتها ايش بضمن؟ المال، إذا ما أحضرته ساعتها ايش بضمن؟ ففي الكفالة إحضار بدن، أما في الضمان هي إحضار ايش؟ مال، أني أنا مش بكفل وأحضره، لا، أنا خلص هو بيدفع لك، ما دفع لك أنا بدفع عنه، مش قضية أني أنا رح أجيبه وأقعده عندك، يعني هذا هو الفرق بين الضمان والكفالة.

ولاحظ أنه سواء رهن أو ضمان أو كفالة هنا، هل في شخص عم يبحث عن الربح؟ لا، هذه عقود تقوم على أنه في شخص يبحث عن ايش؟ عن حفظ حقه حتى ما يتم الإقرار به.

النوع الثالث: عقود الارفاقات واسمها الارفاق. الارفاق هو التسهيل، شو الارفاق؟ أنا أقول لك أنا أرفق بك. الرفيق، كلما أقول من الرفيق والرفق، يعني أنا أرفق بك، بدي حابب أساعدك. تمام، ما هي العقود التي المقصود منها المساعدة والتسهيل والتيسير وليست للربح؟ مثلا القرض. القرض بيجيني شخص بقول لي: والله تقدر تدايني 20 دينار؟ بقول له: تفضل هي 20 دينار بس رد لي إياهم الشهر الجاي. الآن أنا مش جاي أربح دنيوياً، أنا جاي أربح أخروياً، أنا جاي بدي أرفق فيك وأساعدك لأنك أنت عندك ورطه مالية، فهذا اسمه ايش؟ قرض، تعطي مالاً وترجعه لي بعد شهرين على حسب الاتفاق.

الحوالة، الحوالة بكون عندي مثلاً ثلاث أطراف. ممتاز، يعني حتى باختصار أطول الكلام فيها، تمام، بكون عندي زيد وخالد ومحمد. خالد بده مال من زيد، وزيد بده مال من محمد. خالد مداين زيد، داينه كم؟ 2000 دينار، وزيد مداين محمد برضه 2000 دينار. هسا من باب التعاون السريع، من باب الإرفاق والتسهيل، بيجي زيد بحكي لخالد: يا خالد، مش أنت بدك مني 2000 دينار؟ أنا بحولك فيهم على مين؟ على محمد. فبصير محمد مطلوب منه بدل ما يدفع لزيد، يدفع لمين؟ لخالد. هيك نحن بنكون خففنا على مين؟ على زيد، وخففنا العملية كلها، بدل ما يكون، هذا اسمه إرفاق تسهيل، برضه بدل ما أنه محمد يروح يدفع لزيد وزيد يروح يدفع لخالد، نختصر المسافة، شو بنقول؟ أنه يا محمد ادفع مباشرة لخالد وخلص، زيد طلع من الموضوع كامل. بس هاي طبعا لها شروط حتى يكون محمد ملزم بالدفع لخالد وانه خالد برضه ملزم أنه يقبل ياخذ من محمد، لها شروط، بس حتى تفهم شو يعني الحوالة، هذا معنى الارفاق فيها، أنه ايش؟ تسهيل في المعاملات حتى لا تطيل الشبكة.

أيضاً شو عنا عقد إرفاق يا شيخ عمر؟ العارية. العارية، البعض يضعها إرفاق والبعض يعتبرها تبرعات، يعني أحياناً نفس العقد يمكن أنت تنظر إليه من أكثر من زاوية. العارية أني أنا أعيرك شغلة، بقول لك: رجع لي إياها، بس أعيرك سيارتي تروح تستعملها وترجع لي إياها. فأنا ليش العارية ممكن البعض يعتبرها هبة؟ وين ممكن؟ كيف ممكن نعتبرها تبرع؟ (البعض يضعها إرفاق والبعض يعتبرها تبرعات. مين يحكي لي هيك؟ ليش أنا لما أعيرك شغلة وأطلب منك ترجعها عارية بدك ترجع، أنا هل وهبتك شيء فعلياً؟ لا، مش هيك، هل يمكن أن نعتبر العارية تبرع مجاني بشيء ما؟ هي ما بتضبطش تكون عارية، هي ما بتزبط عارتك أكل، معناه راح الصدر علي يا شيخ.) ها، أنتم شامين علي لسه، في ناس مش السؤال، هسا العارية موضوعة تحت أي نوع من أنواع العقود؟ الإرفاق، يعني المقصود فيها ايش؟ التسهيل على إخوانك في الله.

طيب، هل ممكن أعتبرها عقد تبرع بايش؟ بالمنفعة. أحسنت، حك المنفعة. هي فعلياً فيها نوع تبرع، أنا تبرعت بايش؟ ايش؟ بمنفعة سيارتي لمدة يومين لك مجاناً، ما طالبتك بأجرة، أنا ما تبرعت بالعين، العين بدك ترجع لي إياه بس تبرعت لك بماذا؟ بالمنفعة لمدة يومين مجاناً لوجه الله، ففيها جانب تبرع، فهمتوا كيف ممكن تعتبر تبرع؟ بس هي يعتبروها في الأصل إرفاق لأنك أنت في النهاية العين رح ترجعها، مش رح تضلها لك.

الوديعة برضه هو عقد المراد به التسهيل على إخوانك، جارك بده يسافر، قال: والله بدي أحط عندك هالـ 1000 دينار وديعة، أو بدي أحط عندك السيارة في الكراج وديعة، بدك تسهل على الناس وبهذا تلتئم النفوس.

كذلك أخيراً عنا مثلاً الوكالة. الوكالة أن أنا بوكلك تروح تشتري عني سيارة، أنت حاب تساعدني وأنا زلمة بعرف في البيع والشراء، أوكلك أنك تشتري لي سيارة، أو قي لي، خلص عندي يا شيخ الموضوع، أنا بشتري لك سيارة، الله يبارك فيكم شباب، تمام، وبترجع، يعني مجاناً لوجه الله. هسا الوكالة إذا صرت تاخذ عليها مال لا، رجع عقد إجارة. إذا الوكالة صار بأجرة، بقول لا، أنا يا شيخ ما بتوكل مجاناً، سامحني، أنا بدك تعطيني مال مقابل أني أتوكل عنك، هي اسمها صارت وكالة بأجرة، رجعنا لعقود الإيجار، خلص بطلت إرفاق لأنه صار أنت مقصودك من الوكالة أنك تربح، فرجعنا لعقد معاوضة.

أخيراً، عقد التبرعات. التبرعات هو في شيء أنت تريد أن تتبرع به، خلص لوجه الله سبحانه وتعالى، هكذا. طبعا نية المسلم، في ناس تتبرع تطلب الثناء من البشر، بس المسلم لما يتبرع يطلب الثواب من الله سبحانه. مثل ايش عقود التبرعات؟ الوقف. الوقف أن تأتي إلى عين معينة توقف منافعها للمسلمين، أو لطلاب العلم، أو للفقراء في منطقة معينة. ممتاز، مثلاً المسجد، المسجد عبارة عن ايش؟ وقف، خلص، اللي بيبني المسجد، نحن بعض الناس بفكر المسجد ببنيه بضل، يعني فكر المسجد بيته، هو لا، أنت المسجد خلاص، مادمت هذا مسجد أنت بذلت المال، جزاك الله خيراً يا باني المسجد، لكن هذا خرج عن ملكك لله سبحانه وتعالى، أصبحت عينه موقوفة والناس جميعاً تنتفع منه، ما بيطلعلك تحكي بعدين: ما هو أنا اللي بنيته، أنت اللي بنيته انتهى، خلص، أصبح وقف لله.

شخص يبني مدرسة أو سكن ويقول هذا سكن وقف لطلاب العلم، خلص ها العمارة أخرجتها، أخرجتها عن ملكي لله سبحانه وتعالى ومنافعها تكون لمن؟ لطلاب العلم أو للفقراء مثلاً. السبيل المائي، بتعرفوا ممكن شخص يحط له كولر مي على باب محله أو في طريق عام ويقول هذا الماء أو يحفر له عين ويعمل بيه في مناطق معينة ويقول هذا البئر كل ما يخرج منه بشرب الناس في هذه القرية، فهذا معنى الوقف.

الهبة، الهبة أن أنا عندي عين معينة أهبها لأخواني، خلص ما بدي ياك ترجعها. شو الفرق بين الهبة والعارية؟ العارية أنا أعطيتك العين مدة معينة بدك ترجعها، في الهبة لا، أنا أعطيتك العين هدية لك لوجه الله وللأخوة اللي بينا، جزاك الله خيراً، بارك الله لك فيها، فهذه تبرع كامل.

الوصية، أن الإنسان قبل ما يموت بتلاقيه كاتب وصية أن ثلث أموالي أو أقل من الثلث بدي اياها تكون لصالح جمعية معينة، أو تكون صالح، والفرق بين الهبة والوصية ما أن الهبة تكون في حال الحياة، وأما الوصية بتكون بعد الموت، بس، يعني الهبة أنا أُعطي شخص وأنا حي شغلة، الوصية ما أعطيتك وأنا حي، أعطيتك بعد ما أموت وكتبت أن هي السيارة بعد ما أموت أعطوها لفلان. إذا أنا أعطيتك إياها أثناء الحياة بنسميها هبة، إذا كتبت في الوصية أن تعطى لك بعد أن أموت بنسميها ايش؟ وصية. وطبعا كل شيء له شروطه وضوابطه في الفقه الإسلامي. هيك نحن بنكون فهمنا بس المقاصد العامة، لماذا يجب أن

نفهم المقاصد العامة؟ لأنه لا يجوز أن نسمح بالعبث بمقاصد هي ه العقول شو يعني عقد القرض عقد ايش؟

قلنا إرفاق بصير يصير في يوم من الأيام عقد معاوضة بصير أنت بدك تستغل القرض مشان تربح لأنه صار ربا أيه عقد الرهن أو الضمان ما بيصير حدا ياخذ عليه مصاري عندنا ليه؟ لأنه هذا المراد من الضمان والكفالة ال المعاوضة ولا التوثيق آه التوثيق هذا هذا عقد توثيق مش عقد حضرتك يا ضامن يا كفيل تربح منه اسمه عقد توثيق، فما بيصير الضامن اسمع أنا بضمنك عند فلان بس بدك تعطيني 50 دينار شهرياً لا يا عمي ما بيصير لأنه هذا اسمه عقد توثيق ما بيصير تربح منه ففهم مقاصد العقود يساعد الإنسان على أن يفهم أنه متى يدخل الحرمة على بعض العقود، تدخل الحرمة لما يتم العبث بمقاصدها لما يتم العبث بمقاصد عقد تبرع يصير تسألني عن كل شيء واحنا ما بدنا نتكلم عن رؤوس المسائل نبجي الآن سنمر على هي العقود طبعا بما مش كلها طبعا على ما نحتاج إليه منها أول عقد وأهم عقد عقد البيع.

