مِرْقَم
الشيخ إبراهيم رفيق الطويليا رب، بسم الله، غراس العلم طريقك نحو علم شرعي راسخ.
بسم الله الرحمن الرحيم، الحمد لله حمداً كثيراً طيباً مباركاً فيه كما يحب ربنا ويرضى، وأصلي وأسلم على النبي المصطفى صلاة تترى، وعلى آله وصحبه ومن لنهجه اقتفى.
حيّاكم الله أيها الأكارم في مجلس جديد من مجالس إرواء، وفي هذه الأيام الفاضلة، في أيام العشر من ذي الحجة، حيث تزكو الأعمال ويضاعف الثواب، فنسأل الله سبحانه وتعالى أن يعيننا على استغلال ساعات هذه الأيام بما هو خير لنا في ديننا ودنيانا، ومن خير ما تشغل به هذه الساعات أيضاً طلب العلم النافع؛ لأن طلب العلم النافع في أزمنة الغربة وفي الأزمنة التي تقل فيها مجالس العلم يعتبر من أعظم العبادات، بل هو عند العلماء من أفضل التطوع بعد الجهاد. قالوا: العلم تعلمه وتعليمه أفضل من صلاة التطوع، وأفضل من تسبيح التطوع، وأفضل من كل العبادات التطوعية، قالوا بعد الجهاد بذلاً بالجسد وبالنفقة، المرحلة الثانية العلم، ثم بعد ذلك يأتي التطوع بالصلاة، ثم التطوع بالقرآن والذكر وما شابه ذلك.
فنسأل الله سبحانه وتعالى أن يجعل هذه الساعات ساعات خير، وينوي الإنسان وهو جالس في هذه الساعة أنني أطلب العلم ابتغاء وجه الله سبحانه وتعالى أيضاً وتعظيماً لثواب ذي الحجة، يعني أحياناً أنت قد تمارس نفس العمل لكن تضيف فيه نية جديدة، إذا بتذكروا ذكرنا في الأربعين النووية لما قلنا موضوع الذكاء في النوايا، وكيف أنه أنت نفس العمل يمكن أن تدخل فيه نية زائدة فيتضاعف الثواب، فأنت الآن جدد النية لله سبحانه وتعالى أنه أنا جالس وملتزم بهذا البرنامج ففضلاً عن التزامي عموماً بالخير النافع أريد أن أجدد نية طلب العلم في هذه الأيام المباركة لعل الله سبحانه وتعالى أن يرحمنا برحمته ويغفر لنا، ونسأله سبحانه أن ينجي المستضعفين من عباده في مشارق الأرض وفي مغاربها عامة وفي غزة خاصة، وأن يجعل لهم من كل ضيق مخرجاً، وأن ينصرهم على عدوهم، إنه ولي ذلك والقادر عليه.
في مادة أساسيات اللغة العربية، الدرس الماضي تكلمنا في الوحِدة الأولى، طبعاً نحن وضعنا خطوات عامة بما يليق بهذا المختصر، خطوات عامة للشاب المسلم وللفتاة المسلمة كيف يتعامل مع الجمل العربية التي يمر بها في الكتاب، في أحاديث النبي صلى الله عليه وسلم، وفي أي كتاب يقرؤه، وأن هناك خطوات، الخطوة الأولى من يتذكرها؟
في حدا بتذكر الخطوة الأولى؟ أيوه، هذا خطوة اثنين، هي أول شيء حدد الجملة، أنا أتكلم عن جملة اسمية أو جملة فعلية، دائماً حصر الأفكار يعينك على ترتيبها، أما إذا بقيت اللغة بالنسبة لك سابحة أنت ما انت عارف من وين بدك تبدأ بظلك تشعر بالثقل، لكن سبحان الله إذا رتبت الأفكار إن شاء الله تهون الأمور جداً. أول شيء كما قلنا تحدد طبيعة الجملة اسمية أو فعلية، ثم بعد أن تحدد طبيعتها يأتي ما قاله الأخ، المرحلة الثانية ما هو؟ أن أحدد مواقع الكلمات داخل هذه الجملة، أحدد والله هذا مثلاً جملة اسمية لا بد أحدد أين المبتدأ وأين الخبر، ما هي الشيء الذي أريد أن أخبر عنه وما هو الخبر الذي وجد، ثم إذا كانت جملة فعلية أحدد أين هو الفعل وأين هو الفاعل، ثم إذا كان الفعل متعدياً ممكن يكون في مفعول به، إذا كان لازماً كما قلنا في العادة لا يأتي مفعول به.
طيب، الآن بعد أن تحدد مواقع الكلمة داخل الجملة العربية، هذا مبتدأ، هذا خبر، هذا فعل، هذا فاعل، سننتقل للخطوة الثالثة، وهو أنني لا بد أن أعرف الحكم الإعرابي لكل كلمة حددتها، يعني أنا الجملة الاسمية حددت هذا مبتدأ، هذا خبر، طيب ما هو الحكم الإعرابي للمبتدأ؟ الحكم الإعرابي هو مرفوع ولا منصوب ولا مخفوض ولا مجزوم؟ فرضاً لما آتي إلى الجملة الفعلية عندي فعل وعندي فاعل وعندي مفعول به، الفعل ما حكمه الإعرابي؟ الفاعل ما حكمه الإعرابي؟ المفعول به ما حكمه الإعرابي؟ إذاً لا بد الآن أتقل للمرحلة الثالثة أن أحدد الحكم الإعرابي لكل كلمة في داخل الجملة. ممتاز، إذاً تحددت الجملة، ثم فرزت الكلمات الموجودة في الداخل، عرفت كل واحدة شو موضعها، الآن بدي أعطيها الأحكام الإعرابية.
فنأتي إلى هذه وحدة، صفحة 30، لما نتكلم عن الحكم الإعرابي علينا أن نعرف دائماً أن الحكم الإعرابي أو الإعراب ينقسم إلى قسمين... أو خليني أعطي عبارة هيك تكون أسهل عليكم: الحكم على الكلمة إما أن يكون أنها معربة أو مبنية... أو بسم الله، مبنية.
الآن علماء النحو استقرؤوا الكلمات العربية واستقرؤوا الجمل، فرأوا أن العرب في بعض الكلمات تتغير حركة الحرف الأخير فيها على حسب موقعها في الجملة، وجدوا أن هناك كلمات تتغير حركة الحرف الأخير فيها على حسب ماذا؟ موقعها في الجملة، هذه الكلمات سموها إيش؟ معربة. في المقابل وجدوا أن بعض الكلمات مهما كان مكانها في الجملة، كانت مبتدأ ولا إجت خبر، كانت فعل ولا إجت عفواً، كانت فاعل ولا مفعول به، في بعض الكلمات وجدوها دائماً لما ننظر إليها ونسمعها لا تتغير حركة الحرف الأخير فيها، فقالوا: إذاً هذه الكلمات بدنا نسميها كلمات إيش؟ مبنية. إذاً لما نتكلم عن نحكم على كلمة داخل الجملة علينا أن نستحضر أن الكلمات العربية داخل الجمل إما كلمات معربة أو كلمات مبنية.
إيش يعني كلمات معربة أو كلمات مبنية؟ خلص فهمنا، الكلمة المعربة هي الكلمة التي تتغير حركة الحرف الأخير فيها على حسب موقعها في الجملة، مثلاً زيد، مثال سهل، زيد لما أنا آتي أقول بدي أحط زيد فاعل، بدي أخليه فاعل في جملة فعلية فأقول: جاء زيدٌ، ممتاز، إذاً مضمومة. طيب بدي أخلي زيد مفعول به في الجملة الفعلية: رأيت زيداً. بدي أخلي مجرور بحرف جر: مررت بزيدٍ. إذاً أنا عم بسمع: زيدٌ، زيداً، زيدٍ، الكلمة هذه عم تتغير حركة الحرف الأخير فيها على حسب موقعها في الجملة، إجت فاعل انضمت، إجت مفعول به انفتحت، إجت مجرورة بحرف الجر انكسرت، فآه، تعتبر هذه الكلمة كلمة إيش؟ معربة، لماذا؟ لأن الحرف الأخير تتغير حركته على حسب الموقع.
بينما لو أتينا لكلمة أخرى، تمام، مثل الضمائر، مثل الأسماء الموصولة، نجد أن مثل هذه الكلمات مهما كان موقعها في الجملة تبقى محافظة على نفس الحركة، مثلاً "الذي" و"التي"، جاء الذي أكرمته، الذي اسم موصول وفاعل، جاء الذي، جاء الذي، إذاً الذي اسم موصول فاعل وترى أنه الذي ساكنة ما فيها أي حركة على الياء. طيب بدي أخلي الذي مفعول به: رأيت الذي أكرمته، نفسه يا شيخ، الذي لما كانت فاعل الذي، ولما صارت مفعول به بقيت الذي. طيب خليني أجرها: مررت بالذي أكرمته، أنت عم تسمع تغير على الكلمة؟ لا، أنت بتلاحظ أنها إجت فاعل نفس السالفة، إجت مفعول به، إجت مجرورة، مثل هذه الكلمات بنسميها كلمات إيش؟ مبنية، لا تتغير حركة الحرف الأخير بتغير مكانه في الجملة.
طيب ممتاز، هذه الخطوة إذاً عرفنا أنه الكلمات داخل الجملة العربية... أو خليني حتى أعدل هذه الكلمة بديش أقول، بدي أحط عنوان أفضل حتى يكون: الكلمات داخل الجملة العربية، الكلمات داخل الجملة العربية إما معربة أو مبنية.
طيب الآن نأتي للكلمات المعربة، إيش أنواع الإعراب؟ العلماء استقرؤوا فوجدوا أن الإعراب له أربعة أنواع لا خامس لها: إما رفع، أو نصب واحتيال، أو جر، أو جزم. قالوا نحن وجدنا إنه الكلمات المعربة يا إما رفع، يا إما منصوبة، يا إما مجرورة، يا إما مجزومة، ما في عنا حل.
وأما الكلمات المبنية، قالوا البناء، تمام، طبعاً رح أعطي العلامات الأصلية للبناء لأنه في هناك حالات فرعية أخرى، لكن خلينا نقول الأصل في البناء إما مبني على السكون وهذا هو الأصل، أو مبني على الفتح، أو مبني على الضم، أو مبني على الكسر. يعني جمعوا هالكلمات المبنية وجدوا إنه مثلاً "هو" هذا الضمير مبني شو حركة الحرف الأخير؟ فتحة، خلص مبني على الفتح، "مَنْ" اسم موصول، وأحياناً تأتي اسم استفهام "مَنْ" مبنية على إيش؟ السكون، وقس على ذلك، تجد إذاً بالاستقراء أنه الأسماء المبنية يا مبني يا على سكون، يا على فتح، يا على كسر، يا على ضم.