طيب نبدا بعقد البيع، البيع أيها الكرام ما صورته؟ البيع هو مبادلة سلعة وثمن صح هذه فكرة البيع ببساطة في سلعة بقدمها البائع وفي ثمن بقدمه المشتري فهي تبادل سلعة مقابل ثمن والبيع كما قال النبي صلى الله عليه وسلم إنما البيع عن تراض البيع فكرته الأساسية في الإسلام يشترط أن يقوم على قاعدة الرضا ما بيصير أبيعك شيء جبراً عنك وما بيصير تعطيني أنت ثمن أنا ما أريده جبراً عني بده يكون البيع يقوم على قاعدة الرضا، لذلك كثير من شروط البيوع وضوابط هذا العقد هدفها تحقيق الرضا بين الطرفين وألا يظلم طرف على حساب طرف آخر.

الآن البيع كيف يتم عقده؟ أما باللسان بعتك السيارة بـ1000 دينار أنت تقول لي خلص اشتريت، وأما بالفعل، بالفعل هو المعاطاة وهذا بيكون في الأشياء الاستهلاكية الدورية بتدخل على محل خبز بتحط له 20 قرش وبتاخذ كيلو وبضلك طالع لا أنت حكيت ولا هو حكى صح بتدخل على التاكسي أو على الباص الحافلة أو الباص السريع شو بتعمل بصير يقول لك أعطني واشتريت وما خلصنا هذا في دور مش رح يقول لك أعطني واشتريت بتحطها بطاقة بتعطيه 20 قرش والسلام عليكم لا حدا تكلم ولا حدا سأل هي تسمى ايش معاطاة هي متى طبعا بتزبط لما يكون السعر معروف والخدمة معروفة خلص يعني كيلو الخبز معروف سعره الباص السريع أو الحافلة معروف قديش تعريفتها فهنا مش محتاج يصير كلام الكلام عاده متى يستعمل؟ لما يكون الشيء جديد يعني في فعلاً سلعة سيارة في كذا بدنا نفاوض على السعر فتحتاج إلى هذا، إذا البيع قد يعقد بالقول وقد يعقد بالمعاطاة اليدوية.

طيب لابد في البيع من ماذا؟ اقرا يا عمر، قال لابد في البيع أن تكون السلعة والثمن معلومين أما بالمشاهده عند العقد وأما بذكر أوصافه بما يمنع النزاع بينهما، أول شرط في البيع لازم السلعة والثمن يكونوا معروفين لكلا المتعاقدين صح هذا الشرط لماذا اشترطنا مين يقول لي لتحقيق ايش؟ الرضا صح ولا لا؟ لأنه إذا أنا بعتك سلعة وانت مش شايفها وبعدين شفتها اكتشفت أنها مش بالمواصفات رح تزعل لا لن ترضى ونفس الشيء لو أنا بعتك سلعة وانت أعطيتني ثمن بدون ما اتفق عليه أنا واياك أنت شفت الثمن كباير قليل رح يصير بيني وبينك خصومة لا بيزبط ما بيزبط.

ونختصم مع بعض، فاذا الشريعه حتى تحقق الرضا اشترطت تكون السلعة معلومة والثمن معلوم، طيب السلعة والثمن ما هي طرق العلم بهما؟ أن يكون مشاهدا كلاهما في مجلس العقد السلعة مشاهدة هيها أمامي والثمن مشاهد يا رجال طلع المال ومعروف أو أن يكون ماذا بالصفة أنه أنا ممكن أحيانا اشتري منك شقة أو سيارة لكنها مش موجودة الآن هون حاطها أنا في المستودع وصعب شوي الكل على البائع كل شوي بطلع السيارة من المستودع بيجي بقول لك أنا عندي سيارة هونداي موديل 2025 لونها كذا يعني ماتورك فيذكر الأوصاف التي يحتاجها المشتري بعطيه الأوصاف التي يهتم بها، هل الصفة تقوم مقام المشاهدة بالعين؟ نعم إذا كانت الأوصاف دقيقة لا يلزم أن أرى السلعة بعين عيني يكفي الوصف الدقيق ليكون شكل من أشكال معرفة طبيعة السلعة.

طيب يا شيخ افرض لما أعطاني اياها طلعت مختلفة ساعتها بيجيك حق الفسخ راع ايدي معه لأنه أنت اشتريت على صفة معينة إذا هو غشك ولم يوجد هذه الصفة لك حق ايش الفسخ في الشريعة الإسلامية إذا أن تكون السلاء آيو معلومة بالمشاهده أو بذكر الأوصاف بما يمنع النزاع بينهما، وأن تكون أيضا وأن تكون السلعة ملكا للبائع أو وكيلا عن صاحبها والثمن ملكا للمشتري أو وكيلا عن صاحبه.

الشرط الثاني من شروط صحة البيع أن تكون السلعة اللي بدها تنباع ملك للبائع أو ايش أو هو يكون إذا لم يكن مالكها على الأقل وكيل عن صاحبها، أنت لما تدخل لمعرض السيارات أنت ما بتقعد مع مالك السيارات بتقعد مع مين؟ مع الموظفين صح هم اللي بَقعدوا يحكوا معك هذول وكلاء عن صاحب المصنع، في شركات المطابخ أنت لما يجي شخص يدخل هم مش رح يدخلوا يعني مش كل شخص رح يجلس مع المالك السلعة مش حيزبط في ناس رح تجلس مين؟ مع الموظفين اللي هم وكلاء عن صاحب السلعة وكذلك الثمن الذي سيدفعه المشتري لابد وأن يكون ملكا للمشتري أو وكيلا أو يكون هناك شخص وكيل عن المشتري هو اللي بيدفع عنه بيضبط هذا أيضا.

طبعا في هناك أحوال معينة يمكن للبائع أن يبيع فيها سلعة ليست ملكه لكن ما بدي أدخل في هذه التفاصيل بس حتى تعرفوا أن في بعض الأحوال الاستثنائية يجوز للبائع أن يبيع سلعة لا يملكها بعد لكن بشروط وضوابط معينة أما هنا نقتصر على الضوابط الأصلية، طيب الآن تم العقد البيع بحمد لله هل البيع عقد لازم ولا عقد جائز؟ شو يعني في الشريعة الإسلامية في جميع العقود اللي ذكرناها دائما ببحثوا الفقهاء هل هذا العقد بيع الصرف الإجارة الرهن الضمان القرض هل هو عقد لازم ملزم لكلا الطرفين بمجرد الانتهاء منه أم عقد جائز؟ شو يعني جائز؟ يعني بيطلع لي بعد يوم يومين أجي أفسخه فهمتوا الآن شو الفكرة؟ الآن في عقود تسمى عقود ملزمة بمجرد انتهاء العقد أصبح ملزم لكلا الطرفين ما بينفع واحد يسحب إيده وفي عقود في الإسلام اسمها عقود جائزة.

عادي دخلت أنا وياك في عقد وبعد مدة أنا حاب أسحب إيدي بيطلع لي أسحب وأنت ما بتقدر تلزمني، البيع من أي نوع؟ البيع عقد لازم لأنه أكيد مش شيء سهل أن أبيعك سيارة بـ20,000 وأنت اخذت السيارة وأنا اخذت الـ20,000 بعد أسبوع بترن علي قال له سلام عليكم والله بدي أرجع السيارة ما عجبتني لا يا عم الله يرضى عليك مش رح مش رح تستقر الحياة لا يصلح أن يكون البيع عقد عقد غير ملزم وكل شخص له أحقية الفسخ متى شاء، إذا تم البيع بشروطه فهو عقد ملزم إلا الآن نقرا متى لا يكون قال إلا بأحد أمريين لا يكون اللزوم قد حصل بعد.

الحالة الأولى نعم قال الخيار وهو حق يملكه المتبايعان أو أحدهما في الرجوع عن البيع في أحوال معينة منها خيار المجلس في الحديث البيعان بالخيار ما لم يتفرقا فيملك كل منهما الحق في الرجوع عن البيع ما داما في مجلس العقد ولم يتفرقا بأبدانهما عرفا، نعم. ثاني خيار الشرط.

طيب الآن هناك طريقتان يمكن فيهما إزالة عقد البيان إذا هو عقد ايش يا جماعه؟ ملزم بس في هناك طريقتان يمكن فيها إزالة عقد البيع، الطريقة الأولى هي وجود خيار ورح نتكلم هون عن خيارات ثلاثة باختصار في شي اسمه خيار المجلس وفي شي اسمه خيار الشرط وفي شي اسمه خيار العيب كم خيار عندنا ثلاثة مصحصحين مشايخنا؟ طيب خيار المجلس هذا يكون أثناء يعني بعد الانتهاء من العقد مباشرة ولم يتفرق المتعاقدان بعد أنا والشيخ اشتريت منه أنا سيارة أعطيته الـ20,000 وهو أعطاني السيارة ما زال المجلس قائماً العقد انتهى تم خلصنا بس لساتنا لم نفترق من المكان وأنا ها بدي اطلع من المكان غيرت رأيي اسمع اسمع والله ما بدي السيارة خلص خذ هالسيارة واعطيني اطلع لي أفسخ العقد.

الآن نعم هذا بنص حديث النبي عليه الصلاة والسلام بيطلع لك البيعان بالخيار ما لم يتفرقا أنت دخلت على محل ملابس والله شفت قطعة قماش وأول حجة عندك شافت قطعة وعجبتها ودفعت للكاش وانتم على الباب لسة ما طلعتوش من المحل الحجة غيرت را قالت لا بطلت في بيقدر البائع يحكي لا يا عمي ما لكم عندي أنا خلص أنتم أعطيتوني قول له بشرع الله غصبا عنك بدك تقبل الفسخ أن النبي عليه الصلاة والسلام قال البيعان بالخيار ما لم يتفرقا بدي أرجع السلعة وبدك تعطيني المصاري ما له علاقة في ذلك، إذا طلعت برا المحل راحت عليك أنه هنا ما ضابط التفرق؟ قالوا العرف، في العرف إذا واحد طلع برا المحل خلص انتهت يعني بينك وبين الموضوع خطوة إذا لساتك جوا المحل أمورك تمام طلعت برا المحل انتهى عقدك أنا وياك جالسين في غرفة عملنا العقد بعدين أنت طلعت خارج المجمع طلعت برا المجمع صار افتراق، إذا أنت لا لساتك بس رحت والله على دورة المياه ورحت جبت كاسة شاي ورجعت لساتنا في داخل الغرفة فهذا العرف هو الذي يضبطها.

طيب هذا خيار المجلس ويجوز فسخ العقد به، الخيار الثاني اسمه خيار خيار الشرط، خيار الشرط أنه أنا اشتريت منك السيارة لكن اشتريت ابتداء قلت لك اشتري منك هذه السيارة وأريد شرطي أن تعطيني مدة أجربها 20 يوم خلال الـ20 يوم بجربها إذا أعجبتني وكذا خلص اعتبر العقد مضى إذا برجعها إلى حق الترجيع وأنت وافقت أنت وافقت هل هذا جائز شرعاً؟ جائز ما عندنا مشكلة لأنه بالتراضي بين الطرفين، بس إذا انتهت الـ20 يوم وحضرته لسة ما رد له خبر خلص تحول إلى لازم لأنه أنا في النهاية أعطيتك خيار لكم 20 يوم بعد الـ20 يوم أنت تجيني في اليوم الـ21 تقول لي بدي أرجع بقدر أرفض؟ لا ما بفسخ العقد لأنه الخيار كان مدته 20 يوم.

طيب النوع الثالث خيار العيب، خيار العيب أنه أنا اشتريت سيارة منك لما اخذت السيارة وجدت فيها عيب في مشكلة في الماتور في مشكلة في كذا هذا حقي الآن كمشتري بين أمريين الإسلام بيقول لي أنت بين أمريين يا أنك بترجع له السيارة وبتاخذ أموالك يا أنك تطالبه بالتعويض عن الضرر هذا بسموه في الفقه الإسلامي الأرش، الأرش بعبارة عصرية هو التعويض عن الضرر، نجي بنجيب مخمن سيارات بنقول له يا عمي أنا اشتريت السيارة منه طلع فيها مشكلة في الماتور كذا وكذا أنا بدي التعويض أنا ما بدي أرجعها حقي أنا كم ما بدي أرجع بس أنا بدي التعويض فبيجي هو بقيم السيارة سعرها صحيحة بدون هذا العيب 20,000 إذا فيها هذا العيب بينزل من قيمتها 3,000 17,000 بقول للبائع بدك تعوض المشتري كم؟ 3,000 فرق السعر تمام طبعا هو في كلام فقهي أدق من كذا بس هذا الذي نحتاجه الآن هنا.

فاذا خيار العيب أيضا بيعطيني أحقية الفسخ، طب هو لو البائع قال لي لا أنا ما برجع بس أنا بعطيك عوض ما بيطلع لك (يعني البائع لو قال لي أنا ما بدي أفسخ أنا بعطيك تعويض عن الضرر هل البائع يستطيع يلزمني؟) لا، إذا وجد المشتري عيباً في السلعة هو صاحب القرار بين أن يفسخ العقد أو أن يأخذ التعويض والبائع ليس له أن يجبره على أحد القرارين ما دام طبعا السلعة موجودة بيقدر يرجعها أما إذا المشتري باقي حضرته مخرب السلعة لا ساعتها بده ياخذ التعويض لأنه أنت خربت السلعة برضه زدت فيها عيوباً عرفت طبعا ب برضه بضوابط وأحيانا بصير في يعني في أحياء لا حتى لو أظها ممكن يرجعها وهو بيدفع التعويض المشتري للبائع في بعض الصور لكن قالوا إذا كان شبه إتلاف خلص أنت أتلفيتها شبه إتلاف للسلعة في هذه الحالة لا يستطيع المشتري أن يطالب ب الفسخ وإنما يطالب فقط بالتعويض، إذا خيار المجلس أو خيار الشرط أو خيار العيب يعطيك إمكانية لفسخ عقد البيع.

الحالة أو الطريقة الثانية التي يمكن فسخ عقد البيع فيها إذا الطريقة الأولى الخيار بغض النظر شو طبيعة الخيار خيار بلدي خيار صح ولا شي تمام هاي معي مش تصحصح حسب طبيعة الخيار بدك تسلك الطريقة الثانية هي طريقة الإقالة، الإقالة هي حقيقة يعني ممكن تعتبرها الطريقة بس هي نوع آخر هي عقد جديد بس اسمه عقد فسخ كيف صارت هي هذا اللي اجاك عقد فسخ كيف تروح على البائع تقول له اسمع أنا عارف أن العقد ملزم بس أنا والله ندمت أني اشتريتها بمون عليك أنك ترجع لي اياها وتعطيني المصاري هسه هذا متوقف على ايش؟ على رضا البائع إذا هو رضي قال لي خلص والله رجع لك اياها واعطاني المصاري هذه اسمها إقالة النبي صلى الله عليه وسلم يقول من أقال مسلما بيعته أقال الله عثرته يوم القيامة لأنه أحيانا بعض الناس بيشتري وخلص هو هيك اندفع واشترى هالسيارة وندم وروع على البيت وزوجته وبهدلته يا شيخ ود

قال شو جايب لي هالقصة هي وورط الزلمة في القطعة هي وعارف أنه العقد ملزم، فالحل إنه يرجع على صاحب السلعة يستسمحه ويطالب منه، إذا صاحب السلعة سامحه وقال له: خلص رجع لي إياه وأنا أعطيك، هي اسمها إقالة، بس الإقالة هي حقيقة يعني تكون بعد لزوم العقد يعني العقد لزم، بس هو البائع جزاه الله خير قبل أن يفسخه يعني رضا لله سبحانه وتعالى، هذه بالنسبة لعقد البيع بمختصر الصل الكلام.

الان نجيء على الربا، الربا إخواني هو حقيقة بيع بس بيع حرام، بيع لأنه هو في معاوضة، يعني نحن قلنا شو المعاوضة؟ مبادله. البيع في مبادله الربا في مبادله، لكنه بيع حرام ولا حلال؟ حرام.

الان قلنا الأصل في باب البيوع، هيك خلينا نفهم الآن، الأصل في باب البيوع، الأصل في باب البيوع أنه أنا لي الحق أني أعطي كبائع، أني أعطيك السلعة بغض النظر شو طبيعة السلعة وبأي ثمن أضعه، وأنت تضع ماذا كمشتري؟ لك الحق أن تختار السلعة التي تشاء وتضع الثمن الذي تشاء، طبعا ضمن المعدل المعروف في البلد يعني مش تشاء يعني سلعة بدينار تحط ألف، لا أنا أقصده ضمن المتعارف والمعتود ممتاز.

فالأصل كما قلنا أن لكل منهما من البائع والمشتري في البيع أن يبيع القدر الذي شاء، سواء اتحد مع ما يبذله الآخر في الوزن والكيل أو اختلف، وأن يبيع النقد حالا أو لأجل، أنا ممكن كمشتري أقول لك أنا بدي أدفعه كاش، أنا ممكن كمشتري أقول لك أنا ما بدي أدفعه كاش، بدي أدفعه بالتقسيط، وأنت لك الحق ترفض أو تقبل.

فباختصار الأصل العام في البيوع جواز بيع أي سلعة، وجواز عقد أي مبادلة حالا أو مؤجلة، لكن بتيجي بعد ذلك، بعد هي الحالة الأصلية، بنيجي على الضوابط التي تمنع من بعض صور المعاملات.

نقول: لكن هناك بعض الأصناف تسمى أموال ربوية، هناك بعض السلع شو اسمها؟ أموال ربوية، وضعت لها الشريعة نوع من الشروط والقيود الخاصة فيها، ففي هذه السلع بالتحديد اللي اسمها أموال ربوية يج يحرم أمران: يحرم التفاضل ويحرم الأجل.

الان شوفوا هذا الباب أنا حاب أشرحه على السبوره أكثر من ما حاب أقراه كمتن حتى ما تضيعوا مع المتن، الآن ركزوا معي في عنا نوع من السلع اسمه ايش؟ أموال ربوية. هس شو هي الأموال الربوية؟ في معركة كبيرة بين المذاهب الأربعة في تحديدها حتى تفهم قديش الشغلة عويصة، شو هي الأموال الربوية بالضبط؟ في معركة بين مذهب أبي حنيفة والمالكية والشافعية والحنابلة في تحديد شو هي الأموال الربوية؟ يعني هل هي متفق عليها؟ هسه في قسم متفق عليه نعم، وفي قسم صراحه لا مش متفق أنه من الأموال الربوية، فأنت هون في هذا المستوى ربما ما بيهمك كثير تدخل في هي الدوامة، الخلاف هذا واحد.

ثانيا: نحن الآن رح نقدم في إرواء صورة مذهب الحنابلة، وعاد أنت ربما في بلدك تجد صور أخرى، كل واحد على حسب بلده الموجود فيه رح يمشي في تصنيف الأموال الربوية، لكن نحن الآن سناخذ مذهبا واحدا، وهناك مذاهب أخرى.

الأموال الربوية نوع معين من السلع اسمه الأموال الربوية، هذه يحرم فيها ايش؟ يحرم التفاضل ويحرم التأخير اللي هو بيسموه النسا، بس أنا استعملت العبارة العصرية التأخير في التسليم، التأخير في التسليم اللي هو بيسموه النسا في الفقه الإسلامي.

طيب نجيء الآن أحفظ لي هي الصورة ممتاز، يحرم التفاضلز. نجيء الآن على ما هي الأموال الربوية؟ والله فقهاؤنا الحنابلة الله يكرمهم شو قالوا؟ قالوا الأموال الربوية هي كل شيء كان يباع في زمن النبي صلى الله عليه وسلم بالكيل.

اكتبوا هذا إخوان الكلام، هو الإخوة اعتمدوا على الكلام النظري، بس هذا الكلام رح يكون أسهل وأقصر، وعندنا كل شيء كان يباع زمن النبي عليه الصلاة والسلام بالوزن، إذا العبرة مش بازمتنا، العبرة بزمن مين؟ النبي عليه الصلاة والسلام.