طيب الآن إذاً نحن وصلنا لنقطة جيدة، عرفنا أن الكلمات المعربة لما أقول هذه كلمة معربة مباشرة بدي أعطيها أحد أنواع الإعراب، هي ما بينفع يعني إذا قلت كلمة معربة مباشرة بدك تحدد لي: رفع، نصب، جر، جزم، ما عندك حل آخر، إذا ما حددت واحد منها معناته أنت مش فاهم، تمام؟ ونفس الشيء لما تأتي للبناء، الأصل في البناء أنه مبني على إما سكون أو ضم أو فتح أو كسر، طبعاً هذا البناء سهل لأنه أنت عفواً رح تشوف شو الموجود على الحرف الأخير وبناء عليه بتحكم، يعني خلص موجود فتحة، موجود ضمة، بناء عليها بحكم.
طيب الآن خلينا نفصل أكثر، بعد أن عرفنا أنواع الإعراب أنه أربعة وأنواع البناء أربعة، خلينا ندخل شوي في العمق أكثر. العلماء استقرؤوا فوجدوا أن... نحن الآن بتذكروا الكلمة العربية كم نوع؟ الكلمة كم نوع؟ ثلاثة، إيش هي؟ اسم وفعل وحرف، ممتاز. العلماء لما استقرؤوا أنواع الكلمة العربية ووجدوها أنها اسم وفعل وحرف، بس خلوني أصغر هي الصورة إذا بتسمحوا، وجدوا قضية من خلال أيضاً التتبع للكلام العربي، وجدوا أن الأسماء الأصل أنها معربة، والأفعال الأصل أنها مبنية، والحروف الأصل أنها مبنية.
إذاً خلينا نرتب أفكارنا: الأسماء الأصل أنها من أي حقيبة؟ من حقيبة المعربات، وأما الأفعال والحروف فالأصل أنها من حقيبة إيش؟ المبنيات. واضح لهون؟
طيب، الآن الأسماء المعربة ماذا تأخذ من الإعراب؟ قالوا الأسماء المعربة يمكن أن تكون مرفوعة أو منصوبة أو مجرورة، بس مستحيل مستحيل أن تكون مجزومة. إذاً الأسماء الأصل أنها معربة، بس ما هو الإعراب الذي يمكن أن يدخل على أي اسم؟ يا رفع يا نصب يا جر.
طيب هذا شيخ شو بدنا نسوي فيه؟ خلص الجزم نروحه؟ هذا مين بياخذه؟ طيب ما نحن حكينا الأصل الأفعال أنها من هي الحقيبة، آه بنقول: ممتاز، الأفعال خلينا نقسمها، نحن قلنا الأفعال في الدرس الماضي كم نوع الأفعال؟ ثلاثة، شو هي؟ ماضي ومضارع وأمر. هسه الماضي والأمر، الماضي والأمر بقوا على أصلهم، قالوا نحن بنحب نضل مع أصلنا ما نتخلاش عن مبادئنا، فالماضي والأمر حافظوا على المبدأ قالوا: نحن مبنيات.
المضارع قال: لا يا عمي أنا بدي اروح إيش ألحق الأسماء! المضارع هو الوحيد اللي ترك الأفعال وانتقل لوين؟ لجهة الأسماء، فقال المضارع: أنا بدي أكون مع حقيبة المعربات. ومن هنا سمي مضارعاً، المضارع هو المشابه، هذا معنى كلمة ضارع في اللغة يعني شابه، فالمضارع لأنه قرر أن يتشبه بالأسماء سمي مضارعاً، شو معنى فلان يضارع فلاناً؟ يشابهه. فالمضارع لأنه قرر أن يشابه الأسماء سميناه إيش؟ مضارع، وقلنا له: أنت رجال محترم بدنا نعطيك ماذا من حقيبة المعربات؟ الجزم، ونعطيك برضه الرفع والنصب، يعني بس هو اختص بالجزم أقصى على الأسماء، فالمضارع قد يكون مرفوع، قد يكون منصوب، قد يكون مجزوم، بس هل يمكن يكون مجرور؟ لا.
إذاً الأسماء بماذا اختصت؟ بالجر. الفعل المضارع بماذا اختص؟ بالجزم. وأما الرفع والنصب هي منطقة مشتركة، فالمضارع يمكن يكون مرفوع ومنصوب يأخذ هالأحكام، وأيضاً الأسماء تكون مرفوعة ومنصوبة.
أما الحروف ولا واحد تخلى عن أصله وكلياتها مبنية، كلها مبنية، يعني ما في حرف قال: لا، أنا عمي برضه بدي أنضم لهذا الركب، لا، كل الحروف مبنية. أما الأفعال لاحظنا أن الماضي والأمر تمسك بأصله، أما المضارع فقرر أن يتشبه بالأسماء فسميناه مضارعاً.