قالوا: كل سلعة كل سلعة كانت طبيعتها تباع بالكيل، شو المراد بالكيل؟ الكيل اللي بتدخل على محلات الحبوب بتلاقيها حاطة في كيس الرز ولا في كيل الحمص ولا في كيل كذا.

الان في زمن النبي عليه الصلاة والسلام طريقة بيع السلع كانت أساسا يا وزن بتحط على ميزان له كفتين، يا كيله بتدخل والله بدي شوية قمح بشيل لك كم كيله بقول لك خمس كيلات، كيله كيلتين ثلاث، وكونوا عارفين الأكيال: الصاع كيل، في هناك نصف صاع كيله ثانيه، بتكون زي ما بتروح بتدخل اليوم على محلات الحبوب، وفي شيء كان يباع بايش؟ بالميزان، يوضع الميزان بيقول لك هذا خمسة كيلوغرام، فالكيلوغرام هي وحدة ايش إخواني؟ وزن، الكيلة لا، هي بتقول كيلتين ثلاث أربعة خمسة على حسب المكيال الذي يستعمل.

طيب الآن السلع التي كانت في زمن النبي عليه الصلاة والسلام تباع بالكيل، الحنابلة يقولون إلى يوم القيامة هي أموال ربوية، والسلع التي كانت تباع في زمن النبي عليه الصلاة والسلام بالوزن إلى يوم القيامة هي أموال ايش؟ ربوية.

طب زي ايش أشياء تباع بالمكيلات؟ عموما الحبوب بأنواعها، الحبوب بأنواعها مثل القمح، الشعير، الرز، الأشياء التي كلها بطبيعتها بتنباع بالكيل، كانت في زمن النبي عليه الصلاة والسلام، حتى التمر والزبيب، وهذا أسد النبي صلى الله عليه وسلم قال: التمر بالتمر مثل بمثل، فالتمر والزبيب والحبوب بأنواعها كانت تباع بالكيل، إذا هي أموال ربوية.

طيب والاشياء التي تباع بالوزن في زمن النبي عليه الصلاة والسلام، ما أمثلتها المشهورة؟ أنت بيهمك الأمثله المشهورة اللحوم بأنواعها، لحم الغنم اشتروا على الملحمة كانت بالوزن، اللحوم والمعادن، المعادن: الذهب، الفضة، النحاس، وحنابلة ألحقوا بالمعادن هنا الأموال النقدية معاصرة قياسا عليها، طبعا في إشكال هنا بس إنه تاخذ الخلاصة، ألحقوا بالموزونات ايش إنه الموزونات بيدخل فيها الذهب والفضة.

والذهب والفضة نحن قلنا في الزكاة هي كانت الأموال في زمن النبي عليه الصلاة والسلام، فقاسوا الح قالوا الحنابلة: ما دام الذهب والفضة وهي موزونات أنا معادن هي التي كانت أموال في زمن النبي عليه الصلاة والسلام، طبعا اليوم نحن شو الأموال عنا؟ نحن لا ذهب ولا فضة، نحن شو بنشتري؟ بهالدينار وهالدولار وهالفرنك وهالقصص هاي، قالوا إذا نقيسها عليها، فندخلها العملات المعاصرة في الأموال الربوية ضمن الموزونات إلحاقا، وإن لم تكن الموزون، يعني نحن ما في واحد فينا بيجيب دينار بيحطه على الميزان، صح؟ بس هي إلحاقا أصبحت القضية.

إذا عندنا الماكيلات والموزونات هي الأموال الربوية، أي سلعة تباع بغير الكيل وبغير الوزن هذه مش مال ربوي.

يلا مين يعطيني سلع تباع بالكيل والوزن؟ سيارة، أنت السيارة بتشريها بالكيلة؟ تحطها على الميزان؟ لا، السيارة بتشريها بالحبة، بدي هي السيارة، كذلك مثلا عند الحنابلة: الحيوانات بالعدد، والله بدي أعطيني 20 رأس غنم، تمام، أعطيني خمس رأس، هذا أي شيء يباع بالعدد أو بالحبة، أو بحد عمارة، راح أشتري عمارة، العمارة لا بتوزن ولا بتنكال.

تمام، بعض أنواع الثمار حتى بعض الثمار، ثمار ما كانت تباع إلا بماذا؟ بالحبه، هذه البطيخ، البطيخ زمان في زمن النبوة ما كان أكيد مش رح ينباع بالكيلة، وما كان ينحط على الميزان، كان ياخذ البطيخ، الشمام، هي الثمار الضخمة ما كانت هي لا أصلا لا تتصور بالكيلة، وما كانوا يحطوها على الميزان وإنما يأخذونها بماذا؟ بالعدد، وهكذا.

إذا في عنا سلع لا تباع بالكيل ولا بالميزان، زي المكاتب، زي المايكروفونات، زي الكتب، زي الكاس، يعني كل هي السلع، الساعات، الثياب، هذه كلياتها من أموال غير ربوية، مش داخلة معنا في القصة كلها لأنها لا تباع لا بالكيل ولا بالوزن.

هي إذا سلع كثيرة، نحن مشكلتنا في الربا وين؟ في الذي يباع بالكيل أو الوزن.

طيب، الكيل يسمى يا إخواني ايش بس أحفظوا اسمه؟ ايش؟ علة ربوية. والوزن اسمه ايش؟ علة ربوية. هذا الكيل ذكرنا له أمثله نحن صح؟ حكينا تمر، قمح، شعير، زبيب، وقص عليه، حمص، كل نوع من هذه الأنواع بنسميه ايش؟ جنس ربوي.

إذا عندي علة ربوية ايش هي الكيل؟ وتحتها ايش؟ أجناس، التمر جنس، العنب جنس، الحمص والكل، كل واحد جنس.

نفس الشيء الموزونات، الموزون كلمة وزن علة ربوية وتحت ايش عندنا؟ أجناس، الذهب، الفضة، لحم الغنم، لحم البقر، ركز ها، كل واحد جنس، لحم الغنم شيء هذا حيوان، هذاك حيوان آخر، مش تحطها كلها لحوم، لحم البقر شيء آخر، أي عندنا الرصاص معدن، أي معدن أو لحم، كل معدن هو جنس، كل نوع لحم أو جنس لحم غنم، جنس الإبل، جنس، وهكذا.

طيب، إذا هذه أجناس تحت العلل. الآن ليش أنا بهمني تحفظ كلمة علة وأن كل عله تحت أجناس؟ ماذا تقول القاعدة؟ لا يجوز أن تبادل جنسا بجنسه متفاضلا أو متاخرا.

هساه الآن اربطوا لي هي الصورة بأي صورة؟ بالصورة السابقة، نحن قلنا الأموال الربوية شو يحرم فيها؟ التفاضل والتاخير. ممتاز، هسه بس هذا له طريقة معينة، أحفظ هذا الكلام، مبادله جنس بنفس جنسه يحرم في التفاضل ويحرم في التأخير إذا كان، يعني تمر بتمر ما بصير يكونك تفاضل، أعطيتك 2 كيلو تمر بدك تعطيني 2 كيلو تمر، بصير أعطيك اثنين كيله تمر تعطيني ثلاثة؟ هذا اسمه صار ايش؟ تفاضل، ما بصير، بصير أعطيك اثنين كيله زبيب تعطيني اثنين كيله زبيب؟ ما بينفع، اه بزبط ثلاثة أقل بزبط، والله كيلتين رز أنت أعطيتني مكانهم خمس كيلات رز، حرام ما بصير، أعطيك اثنين كيلو رز بتعطيني اثنين كيلو، لازم عدد، لا يجوز التفاضل، لازم التساوي، هذه أول شيء.

ولا يجوز أيضا في مبادله الجنس بجنسه ايش يحرم؟ التأخير برضه. بس الآن أنا بدي أعطيك 2 كيلو تمر وأنت بدك ترجع لي اثنين كيله تمر، بس أنت قلت لي: اسمع، أنا برجع لك اياهم بكرة، حرام، ما بصير، لازم الآن تعطيني إياهم. أعطيتك اثنين كيله تمر يحرم التفاضل ويحرم التأخير، بدك ترجع لي 2 كيلو الآن، ما بصير تأخر في التسليم، تقول لي: بكرة أو بعد بكرة.

هو واحد بيقول: طيب هو شيخ في واحد بعطي 2 كيلو مقابل قبل اثنين شو بده القصة هاي؟ لا هذا شو بتست هون بصير؟ وين بصير هذا؟ اختلاف الجودة إخواني، اختلاف الجودة، ما هو التمر جنس بس تحته أنواع، في تمر سكري، في تمر مجهول، في تمر برني، وفي تمر أبص، في قصص، التمر هو نوع واحد، فهسا ممكن شخص أنا عندي اثنين تمر سكري نخب، أنت عندك اثنين تمر سخري من قبل خمس سنين، فالان هو اللي بيصير عادة ما هو؟ أن واحد بيجي بيقول لي: يا شيخ أنا عندي 10 كيلو ثمر رديء شو رأيك أعطيك إياهم وتعطيني بس 1 كيلو تمر جيد؟ والله سامحني ما بزبط، يا شيخ 10 كيلو من تمر رديء بس كيلو واحد تمر جيد نقول ما بزبط، فبالتالي الإسلام في الأموال الربوية حدد الأمور.

الآن شو فلسفة الإسلام في تحريم الربا وما شابه ذلك؟ هذا موضوع كبير نتناقش فيه بس أنا بيمليني الآن تضبط الأحكام.

إذا نقول في مبادله جنس بجنس يحرم ايش؟ التفاضل والتاخير، الاثنين حرام.

طيب، إذا بدي أَبادل جنس بجنس آخر لكن كلاهما في نفس العلة، خليني أرجع للصورة، يعني هذا مش التمر جنس وقلنا القمح جنس صح؟ مشتركان في العلة الربوية الواحدة، كلاهما تحت ايش؟ داخلين كلاهما تحت المكيلات.

إذا بدي أَبادل جنس مع جنس كلاهما تحت علة واحدة، هنا يحرم شيء واحد فقط وهو التأخير، لكن لا يحرم التفاضل.

مبادله جنس بجنس آخر يشاركه في العلة الربوية يحرم التأخير فقط، لو أنا أعطيتك خمس كيلات تمر وأنت أعطيتني 10 كيلات قمح في تفاضل بصير؟ بصير بصير، بس لازم يكون حالا، إذا هون بصير التفاضل، بس ايش الحرام؟ التأخير.

تمام، أعطيتك 20 كيله حمص أنت أعطيتني 57 شعير، فمشكلة في التفاضل؟ الحرام هون فقط التأخير.

طيب الصورة الثالثة ماذا ستكون؟ إذا بادلت جنس بجنس آخر مختلف معه في العلة تماما، يعني نرجع للصورة السابقة، بدي أَبادل تمر مع اجعل موزونات مع ذهب، بدي أَبادل قمح مع معدن الرصاص فرضا يعني واحد بده يعمل شو عندنا حكينا؟ زبيب مع شوية لحم ها مع شوية لحم تبادل هنا.

إذا بادلت جنس بجنس آخر يختلف معه في العلة، يجوز التفاضل ويجوز التأخير، مش لازم أن يسلم كلا العوضين في المان خلص بطل في ربا، باختصار بطل في ربا.

فأنا بقدر أعطيك 5 كيلو تمر وتعطيني أنت 5 غرام نحاس أو 7 كغ نحاس أو 20 غ نحاس، وواحد فينا يأخر التسليم لبعد أسبوع، في مشكلة؟ بس واحد اللي بده يأخر، الاثنين ما بصيروا يأخروا، مش لأنه ربا، لأنه بصير بيع دين بدين وهذا حرام في كل البيع، يعني في كل البيوع بغض النظر أموال ربوية ولا لا، ما بصير يكون الثمن مؤجل والسلعة مؤجلة، أنه صار اسمه بيع دين دين، هذا حرام في كل البيوع ما له علاقة بالربا أصلا.

بس في الوضع الطبيعي، إذا بادلت جنس يندرج تحت علة مع جنس آخر تحت علة أخرى، ذهب الربا طبعا، ومن باب أولى هيك، ومن باب أولى إذا بادلت جنس يندرج تحت علة ربوية مع مال مش ربوي أصلا، مع سيارة، مع عمارة، مع مال مع جنس آخر ليس أصلا ضمن الأموال الربوية، بادله سمر بسياره إيه، بادله مثلا نحاس بطاولة، بس هذا نفس الشيء هذا بالتأكيد ما في لا تفاضل ولا تأخير، كله جائز.

ممتاز، إذا هذه القواعد.

الثلاث احفظها، اختصرت عليك الباب كل العشقة المكتوبة هون. اختصر عليك، مثلاً: مبادلة جنس بجنس يشترك معه في العلة، يحرم إيش؟ لا خلينا، أيوه، مبادلة جنس بنفس الجنس، يعني مبادلة جنس بنفس الجنس، تمر بتمر، هذا يحرم التفاضل، يحرم التأخير. مبادلة جنس بجنس آخر يشترك معه في العلة، يحرم التأخير فقط بس، لا يحرم التفاضل. مبادلة جنس في تحت علة مع جنس آخر تحت علة أخرى، فخلص فربا، قول في ربا.

طيب، نيجي الان على النقود. الان إخواني الأموال النقدية، كل عملة تعتبر جنس مستقل، يعني الدينار الأردني يعتبر جنس مستقل، الدولار جنس آخر. نحن ما بنقول كل الأموال النقدية جنس واحد، لا. بتيجي بتحكي لي: الدينار جنس، الدولار الأمريكي جنس، الريال السعودي جنس، الدينار الكويتي، أنه كل دولة تطبع شيء مستقل وقيمة أموالها مستقلة. فيعتبر، كيف لحم غنم، لحم إبل، لحم كذا، نفس الفكرة.

بالتالي لو سالتك: بدي أبادل عشرين دينار أردني بخمسين دولار، طبق لي القواعد اللي قلت لك إياها، شو بتحكي لي؟ اه. محمد، أول شيء صنف لي إياها، هل هو مبادلة جنس بنفسه، جنس بجنس آخر؟ شو بتعتبرها؟ إذا دينار أردني بدولار أمريكي، إذا هم مشتركين في العلة، لكن كل واحد جنس، إذا شو الجائز وشو الحرام؟ يجوز التفاضل، صح؟ بصير أعطيك عشرين دينار وأنت تعطيني خمسين دولار. بس شو الحرام؟ التأخير، بدك الآن تعطيني إياه، ما بينفع.

إخواني، خاصة الشباب بيشتغلوا على الفوركس ولا غيرها، بدك تنتبه. سوق المال العالمي بدك تشتغل، بدك تعرف هاي الأحكام، ما بينفع أنت تحط مصاري ويجي يقول لك: خلص بكره بس تفتح البنك، لا ما بينفع، بلغي المعاملة. اللي بيشتغل في الأسواق الإلكترونية بده يكون الدفع الآن، أنت أعطيته دينار بده يعطيك دولار، التفاضل ما عندنا مشكلة بسبب اختلاف الجنس، لكن لازم التقابض؛ لأن بنتكلم عن علة واحدة.

طيب، أعطيكم مثال آخر. خمس دنانير أردنية ماسك، رحت على البياع قلت له: أعطيني مقابلها عشرة دنانير أردنية فرطة. لا خذ، شو حكيت لنا المثال؟ نسيته. خمس دنانير أردنية ماسك، بدك إياه يعطيك إياه خمس دنانير فرطة؟ مش هيك بصير كثير؟ بتلاقي عامل راح على هذا الله، أعطيني إياه فرطة. هي في موا... إذا خمس دنانير ماسك، بدك البياع يعطيك إياه خمس دنانير، بس إياها إيش؟ فرطة. شو تصنيفها يا شيخ يازن؟ هي من أي نوع من هاي الأسباب؟

أحسنت، هنا نفس الجنس، دينار أردني بدينار أردني، وهذا بالتأكيد إذا كان نفس الجنس، أصلاً صارت العلة مماثلة في هذه الحالة. شو الحرام إخواني؟ التفاضل والتأخير. كثير بشوف ناس شو بيصير، بروح عليه بقول له: اسمع، معي أربع دنانير، دينار بتيجي بعدين بتاخذه، بعطيه أربع دنانير، بقول له الدينار كمان شوي برجع باخذه، هذا صار في حرام من جهتين، صار في تفاضل لأنه أعطيتك خمسة أنت بس رجعت لي أربعة وقلت لي بتيجي تاخذ، صار في إذا اختلاف أربعة مقابل خمسة، وصار في تأخير، هذا حرام من جهتين.

إذا قال لك: خلص أعطيني الخمسة وتعال كمان شوي بعطيك الخمسة فرطة، حرام من إيش؟ تأخير. بدك تنتبه، إلا في حالة واحدة ما بتسهل على الناس، هسا إذا هو أخذها، إذا أخذها بس أنه يحجزها عنده مش أنه عقد، قال لك: بس تيجي عندي بنعمل العقد، شيء ثاني، صارت وديعة. إذا أخذها صارت وديعة وباجي عنده بنعمل الصرف أنا وإياه، أما إذا أخذها على أنها صارت له، وأنه بعطيك المال كمان شوي، هذا حرام، لأنه فرطة ماسك هي بتفرق في الشريعه الإسلامية.

تمام، يعتبر نفس الجنس، فلازم إيش؟ التماثل ولازم التقابض. هذا ب... وهذا اسمه عقد الصرف، وهذا اللي بيسموه في الإسلام عقد إيش؟ عقد الصرف. مشان هيك أنا ضربت عصورين بحجر، خلصت لكم عقد الصرف وأنتم مش منتبهين، لأنه هو عقد الصرف حاطه أخونا في يعني باب آخر، بس هو هذه يعني فكرته، ما في في فكرة أكثر من كدة. تمام، فعقد الصرف هو أصلاً متعلق بالأموال ربا، لأنه الأموال النقدية هي عند العنابل -على الأقل- إلحاقاً أدخلوها مع الموزونات، وصار يص... يعني يطبق فيها نفس الشيء، بس بهمني تفهم أن كل عملة هي عبارة عن جنس مختلف، لكنهم يجتمعون في علة واحدة، بس هذا بدك تفهم، فهموه.

فبالتالي إذا كانت نفس العملة يحرم التفاضل ويحرم التأخير، إذا كانت عملة مع عملة أخرى يجوز التفاضل لكن يحرم التأخير. تمام؟ أما عملة مع تمر، تمام، إذا كانت عملة مع تمر، هذا أصلاً بصير في التفاضل وبصير في التأخير في أحد العوضين.

طيب، نيجي الآن على عقد آخر اسمه عقد السلم. طبعا إخوان، أرجو أنكم تكتبوا هذا الكلام عندكم، أنه هذا رح يختصر، أنه أنت إذا قراته من الكتاب مش رح تستوعب زي ما رح تستوعب من خلال الرسمة التي رسمت هنا. هي الخارطة بتوضح لك الأمور إن شاء الله.

في عقد إخواني اسمه عقد السلم، الآن نحن وإياكم اتفقنا على شغله، شو هي؟ أنه ما بصير يكون الثمن والسلعة كلاهما بالدين، صح؟ لازم واحد على الأقل يتم تسليمه في مجلس العقد، يا السلعة يتم تسليمها والثمن مؤجل، يا الثمن يتم تسليمه والسلعة مؤجلة، أما أن الاثنين يكونوا مؤجلين هذا حرام، ما له علاقة بالربا، هذا كله، هذا حرام في كل الأموال حتى لو لم تكن أموال ربوية، هذا حرام في كل الأموال، ما بصير يكون دين بدين، لازم على الأقل إحدى السلعتين يتم تسليمهما الآن.

في العادة، في العادة إيش اللي بيكون مسلم في العادة؟ في البيوع المعاصرة شو العادة اللي بيكون مسلم؟ في العادة أنت بتاخذ السلعة وبتحكي للبائع: بدفع لك بعدين، صح؟ ففي العادة السلعة هي التي تكون حاضرة، والثمن هو الذي يدفع لاحقاً، على التقسيط أو على دفعة واحدة على حسب اتفاقك مع البائع.

لكن في هناك الصورة المعاكسة، أنه لا، أنه أنا أدفع الثمن الآن في مجلس العقد وأنت تعطيني السلعة لاحقاً، هذا اسمه عقد السلم، هذا اسمه عقد إيش؟ السلم. أنه يدفع الثمن معجلاً والسلعة بتاخذها بعدين. هذا كثير ما كان يفعل في المدينة في الأوساط الزراعية، كانوا الصحابة إيش يعملوا؟ الصحابة بدهم زيت، فكانوا يجيهم تجار من الشام، فشو بيجوا بحكوا لهم الصحابة؟ يا عمي، خذوا هاي مصاري الآن، بندفع لكم إياها خمسين دينار ذهبي، ولما يجي موسم الزيت من الشام في شهر عشرة بتجيبونا خمس تنكات زيت.