إذاً الأسماء تكون مرفوعة، منصوبة، مجرورة. الفعل المضارع مرفوع أو منصوب أو مجزوم. طبعاً شو اللي راح يحدد الآن؟ هون السؤال الجوهري، ما الذي سيحدد لي أنه هذا الاسم: زيد، خالد، شمس، طاولة، أي اسم، أنه مرفوع أو منصوب أو مجرور؟ موقعه في الجملة. وكذلك الفعل المضارع ما الذي سيحدد لي أنه مرفوع ولا منصوب ولا مجزوم؟ العوامل الموجودة عليه، إذا دخل عليه عامل نصب راح ينصبه، دخلت عليه أداة جزم راح تجزمه، ما دخلت عليه لا أداة نصب ولا أداة جزم بظله مرفوع، فالعوامل التي تأتي قبل الفعل المضارع، وسنتعرف عليها سريعاً إن شاء الله، هي التي ستجعلك تحكم عليه هذا المضارع مرفوع أو منصوب أو مجزوم. أما الأسماء فأنت تحتاج أن تعرف إيش موقعها في الجملة، حدد لي هي مبتدأ ولا خبر؟ هي فعل ولا فاعل ولا مفعول به؟ هي مجرورة بحرف جر ولا لا؟ موقعها في الجملة هو اللي راح يعلمك أنه شو الحكم اللي راح أعطيه لهذا الاسم رفعاً أو نصباً أو خفضاً، تمام؟
هذا طبعاً بعد ما ندخل إن شاء الله نعرف أنه طب هو إذا كان مبتدأ الاسم، آه، أنت راح تأخذ قاعدة المبتدأ مرفوع، فأي اسم إجا مبتدأ خلص مرفوع، طب قاعدة الخبر مرفوع، فرح تعرف أنت إن شاء الله ما هي الأسماء المرفوعة وما هي الأسماء المنصوبة وما هي الأسماء المجرورة، وبناء عليها أنت ستحدد في الجملة ما موقعها.
وأما الأفعال، الأفعال ماضية أو أمر فهذه خلص مريحة، الفعل بريحك خلص، الفعل الماضي راح نعرف كيف على ماذا يبنى وبتحفظها ما في فيها أي إشكال، وفعل الأمر راح تعرف كيف يبنى. والحروف أصلاً خلص هي مبنية على حركة الحرف الأخير منها، مبنية على الفتح أو ضم أو كسر أو سكون، ما راح تتعبك يعني، لا تحتاج باختصار بشكل عام بالنسبة للأفعال والحروف أنت في العادة لا تحتاج أن تعرف موقعها في الجملة حتى تحكم عليها، ليه؟ لأنه هي ثابتة على حالة واحدة. أنت عندك مشكلة في إيش؟ في المعرب، أنت ما عندك مشكلة في المبني أساساً، لأنه المعرب مش قلنا شو يعني معرب؟ يتغير حركة الحرف الأخير بحسب تغير موقع الكلمة، صح؟ جاء زيدٌ، ورأيت زيداً، ومررت بزيدٍ، فالمعرب هو اللي بدك تكون مصحصح معه، لأنه موقع الاسم في الجملة هو الذي سيؤثر هو مرفوع ولا منصوب ولا مجرور، ونفس الشيء الفعل المضارع موقعه هل قبله أداة نصب أو جزم أو فش هو الذي سيحدد نوع الإعراب اللي راح تعطيه إياه. أما الأفعال المبنية والحروف المبنية هذه خلص جاهزة، يعني أنت مش محتاج تعرف موقعها في الجملة لأن هي مبنية ما عم بتتغير على حسب موقعها في الجملة كما سيأتي من خلال الأمثلة.
طيب الآن إيش النقطة التي تليها يا شيخ عمر؟
الأصل، الأصل في الأسماء كما قلنا أنها معربة، والفعل المضارع أنه معرب، هل يمكن أن نجد بعض الأسماء مبنية؟ نعم، قال العلماء: هناك بعض الأسماء، يعني كما أنه في بعض الأفعال تخلت عن أصلها وصارت معربة، هناك بعض الأسماء تخلت عن أصلها وصارت مبنية. طبعاً هم وضعوا لها قاعدة أن كل اسم أشبه الحرف يصبح مبنياً، بس هذه ما بتهمك الآن، هي بتهم شوي متخصصين: كيف يعني الاسم أشبه الحرف؟ نقطة غير مهمة، أنت بيهمك تعرف إيش هي الأسماء اللي تخلت عن أصلها وتُعامل على أنها مبنية. عندكم موجود في المخطط، لكن دعوني أعطيكم فيها فائدة:
الأسماء المبنية دائماً، كلمة دائماً مهمة لأنه في بعض الأسماء هي معربة لكن أحياناً يدخل عليها البناء في أحوال معينة بتدرسها في مستويات متقدمة، لكن أنت الآن في المستوى الأساسي بيهمك تعرف شو الأسماء اللي دائماً مبنية:
أولاً: الضمائر، تمام؟ نحن مر معنا في الدرس الماضي الضمائر، هناك ضميران للمتكلم وخمسة للمخاطب وخمسة للغائب، مش تكلمنا عنهم؟ أنا ونحن وأنتما وأنتم وأنتِ وهي وهما وهم وهنّ، هذه في صورتها المنفصلة. طبعاً أحياناً بتيجي بصورة متصلة لما يكون الضمير، لأنه الضمائر عموماً -يعني هذه الفائدة مهمة- هناك ضمائر متصلة وهناك ضمائر منفصلة. الضمائر المتصلة هي الضمائر التي تكون متصلة بالفعل أو متصلة بالاسم أو متصلة بالحرف، ضمير يتصل بالاسم أو الفعل أو الحرف، يعني ما بتشوفه لحاله، لا، لازم يكون متصل باسم أو فعل أو حرف. مثلاً مثال ضمير متصل بفعل: "ضربوا"، هي واو الجماعة ضمير متصل بفعل. طيب: "إننا مسلمون"، "إننا" النا هذه ضمير متصل بالحرف وهو "إنَّ". مثلاً ضمير متصل بالاسم إيش؟ مثلاً نقول نعم "مكتبتنا"، "مكتبتنا" النا هنا مكتبتنا ضمير متصل بالاسم. أنا مش في صدد أني أستوعب هذه الأمور الآن، لكن في صدد أنك تفهم على الأقل إنه في ضمائر بطبيعتها متصلة بالأسماء والأفعال والحروف أنت ما بتشوفها لحالها، وفي ضمائر منفصلة، منفصلة اللي هي اللي قلت لكم عنها قبل شوي، زي أنا ونحن وأنتَ وأنتِ وأنتما وأنتن، الضمير لحاله موجود في الجملة يعني مش مرتبط بشيء جسدياً وصورياً بشيء قبله أو شيء بعده، تمام؟ أنا ونحن وأنت وأنتِ، أنت تقول: أنا قائمٌ، نحن قائمون. هسّه أنا مرتبطة بشيء ولا هي لحالها شايفها أنت وحدها؟ نحن قائمون لحالها، تمام؟ فإذاً الضمائر أحياناً تكون متصلة بكلمة قبلها وأحياناً بتكون منفصلة قائمة وحدها لا تحتاج أن تتصل بشيء.
طيب الآن عموماً الضمائر سواء كانت متصلة أو منفصلة كلها مبنية، بتشوف شو حركة الحرف الأخير وبتبني عليها، مثلاً "هو" ضمير منفصل، "هو" على إيش؟ مبني على الفتح، "هي" على الفتح، "هما" على السكون، "أنتَ" على الفتح، "نحنُ" على الضم، "نحنُ" على الضم. فأنت الأسماء المبنية وكل مبني عموماً أنت ستنظر إلى إيش؟ إلى حركة الحرف الأخير، هي الحركة بناء عليها ستحدد على إيش هذا مبني: هو مبني على الفتح، هي مبني على الفتح، نحن مبني على الضم، ضربْنا مبني على السكون، سهلة. إذاً الضمائر سواء كانت متصلة أو منفصلة فهي إيش يا إخواني؟ مبنية.
المجموعة الثانية: الأسماء الموصولة: الذي، والتي، واللذان، واللتان، والذين، تمام؟ ومثلها "مَنْ" و"ما" ونحوها مما يمكن يستعمل اسم موصول. الأسماء الموصولة دائماً مبنية: الذي، التي، وفي العادة اللذان، اللتان، الذين... الذي على السكون، والتي على السكون، اللذان البعض يقول مبنية على السكون البعض يقول مبنية على الألف تشبيهاً لها بالمثنى، بس ما بدي أدوشك الآن فيها، الذين مبنية على إيش؟ على الفتح، وهكذا.
طيب، أيضاً عندنا أسماء الإشارة، شو أسماء الإشارة؟ هذا، وهذه، وهذان، وهاتان، وهؤلاء، تمام؟ هذا، وهذه، وهذان، وهاتان، وهؤلاء، هي خمس أسماء إشارة، طبعاً في أكثر منهم بس هي الأسماء الأساسية، كلها مبنية على ما يظهر على آخرها.
طيب، عندنا أيضاً أسماء الشرط، ومثلها أيضاً أسماء الاستفهام. الآن الشرط بتعرفوا أسلوب الشرط بكون فيه أداة شرط وجملة شرط وجواب شرط: "مَنْ جاءني فسأكرمه"، "من زارني فافعل به كذا"، مثلاً إيش؟ مثلاً نقول: "مهما تفعل من خير..." أَيْنَمَا تَكُونُوا يُدْرِككُّمُ الْمَوْتُ، صحيح، أسلوب شرط، أسلوب معروف وله أسماء اسمها تأتي في بداية الجملة اسمها أسماء الشرط، أسماء الشرط هذه أيضاً دائماً إيش بتكون؟ مبنية على حركة الحرف الأخير.
أيضاً أسماء الاستفهام، الآن أسماء الاستفهام عموماً أسلوب الاستفهام فيه حروف وفيه أسماء، أدوات الاستفهام اللي أخذتوها في المدرسة أدوات الاستفهام في منها حروف وفي منها إيش؟ أسماء، زي إيش حروف تستعمل في الاستفهام؟ "هل" والهمزة، "هل جاء زيد؟"، هسه "هل" هذا حرف مش اسم ولا فعل، والحروف كلها مبنية ممتاز، وكذلك همزة الاستفهام: "أجاء محمد؟"، بس باقي أدوات الاستفهام كم هي عبارة عن أسماء زي: أين محمد؟ متى تزورني؟ متى، وأين، وكم، وأي، كل هذه تسمى إيش؟ أسماء استفهام، تمام؟ فأسماء الاستفهام أيضاً كلها تعتبر إيش؟ مبنية، يعني أنت شفت أي جملة استفهامية وأداة الاستفهام ليست هل ولا الهمزة إذاً هي اسم استفهام وهي مباشرة مبنية، اسم الاستفهام مبني.