فالان ما الذي تم دفعه الآن في مجلس العقد؟ الثمن، دفعنا لكم خمسين دينار ذهبي، والسلعة متى ستسلم؟ شهر عشرة، بعد أربعة أشهر، خمسة أشهر. هذا أنت برضه الآن ممكن تفعله، يعني أنا والله في زيت من الشمال بدي إياه فإيش بسوي؟ بدي أحجز من الان، فباجي على تعون المزارع بقول: اسمع، أنا بعطيك الآن خمسمائة دينار، وبس تيجي موسم الزيت تعطيني عشرين تنكة. بقول لي: ماشي. هذه حقيقة فائدة للطرف، طرفين. ليه؟ أنا استفدت أني حجزت السلعة مبكراً، والمزارع استفاد أن صار معه سيولة يروح يسقي شجره، وين؟ بكون المزارع طفران، والمزارع بس يجي بستنى، استنى يجي شهر عشرة؛ لأنه هو بده مال، فأنا ريحته شوي، خففت على المزارع، قلت له: خذ هي سيولة، ضبط شجراتك، قلمهم، اسقي شوي زيادة، بتطلع الزيتونات مرتبات، وهو استفاد سيولة مشى أموره، وأنا استفدت أني حجزت الزيت قبل ما الناس تاخذه ويذهب علي، هذا اسمه عقد السلم.

بس هذا العقد له شروط مشايخنا، شو هو؟ لابد يكون السلعة تم وصفها وصفاً دقيقاً لا يختلف فيه الشخصان، يعني الوصف اللي بدك توصف فيه السلعة هنا أشد من الوصف اللي بدك توصف فيه السلعة في البيع الطبيعي. مشنا في البيع الطبيعي، أما مشاهدة واما وصف، وهون في هذه الحالة لأنه السلعة أصلاً في العادة في عقد السلم في العادة بتكون السلع معدومة، يعني أصلاً هي لسة موجودة، لسة قد تكون ما خلقت أصلاً على وجه الأرض، الزيت قد... الزيتون ممكن ما طلع أصلاً، فانت هون بدك تتفق على البائع على مواصفات واضحة، تحكي له شو نوع الزيتون، شو نوع الزيت، أي وصف ممكن يؤثر بده ينحكى، كم كيلو بدك تجيب أو كم وزن بدك تجيب على حسب نوع السلعة بالكيلو ولا بالوزن، يتم الاتفاق على كل التفاصيل.

إذا لم يتم الاتفاق على كل مواصفات السلعة أصبح العقد باطلاً، لأننا نحن بدنا نحفظ حق المشتري المسكين هذا، يدفع له الآن مئة... خمسمائة دينار ويجي موسم الزيت يلاقي زيت تاني، يلاقي صفات أخرى، حقه ساعتها إنه يرجع المال الذي دفعه؛ لأنني اتفقت على مواصفات معينة وأنت خرمت بها.

فهذا ما يسمى في الإسلام عقد السلم، النبي عليه الصلاة والسلام قال: من أسلف في شيء فليسلف. اسم السلم ويسمى السلف أيضاً، له اسمين: سلم وسلف. سلم باعتبار أنك تسلم المبلغ في العقد، وسلف باعتبار أن السلعة مؤجلة، فمن سماه سلماً نظر إلى أن المبلغ يسلم في المجلس، ومن سماه سلفاً نظر إلى أن السلعة سلف متأخرة ولن تكون موجودة في الموت.

طيب، النبي عليه الصلاة والسلام قال: من أسلم في شيء فليسلف في كيل معلوم ووزن معلوم إلى أجل معلوم. هيك بنكون أنهينا من البيع.

طيب، إذا البيع يقوم على ماذا أيها الكرام؟ انتقال ملكية ملكية العين إلى المشتري وانتقال ملكية الثمن إلى مين؟ إلى البائع.

طيب، نيجي على عقد الإجارة، وهو النوع الثاني من المعاوضات. نحن قلنا المعاوضات بيوع بأشكالها، إجارة، شركات. الإجارة فكرتها مختلفة شوي عن البيع، الإجارة لا تقوم على أنني أملكك عين، الإجارة تقوم على أنني أملكك منفعة إلى وقت معلوم. ها ركز، إلى وقت معلوم. وهذا الفرق الثاني، أن البيع الأصل في أنه البيع أبدي، خلص، أنت لما تشتري سيارة هذه أبدياً إليك، الإجارة لا، إلى وقت معلوم، أنا بأجرك السيارة شهرين، بأجرك الشقة عشرين سنة، بأجرك كذا.

صح، فالبيع والإجارة يختلفان في أمرين: أن البيع يكون تمليك كامل للشيء، أما في الإجارة، إجارة أنا أملكك المنفعة فقط. إذاً في البيع يكون تمليك للأعيان، وأما في الإجارة تمليك للمنافع. ال... طبعا البيع هل يجوز أن يكون أيضاً تمليك منافع؟ يجوز حقيقة، فالبيع إذا بدي أكون عبارتي فقهياً أدق، هو إما تمليك منافع على وجه التابيت أو تمليك عين على وجه التابيدت، لأنه البيع ممكن يكون أيضاً للمنافع، أما الإجارة هي فقط تمليك منافع وإلى وقت معلوم.

هذا الفرق الثاني، أن البيع أبدي والإجارة وقت محدد. ممتاز، إذا بدي أيك تفهم الإجارة هي تمليك ايش؟ منفعة إلى وقت معلوم، احفظ هذا التعريف تمليك منفعة، تمام، حتى اكتبه عندك، مش بس هذا احفظه، لأنه قال: وصورتها مبادله مال مقابل منفعة، بدي أعطيك تعريف أدق شوي: تمليك منفعة إلى وقت معلوم.

طيب، الآن الإجارة إخواني، إجارة على نوعين، كما تلاحظون في صفحة ستة عشر، أما إجارة عين، إحنا قلنا هي تمليك منفعة، بس أنا حتى أملكك المنفعة إما أن أؤجرك عين واما أن أؤجرتك منفعة، تمام.

يلا شوف، إيه كلمة منفعة لا شيلوها، واما إجارة عمل، خليني سامحوني ما عجبتني الكلمة هي، أما إجارة عين -صفحة ستة عشر- وأما ثاني إجارة ايش؟ عمل. الآن نقول الإجارة هي تمليك منافع.

ممتاز، الآن تمليك، هي الإجارة التي هي تمليك المنافع على نوعين: أما إجارة عين واما إجارة عمل. شو يعني؟ أنت بتيجي علي بدك تستأجر، طبيعة الإجارة رح تحكمنا، هي إجارة عين ولا إجارة عمل؟ الآن أنا فاتح محل تأجير سيارات، بتيجي علي بتقول لي: أنا والله رايح من عمان للعقبه، ممكن أستأجر منك هذه السيارة؟ بقول لك: ممتاز، بعطيك إياها لمدة ثلاثة أيام بأجرة يومية ستين دينار، بترروح بترجع فيها. إذا أنا ملكتك إيش هنا؟ منفعة هاي السيارة مش عينها، لمدة كم؟ ثلاثة أيام، مقابل معلوم ها محدد مقابل مبلغ اتفقنا عليه أنا وياك ممتاز، فهذا اسمه إجارة عين، حتى أنت تتملك منفعتها خلال مدة محدودة وهي ثلاثة أيام، هذا اسمه إجارة العين.

إجارة العمل، لا. إجارة العمل أني أنا بستأجرك أنت، مش سلعة عندك، بستأجرك أنت، بقول لك: اسمع، أنا عندي ورشة في الدار بدي أدهن دهان، تمام، أنا بعرف أدهن، بتقدر تيجي تشتغل عندي تدهن لي هالدار كلياتها وأعطيك خمس دنانير ولا عشر دنانير ولا مئة دينار؟ هنا أنا لم أستأجر عيناء، أنا مش أجيت على عين موجودة عندك هيك، أنا لم آت إلى عين عندك أنا أخذتها واتفقت أنا وياك عليها، لا، أنا هنا استفدت منك منك أنت نفسك، أخذت عملك. بس هي لما آجي لشخص لعامل أطلب منه دهان، بناء، يحمل لي أغراض، هي ما بنسميها إجارة، بنسميها إجارة ايش؟ عمل، بسنميها إجارة عمل.

طيب، الآن بالنسبة لإجاره العين اقرا فيها يا عمر إيش مكتوب فيها؟ قال: فالإجارة على نوعين: إجارة عين يبذل فيها المؤجر عيناً كسيارة أو شقة أو ثوب أو غيره ينتفع بها المستأجر وتبقى ملكاً للمؤجر، وتبقى ملكاً... الآن العين رح تبقى ملكاً للمؤجر، مش رح العين مش ملكك أنت، ملكك بس المنفعة. قال: والمستأجر ثمناً مقابل انتفاعه بتلك العين. نعم، المستأجر رح يدفع ثمناً مقابل الانتفاع.

قال: وإجارة عمل يبذل... إجارة عمل يبذل فيها الأجير منفعة وعملاً. كون الأجير أنت بتيجي علي صح، هنا أنا رح... أنا ما رح أعطيك عين، أنا رح أعطيك جهدي ووقتي، تمام، أنا ما رح أسلمك عين، أنا رح أسلمك إيش؟ جهدي ووقتي. عشان هيك الأخ سماها إجارة منفعة، بس أنا بحب حتى ما تختلط المفاهيم.

سميتها إجارة عمل، أفضل. إجارة عمل؛ أنا بعمل لك عمل، بدرس لك، ببني لك، بعمل لك، بصلح لك. الآن عفوا، كل شغل الميكانيكية والخياطين هو عبارة عن ايش؟ عمل، صح؟ أنت ما بتروح تاخذ من نوعين، بدك تستعملها أنت، بدك جهده، خبرته، معرفته؛ يصلح لك السيارة، يصلح لك الثلاجة، يصلح لك كذا، يبني لك، يدهن لك، يعمل لك نجارة، حدادة، وما شابه ذلك في البيت. طيب!