إذاً هذه الخمسة بدي اياك تحفظهم إنه هذه أسماء خرجت عن أصلها، قررت أنها ما تكون معربة، أرادت أن تكون مبنية: الضمائر، الأسماء الموصولة، أسماء الإشارة، أسماء الشرط، وأسماء الاستفهام، هذه مبنية.
بس هون بدك تركز جزئية بس هيك افهم لي اياها: الأسماء المبنية دائماً هي صح تركت أصلها وحكت: أنا بدي أترك الإعراب يا رب، أنا بدي أترك الإعراب وأصير مبنية، لكن صعب تتخلى عن أصلها كثير، فقالت: صح أنا رح أصير مبنية بس رح أكون مبنية لكن لي محل من الإعراب، يعني مبنية على الفتح في محل رفع، مبنية على الفتح في محل نصب، مبنية على الكسر فرضاً أو على الضم في محل جر، ليه؟ لأنه خلص اللي معرب بظله معرب، حتى لو أن الأسماء بعض الأسماء زي اللي حكيناها تخلت عن أصلها وصارت مبنية، الإنسان ما بيتخلى عن أصل كثير بضل له علاقة بأصله، فقال: أنا صح صرت مبني بس أنا يعني عيب، أنا أصلي معرب. فأي اسم مبني قاعدة إنه بعد ما تعطيه بناؤه تحكي لي: مبني على الفتح، مبني على الكسر، مبني على الضم، مبني على السكون زي ما بدك، بعد ما تجيب لي بناؤه لازم مباشرة تحكي لي إيش؟ "في محل"، بدك تعطين محله من الإعراب، يعني بدك ترجع تعتبره كأنه معرب وتشوف والله هو مبتدأ، آه إذاً خلص في محل رفع، هو جاي خبر الضمير، آه إذاً في محل رفع، جاي مفعول به، في محل نصب. فكأنك ستعود بعد أن تعطي حركة البناء له ستعود تتعامل معه كأنه ماذا؟ كأنه معرب، وتعطيني محله من الإعراب رفعاً أو نصباً أو جراً، هي افهموها الفكرة، لأنه الأسماء المبنية صحيح تركت أصلها لكنها ما بتستغني، فبتقول: لازم تعطين محل من الإعراب. أما الحروف والفعل الماضي والأمر هو في الأصل مبني فما له محل من الإعراب، يعني ما في تقول فعل ماضي في محل كذا في العادة، ما بتنحكي، فعل أمر والله مبني على كذا وله محل من الإعراب، لا لا لا، أوعدك، والله حرف زي حرف الاستفهام ولا حروف الجر بعد ما تقول مبني تقول في محل كذا، لا، الأفعال الماضية والأمر والحروف لأن أصلها مبنية ما لها محل من الإعراب. أما الأسماء المبنية اللي قررت تيجي لهي الجهة بتحكي: صح أنا اجيت لهي الجهة بس ما بتخلى عن أصلي، فبعد ما تعطين حركة البناء بدك تذكر لي أنا في محل إيش؟ ضمير مبني على الضم في محل أما رفع أو نصب أو جر، تمام؟
فمثلاً لما أقول: "نحن قائمون"، الآن يلا، إيش أول خطوة كإنسان بده يعرب؟ شو أول خطوة بتعملها؟ حدد الجملة، خلينا هيك نأخذ تطبيق: حدد الجملة، الجملة هي اسمية ولا فعلية؟ اسمية لأنها ابتدأت باسم وبعديه اسم، إذاً هي جملة اسمية، ممتاز. حدد الآن مواقع الكلمة، كم كلمة فيها؟ فيها كلمتان، حدد لي كل كلمة شو موقعها الإعرابي، يعني شو موقعها الآن؟ يعني هي مبتدأ... الآن عرفت أنا الجملة الاسمية من إيش تتشكل؟ مبتدأ وخبر، الجملة الفعلية فعل وفاعل وأحياناً مفعول به، طيب ما دمت حكيت جملة اسمية يعني لازم أحدد المبتدأ من الخبر، حدد "نحن" شو موقعها هون؟ والله مبتدأ. "قائمون"، آه هي أخبرت فيها عنا، "نحن"، أنا بدي أخبر عنا أن قائمون، "قائمون" هي الخبر ممتاز.
الآن بتيجي الخطوة الثالثة اللي احنا فيها اليوم، أن أحدد ما دام "نحن" مبتدأ بدي أعرف المبتدأ شو حكمه الإعرابي، فبتروح تدرس بتعرف إنه في أشياء مرفوعة في الجملة الاسمية وفي أشياء في الجملة الفعلية مرفوعة وفي أشياء منصوبة وما شابه ذلك. الآن المريح، المريح والان بدأنا ندخل أن الجملة الاسمية كما قلنا تتكون من ركنين: مبتدأ وخبر، المريح فيها أنه المبتدأ في القواعد حكمه الإعرابي مرفوع، والخبر برضه في الحكم الإعرابي مرفوع دائماً، خلص هي القاعدة أن المبتدأ مرفوع والخبر مرفوع. بالتالي إذا أنا حددت نوع الجملة أنها اسمية، بعدين انتقلت للخطوة الثانية حددت وين المبتدأ وين الخبر، بدون ما تفكر، بدون ما تناقش المبتدأ لا يكون إلا مرفوعاً والخبر لا يكون إلا مرفوعاً، انتهت، أنت خلص ماشي بخطوات واضحة.
طيب مبتدأ مرفوع، والخبر بده يكون إيش؟ برضه حكمه الإعرابي مرفوع. إذاً المبتدأ هل يمكن يكون منصوب؟ مستحيل. ممكن يكون مجرور؟ مستحيل. الخبر ممكن يكون منصوب؟ مستحيل، وهكذا. فبالتالي المبتدأ مرفوع والخبر مرفوع.
الآن بدي أجي أوف شو هي الكلمة اللي إجت مبتدأ، شو هي الكلمة؟ "نحن"، آه "نحن" أخذنا "نحن" والله هي من الأسماء الضمائر، هون بيجي يا إخوان النحو بدك شوي تتعب فيه حفظ بعض الشغلات إذا أنت حافظ الضمائر، والله "نحن" هي من الضمائر، ونحن أخذنا أن الضمائر هي تخلت عن أصلها، هي أصلها معرب تخلت عن أصلها وصارت إيش؟ مبنية، بس الشيخ حكى لنا إنه أي اسم تخلى عن أصل وعمل حاله مبني لازم أعطيه محل من الإعراب، فهون كيف بدك تعرب؟ بتقول: "نحن" مبتدأ، أول إيش أعطيني شو هي، "مبتدأ" هي توصيفها، مبتدأ، طيب بس مبتدأ مبني هذا، لأنه هذا بقول: مبتدأ، مبني على الضم، بس لازم أعطيه محل من الإعراب: في محل رفع. طيب ليش اخترت الرفع؟ لأنه المبتدأ لا يكون إلا مرفوع، ليش ما حكيت في محل نصب أو جر؟ لأنه المبتدأ مرفوع وهي جاي مبتدأ.
أما "قائمون" لا، هي من الأسماء اللي ثابتة على أصلها، ما عندها، يعني مش من الأسماء اللي قررت تصير مبنية، هي اسم مستمر على أنه مرفوع... عفواً أنه معرب، فبالتالي عادي، "قائمون" خبر، والخبر مرفوع: خبر مرفوع وعلامة رفعه... هسّه خلص هون وقف لأنه لسه ما أخذناها إنه رح نعرف بعد شوي ما هي علامات الرفع، علامات النصب، علامات الجر، علامات الجزم، بس هنا وصلنا إنه نقول: "قائمون" خبر مرفوع وعلامة رفعه... منجيها. أما هي "نحن" خلص عرفنا علامات البناء لأنها ما في فيها نقاش: مبنية على الضم في محل رفع مبتدأ، هذا يعني كنموذج.
إذاً إخواني، الجملة الاسمية تتكون من مبتدأ وخبر، المبتدأ حكمه ما هو حكمه الإعرابي؟ أنه مرفوع، والخبر حكمه الإعرابي مرفوع، هذا الحصر بساعدك، يعني عيب تحكي: مبتدأ منصوب، ما نحن خلص حكينا لك المبتدأ ما بيجي إلا مرفوع، تروح تحكي: مبتدأ منصوب معناته أنت خارج... كنت نايم في الدرس. نفس الشيء الخبر ما بيجي إلا مرفوع، تحكي: خبر مجرور، خبر منصوب معناتها أنت مش حاضر معنا كل الدورة.
بالنسبة للجملة الفعلية، الجملة الفعلية أيها الأحبة نحن قلنا ما أركانها الأساسية؟ فعل وفاعل وأحياناً إذا كان الفعل متعدياً بياخذ إيش؟ مفعول به، ممتاز.
طيب الآن خلينا نأخذ الأحكام الإعرابية للفعل والفاعل والمفعول به، الآن نيجي نبتدئ بالفعل، الفعل كم احتمال له؟ شو عنا الأفعال نحن؟ ثلاث، مش قلنا الأفعال ثلاث: يا بيكون ماضي يا بيكون مضارع يا بكون أمر، إذاً الفعل في الجملة الفعلية إما أن يكون ماضي أو مضارع أو أمر.
مين يعطيني جملة فعلية فعلها ماضي؟ أكل زيدٌ تفاحةً. طيب في غير هالتفاحة هي أكلتوها؟ طيب، أي جملة... الجملة الفعلية فعلها مضارع؟ يكتبُ الدرسَ... يكتبُ الدرسَ، جزاك الله خير، يعني عملنا تغيير، يكتبُ الدرسَ، طيب "يُكْتَبُ" هذا مبني للمعلوم ولا للمجهول؟ المجهول، شوف الشيخ بعدين بعده واسع يعني يوديك على المبني للمجهول مباشرة. طيب، فعل أمر؟ ادرس، خلص بكفي ادرس.
الآن إذاً الفعل ما...
حكمه الإعرابي تقول لي يا شيخ ركز لا وانت الآن لما تكلمت لنا عن الخارطة قبل شوي انت خبرتني أنه الأفعال في أفعال متمسكة بأصلها الماضي والأمر مبنية، وفي واحد طلع عن أصله وصار يعني يعمل حاله بيشبه الاسم معرب، فالآن لما بدك تيجي تحكي عن أي الفعل في الجملة الفعلية ما حكمه؟ بدنا نفرز إذا كان فعل ماضي أو فعل أمر هذا متمسك بأصله هذا مبني خلص مبني ورح نعرف بعد شوي يعني كيف يكون بناؤه.