قال المستأجر قال ثمنا مقابل حصوله على منفعة ذلك الأجير. جميل! الآن ماذا يشترط في عقود الإجارة عموما؟ قال: أولا معرفة المنفعة وقدرها. معرفة المنفعة وقدرها، ويحصل تقديرها بالزمن. طيب! الآن سواء كانت الإجارة إجارة عين ولا إجارة عمل، في هناك شروط حتى يصح عقد الإجارة؛ أولا: لازم نعرف ما هي طبيعة المنفعة اللي رح تملكني إياها، لازم نتفق عليها تماما، يعني أنا ملكتك بدي أعطيك أي عين شقة، بده يكون معروف إن هاي الشقة لايش؟ للسكن، صح؟ أنا أجرتك منفعة ايش؟ السكن فيها، مش بكره ألاقيك عامل فيها ورشة حدادة، لأنه أنا ماجرك إياها مشان شو منفعة؟ تسكن فيها. يلاقي الرجال صاحب العمارة الزلمه جاب ورشة وجاب آت ومعدات وقالبها منجرة داخل الشقة، بحقه يعترض، يقول: لا، أنا المنفعة اللي اتفقت فيها لما سلمتك هاي العين المنفعة ما هي بالمتعارف عليه أنها ايش؟ سكن، تستعملها في السكن، قالوا: أو في منفعة أقل منها لو ما استعملها سكن بس أخونا اجا على منفعة أقل حط فيها شناتيه. هسا أنك تضع شناتيك هيك شيء أقل ضرر من السكن، لأنه السكن فيها بتخرب، قالوا: إذا استعملها في المنفعة أو في ما هو أقل منها في مشكلة، أما يروح يستعملها في منفعة أعلى من المنفعة المتفق عليها، لا هيك أنت بتضرني، لما تصير الدار منجرة حدادة المي الحيطان بتخرب الحيطان بتنحرق بصير إشكاليات، فاذا لا بد من معرفة المنفعة وقدرها تماما من معرفة المنفعة وقدرها.

طيب! الآن معرفة المنفعة فهمنا صح أنه أعرف شو طبيعة المنفعة؟ حتى في إجارة العمل، هسا إجارة العين فهمناها، إجارة العمل كيف بدي أعرف المنفعة؟ والله أنا بنفع أجي على عامل أقول له: تعال بدي إياك تشتغل في الدار. خلص اتفقنا لا، إيش بدي اشتغل أنا؟ يا دهين، يا بليط، يا بدك تقول له شو نوع الإجارة، يا بده يدهن، يا بده يبلط، يا بده يكون مسرجي، ما رح ينفع أنك تقول له: تعال بدي أستأجرك لعمل وهو مش عارف شو العمل، لأنه ممكن مش وظيفته مش شغلته ويصير بينك وبينه خلاف وأنت خربت. طيب أنت ما حكيت لي شو العمل؟ وهذا طلبصير؛ أخواتي بتلاقي شخص استأجر شخص مفكره يعني يمتلك كل المهارات، بدك إياّه يطرش ويبني وكذا ولما يصير مشكلة أنت خربت لي كذا. طيب ما هو أنت ما حكيت لي شو طبيعة العمل؟ ولما أجيت اشتغل خليتني اشتغل كل شيء في الدار! خليتني أشطف وأبني وأعمل فك، شيء طبيعي يطلع في مشكلة في الدار، يعني أنت لم نتفق أنا وأياك على طبيعة العمل. إذا معرفة المنفعة هذا شرط لحال، ومعرفة قدرها هذا شرط آخر، بإمكانك تحط فوق معرفة المنفعة واحد ومعرفة قدرها اثنين، لأنه هذا شرط آخر. معرفة قدرها، الآن ما معنى معرفة قدرها؟ كم مقدار هذه المنفعة؟ كيف سأضبط المنفعة التي سأستفيدها من العين أو استفيد من العمل؟ هسا أنا ممكن عرفت ما هي المنفعة، لكن مقدار الاستفادة ما هو برضه لازم نتفق عليه حتى ما نختلف مع بعض. الآن هذا المقدار أما أن يكون مقدرا بالزمن، وهذا في العادة هو المتفق عليه، يكون في الزمن، أو أحيانا يكون مقدرا بايش؟ بالعمل. كيف يعني بالعمل؟ ركز الآن. اجا على الزمن، اقرأ يا عمر! الزمن قال: بالزمن مده معلومه، قال: كإجارة البيت مدة سنة، والسيارة مدة شهر، والثوب مدة يوم، ونحو ذلك، وهذا هو في العادة المشهور. صح، نحن أصلا شو قلنا في الإجارة؟ مش تمليك المنافع لمدة معلومة؟ فهذا هو الأصل أني أقول لك سيارة مقدار المنفعة. العروس مشروح تستأجر فستان العرس؟ فستان العرس بتستأجره ليومين بده تكون وقت.

اثنين قال: ومده الساعات في البناء أو الزراعة أو الحدادة ونحو ذلك في إجارة المنفعة كلمة كل كلمة إجارة منفعة حولوها لإجارة عمل بدنا نغيرها. طيب! الآن إذا كانت إجارة عمل، أنا باجي لعامل بتفق معه بقول له: بتشتغل عندي من 8 الصبح للـ4 المساء، مش هيك العرف عندنا في البلد؟ من الـ8 صباحا للـ4 مساء، هذا هو العرف، فهو بيقول لي: أنا من الـ8 صباحا للـ4 مساء عندك في البيت بشتغل، لما ترن الساعة 4 خلصت، بغض النظر شو الكمية اللي أنجزتها، أنا الك علي أضلني أشتغل أشتغل أشتغل، طبعا غير أوقات الصلوات المفروضة، ما له يحرمه من الصلاة، (لو صاحب العمل قال للعمال: ما في صلاة، أنا مستأجرم؛ غصبا عنه بده يصلوا الصلاة المفروضة، أما الرواجب يعني أكثر الفقهاء على أنه لا إذا رب العمل قال: بدي إياكم تصلوا إذا بدك تشتغلوا بيشتغلوا، لكن الصلاة المفروضة لا يحق له أن يمنعهم من أدائها).

طيب الفكرة ايش بدنا نقول؟ فهنا أنا ممكن أستأجر لعمل لمده معينة بس ما دمت استأجرتك لمده أنا ما بقدر أطالبك بماذا وأنت بتنجز وبتشتغل، ما بقدر أقول لك: ليش ما خلصت اليوم البناء؟ تقول لي: أنا شغلي معك من متى؟ من الثمانية للربعة وأنا هيك شايفني ما قصرت، فانا مؤجر لعفوا لانجاز أنا مؤجر لمده هاي المده شو ما بانجز بانجز. الطريقة الثانية في تقدير المنفعة قال: أن تقدر بالعمل، اقرأ قال: أو بالعمل، بأن ينجز، كإجارة سيارة للذهاب بها إلى العقبة، أو بناء حائط، أو خياطة ثوب، أو إصلاح ثلاجة، ونحو ذلك. الآن هاي طريقة أخرى حقيقة في تحديد المنفعة ولكنها ليست بالوقت، وإنما بانجاز العمل. أن تربط مقدار المنفعة بماذا؟ بانجاز العمل. طبعا الطريقة الأولى هي المشهورة في الإجارة، أن أضبط الإجارة بايش؟ بالمده، في طريقة أخرى وهي جائزة حقيقة أن أضبط الإجارة بانجاز العمل بس هون بدنا نكتب كلمة مفيدة لكم: اكتب انجاز العمل في الوقت المتعارف عليه، لازم نكتب في الوقت المتعارف عليه، ليش في الوقت المتعارف عليه؟ الآن ركز معي، اجاني شخص على معي أنا زلمه بأجر سيارات، اجانا شخص على محل تأجير السيارات قال لي: أنا بدي سيارة أستأجرها، بدي أروح على أي بدي أستأجرها مش لمدة محدودة يعني لا تحكمني بـ24 ساعة أنا بس بدي أطلع على العقبة مشوار وأرجع، فبمجرد ما عملت هذا العمل رح أسلمك السياره هسا هو لماذا الإنسان يلجا أحيانا إلى هاي الطريقة؟ لأنه أنا ممكن أتاخر لي ساعتين زيادة أربع ساعات، يعني ممكن أروح وأتاخر يعني مش ضروري التزم بالساعات بالضبط، فانا بقول لك: أنا بدي اياها لعمل هسا أنت وإياه ضمنيا فاهمين أن هذا العمل عرفيا عرفيا معروف تقريبا مدة إنجازه، صح؟ يعني طريق العقبة أربع ساعات رايح وأربع ساعات جاي، والزلمه ظاهر من كلامه أن شغلته في العقبة هيك شغله كم شغله بده يقضيها ويروح، فانا كصاحب محل السيارات بقدر تقريبا أن قدش بده الرجل، يعني بدي أحط رينج عندي من 24 ساعة لـ36 ساعة يكون وصلني هسا أنا ما بقدر أحاسبه ضمن هاي المده، وصلني على 24، قبل الـ24، على الـ25، على الـ30، أنا مش متفق أنا وإياه على مده، متفق على ايش؟ أنه يروح يرجع بس ضمن السقف المعقول، هذه في إجارة العين، وإن كنت ما بنصح فيها كثير في إجارة العين هي الطريقة أنها بتخونك الأمور، لكن عندك في إجارة العمل هي أهم بكثير.

شو بتصير في إجارة العمل؟ أنا استأجرتك تدهن لي ممتاز، فأنت شو بتيجي بتاخذها؟ هذه كثير بحبوا العمال يعملوها اللي هي المقاولة، بسموها ايش في عرفنا؟ المقاوله، أنه بيجي بيقول لك: أنت شو بدك؟ اعمل لك، مش بدك أبلط لك هاي؟ خلص أنا ببلط لك اياها بـ1000 دينار. طيب كم يوم؟ يقول لك: سامحني أنا ما بقدر أعطيك كم يوم يعني ما بصير، ما بقدر أحديد لك 10 أيام، أنا لك عندي 1000 دينار مقابل إنجاز العمل أني أبلط لك اياها بس في ايش؟ في سقف متعارف عليه يعني بدنا نكون لاني بقدر ساعيتها أنا مشكلة، يعني هسا تقدر هسا مساحة 500 متر بلاط كم بدها تقريبا نحكي مثلا أسبوعين عمل والله أخونا قاعد فيها سنتين! لا يا عم الله يرضى عليك، ما يجي بعد سنتين أجي أقول له يقول لي: نحن إجارة عمل مش إجارة وقت! لا يا عمي الله يرضى عليك، صح إجارة عمل، بس هذا العمل ضمن السقف المعقول، ضمن السقف المتعاهد عليه، تأخرت يومين يومين ثلاث، نقصت يومين ثلاث، مش رح نتحاسب لأن هي إجارة عمل، بس لازم يكون ضمن السقف المعقول ضمنيا تمام. فهنا صح الوقت ليس مكان العقد، لكنه يلحظ من حيث الوقت المتعارف عليه.

طيب بالتالي لو أنا هل يجوز أني أتفق مع عامل هذا الاتفاق؟ شوفوا وين بصير خطا عند بعض الناس، بيجي على عامل بقول له: اسمع، بدي إياك تدهن لي الدار خلال يومين! جمع بين طلب إنجاز العمل والمدة، هذا حرام، أن يكون عقدك على مده وعمل في نفس الوقت، يعني أنت طالبته بالانجاز وحددت له المدة ها طالبته بالانجاز وحددت له المده ما بصير يا بتتفق معه على مده يا بتتفق معه على عمل، بس بده يكون مفهوم العمل عرفيا كم بيسوى، لانه إذا تجاوز الوقت المتعارف عليه نتمشكل معه، لكن غير كده ما بينفع أنك تقول له: بدي إياك خلال 48 ساعة تعمل لي! طب ما هو أحيانا عفوا بتظهر مشاكل أثناء العمل، يعني أنت بتقول لي 48 ساعة وبدك تخلص لي إياه، طيب افرض طلع عندك مشكلة تعفونة في الحيط وأنا جالس وعم بحث وكذا، وافرض أنه صارت أشياء يعني بتطلع مشاكل كتير أثناء العمل ما بتكون على الحسبان، فهو بيجي بيقول لك: لا يا عمي يا بتحدد لي مده يا بتحدد لي عمل، أما مده وعمل في نفس العقد هذا في ظلم حقيقة في عقد الإجارة.

طيب، أما معرفة الثمن وقدره فهذا أكيد بده يكون متفق عليه، كم بدك تعطيني؟ شو هو أولا الثمن اللي بدك تعطيني إياه؟ بالدينار الأردني بالدولار، ممكن واحد بده يعطيك أجرة مش دنانير بجوز بده يعطيك أجرة علبة جبنة! تمام، بصير بصير الثمن يكون علبة جبنة مش ضروري الثمن إخواني يكون فلوس، الثمن هو أي شيء يصلح أن يكون سلعة، يصلح أن يكون ثمنا، ممكن يكون الثمن سيارة أعطيك إياها بس بده يكون معروف ما هو الثمن وكم مقداره.

طيب في إجارة العمل، الآن بس فائدة اللي بدي أعدل عليها، اقرأ فائدة في إجارة العمل قد يكون الاجر هو مكتوب في إجارة المنفعة برضه حولوها على العمل بدي أحول على كلمة العمل، في إجارة العمل قد يكون الأجير نعم أجيرا خاصا لا يضمن ما تحت يده إلا إذا تعدى أو فرط، واج أو أجير مشتركا ويضمن ما تلف بيده مطلقا. هي فائدة مهمة نفهمها في قضية إجارة العمل. هسا إجارة العمل نحن قلنا يا بتحددها بـ(زمن) صح بستأجرك من الثمانية صباحا للربعة مسا، يا بتحددها بايش؟ بإنجاز عمل معين بإنجاز عمل معين. طيب الآن في إجارة العمل وجدوا العلماء أن الناس لها طريقتان في التعامل؛ يا شخص بيقبل أن يكون محدد بالزمن وهذا بسموه أجير خاص، اللي بيستأجر لزمن ماذا يسمى؟ أجير خاص. أنا لما أخذك من الـ8 صباحا للـ4 مسا بينفع ألاقيك تشتغل عند دار الجيران؟ لا، لأنه أنت خاص لي، صح؟ ما بينفع ألاقيك بخمس ورشات وأنا مستأجرك من الـ8 صباحا للـ4 مسا، فالذي يستأجر لعمل خلال زمن مخصوص ايش اسمه؟ مؤجير خاص.

أما الذي يستأجر لعمل إجارة عمل لإنجاز عمل، هذه ممكن يكون يجي عندك على الدار ويشتغل عندك وحدك، وممكن يكون أجير مشترك، شو أجير مشترك؟ هاي هذه إخواني مثل إخواننا الصناعية، أجير المشترك إخواننا الصناعية اللي الناس بتروح تحط عندهم إيه سياراتهم مشان يصلحوها ثلاجة بيتك، الثلاجة، الغسالة، المونينكس، أي شيء بدك تروح تصلحه أو خياطين أنت بتحط ثوبك عنده يكويه هو بحط ثوبه يكويه، هو بحط ثوبه يكويه. هسا هو شو متفق معك؟ أن أكوي لك الثوب، أنجز لك العمل، طبعا في ضمن معدل معين من الزمان، بس أنت ماخذه لايش؟ لعمل، أنه يصلح لك الغسالة. هسا هو ما بيجي بيقول لك: أنا مستأجر لك من الساعة الثامنة صباحا، لا، هو بيجي بيقول لك: خلص، حطها وبصلح لك اياها، وأنتم بتكونوا ضمنيا فاهمين (يعني قديش والله خلال إن شاء الله يومين ثلاثة بتكون زبطت)، هسا يومين ثلاث، هذا مش هاي مش محل متفق عليه، هذا الزمن العرفي، بس أنت فعليا متعاقد معه على ايش؟ على إنجاز عمل وهو تصليح السيارة. مشان هيك هذا الرجل اسمه أجير مشترك، بتلاقيه حاط خمس سيارات جنبه، تبع السيارات ربع ساعة بيشتغل في هاي، كمان شوي زهق منها بيروح بيشتغل في السيارة الثانية، إذا أنت أجيت عليه ولقيته بيشتغل بسيارة جارك مش بسيارتك، بتقدر تقول له: ليش بتشتغل بسيارة جاري؟ لا، ليه؟ بيقول لك: أنا مش أجير خاص، يعني أنت مش ماخدني من ساعة محددة لساعة محدده، أنت ماخدني على إنجاز ايش؟ عمل فانا بشتغل.

لك ولفلان ولفلان وفلان في نفس الوقت، أنت ما لك أطيع أن تحكمني في وقت معين؛ لانه أنا اتفاقي معك على ماذا؟ على إنجاز عمل في رينج معين ضمن معدل معين من وقت، بس خلال هذا الوقت أنا مش لك أنا بشتغل للجميع، بشتغل في شوي، بروح بشتغل في شوي، بترك هي بروح بشتغل هذا شوي.

طيب، لانه الأجير الخاص بيكون عندك، والأجير المشترك بيكون عادة في المحل تعاعه جالس وبيستقبل السيارات والأثاث والأمتعة.

رأى الفقهاء قضية معينة، قالوا: الأجير الخاص اللي أنت جاي عندك وعم مقتطع من وقته لك، إذا أتلَف شيئاً أثناء عمله عندك لا يضمن إلا إذا تعدى أو فرط، تمام يعني واحد جاي بيشتغل عندك بدون ما يتعدى أو يفرط شيء خرب معه وما تعدى عليه هو ما فرط، عن ببذل في شيء خرب، تمام في هذه الحالة ما بيضمن، هو أنت استأجرته يصلح لك شغلة كذا، رايح عمل لك كذا، المهم هو ما أتلف، بس هو في شيء خرب بدون تعد أو تفريط.

بدون تعد أو تفريط في هذه الحالة ما بضمن، متى بتقدر تضمن الأجير الخاص؟ إذا تعدى، عمل شيء ما بيطلع له يعمله، أو أهمل، حط شيء في مكان ما بينحط فيه، قصر في وضعه في المكان الصحيح، اه والله بدك تضمن.

أما الأجير المشترك اللي بيشتغل للناس في نفس الوقت، هذا يضمن مطلقاً ما يتلف في محله، سواء ثبت تعديه أو لم يثبت، ليه؟ مين يحكي لي ليش جمهور الفقهاء قالوا بده يضمن؟

طيب، طيب ليش هذا بدنا نضمنه الأجير المشترك حتى لو تلفت الشغل في إيده بدون تعدي أو تقصير منه عشان ايش؟ حتى ما يتهاون.

إخوان، الأجير الخاص بيشتغل على مرأى عينيك في العادة صح، فهو مراقب، أما الأجير المشترك بتلاقيه حاط قدام باب المحل عشر ثلاجات فوق بعض وخمس سيارات جنب بعض، وبتلاقيهم تشوفهم كيف بيشتغلوا بشيل هي بضرب هي بزيح هي، مش فارق عنده؛ لانه ايش ما حدا شايفه، بقول لك: هذا محلي وأنا بحط الأغراض وين ما بدي، فالفقهاء قالوا: بدنا نقطع عليه الباب.

الأجير المشترك بدنا نقول له: ما دمت أنت فاتح محل بتستقبل للجميع في نفس الوقت، أنت ضامن كل سلعة دخلت محلك، كل سلعة قالوا طبعاً إلا إذا صار زلزال في البلد يعني شيء عام، حريق عام في البلد، طوفان، هو ما له دخل مسكين، لكن شيء ما حدا عارف شو هو، اجيت عندك والله سامحني إن الغسالة خربت، والله ما تعديت وما ما قصرت بس نصيبك، لا بدك تضمن؛ لأنك أجير مشترك، أنا عارف شغلتك يعني بعرف كيفكم بتز هي هون وبتحط لي هي هون وبلاقي الثلاجة فوق الثلاجة فوق الغسالة أجر معنا رح تخرب، وأنت تعتمد على الوازع الديني فقط.

أما لما تكون عندي في الدار أجير خاص وشغال من الثمانية وحاط مسئول مشرف عليك، لا في برضه وازع دنيوي، في واحد مسئول الورشة شايفك شو بتعمل، فالأجير الخاص لا يضمن إلا إذا تعدى أو فرط بخلاف الأجير المشترك يضمن مطلقاً.

طيب، خلص نكتفي اليوم إن شاء الله بهذا القدر، الدرس القادم إن شاء الله نشرح في عقود التوثيقات وباقي العقود الأخرى، والله أعلم وصلَّ اللهم على نبينا محمد وعلى آله وصحبه وسلم.