طيب أما إذا كان مضارع هذا اللي هو عامل دربكة هون المضارع لا هذا قلنا ما هو صار يشبه الأسماء فهذا معرب، إذاً إذا كان الفعل في الجملة الفعلية ماضي أو أمر هذا مباشرة بدون ما تناقش وبدون ما تتعب مباشرة مبني، مبني على ماذا بيجي معنا إن شاء الله، أما إذا كان مضارع لا آه هذا مش من زمرة المبنيات هذا من زمرة المعربات فانا مضطر أن أحدد إذا كان مضارع أنه ايش هو مرفوع ولا منصوب ولا مجزوم، ما الذي سيحدد لي أنه المضارع مرفوع ولا منصوب ولا مجزوم؟ هي شغلة سهلة في أدوات نصب في أدوات جزم، إذا عرفت أدوات النصب حفظتها وإذا حفظت أدوات الجزم بتشوف الفعل المضارع بتلبس نظارة ولا ما بتلبس تيجي على الفعل المضارع والله في قبله أدوات نصب منصوب في قبله أدوات جزم مجزوم فش مش قبله لا أدوات نصب ولا أدوات جزم مرفوع خلصنا، يعني هي مش شغلة معقدة يعني تمام فالمضارع لازم تحكي يا مرفوع يا منصوب يا مجزوم والذي سيحدد ذلك أن أنظر قبله لأعرف هل وجدت أدوات نصب أو أدوات جزم؟ إذا لم توجد انتهت القضية سيكون مرفوعاً.
لكن الفعل المضارع إخواني في مشكلة نفس مشكلة الأسماء، هسه قلنا الأسماء الأصل فيها أنها معربة أليس ليس كذلك؟ لكن في مجموعة طلعت عن الإعراب وصart مبنية، ايش هي؟ الضمائر، الأسماء الموصولة، أسماء الإشارة، وأسماء الشرط وأسماء الاستفهام، هي المجموعة الخماسية صارت مبنية بس بتضل تشتاق لأصلهابصح؟ فقلنا هي صح مبنية بس بعد ما تعطي علامة بنائها بدك تقول في محل بترجعها للإعراب رفع أو نصب أو جر.
نفس المشكلة صارت معنا في الفعل المضارع، الفعل المضارع يا شباب في مشكلتين أو في حالتين بصير فيهم مبني، الحالة الأولى إذا اتصل بنون التوكيد، الحالة الثانية إذا اتصل بنون النسوة، النسوة مغلبين في كل مكان، طيب فالآن الفعل المضارع لما يتصل بنون التوكيد يصبح مبني على الفتح.
الان نون التوكيد إما نون مشددة أو نون مخففة عليها الشدة تاتي وتدخل على الفعل المضارع لتاكيده في بعض الأحايين بشروط وضوابط مش موضعنا مثلاً كثيراً ما تاتي في القسم وَلَأُكَيِّدَنَّ أَصْنَامَكُمْ لَأُكَيِّدَنَّ تمام، أكيد فعل ماضي ولا مضارع؟ مضارع، كاد يكيد أكيد أكيد أنا أكيد أنا ما زلت أكيد، طيب أكيد هنا أكيد اتصلت بنون التوكيد وهي نون التوكيد كثيراً ما تدخل في القسم لَأُكَيِّدَنَّ أَصْنَامَكُمْ قال سيدنا إبراهيم لَأُكَيِّدَنَّ، نون التوكيد إذا دخلت على الفعل المضارع تجعله مبني على الفتح خلص بتحوله من معرب إلى مبني مبني على ايش؟ على الفتح، لأضربن زيدا، لأكلن كذا، لامشين، لاسعين، امشي، حط كل الأمثلة اللي بتخطر ببالك أي فعل مضارع اتصل بنون التوكيد بصير قبل نون التوكيد الحرف اللي قبل نون التوكيد بتشوفه ايش مفتوح، وأما الفعل المضارع إذا اتصل بنون النسوة فإن الفعل المضارع إذا اتصل بنون النسوة يبنى على السكون، تمام مثلاً نقول النسوة ياكلن ياكل كلنا لاحظ اللام ساكنة، يمشين، يسعين، يهتفن، أي فعل مضارع جربوا حط معه نون نسوة، طبعا نون النسوة نون مفتوحة بترتبط بالفعل المضارع هي مفتوحة الآخر وهي شكل من أشكال ترى نون النسوة هي شكل من أشكال ايش يا إخواني الضمائر المتصلة؟ هي شكل من أشكال الضمائر المتصلة، كيف واو الجماعة للذكور في نون النسوة للإناث، طيب فهي عبارة عن ضمير والضمير مبني فهي تكون ها إذا قلت النسوة يا رب ياكلن، ياكل ايش بتقول؟ ياكل فعل مضارع مبني على ايش؟ على السكون، خلص صار مبني.
إذا الفعل المضارع بسببين براجع مبني، ماهما؟ إذا اتصل بنون التوكيد يصبح مبني على الفتح وإذا اتصل بنون النسوة يصبح مبني على السكون، بس نفس طريقة الأسماء رح نعمل في الفعل المضارع شو هي؟ قلنا يا إخواني الأسماء اللي صارت مبنية بتضلها تحن لأصلها فبيكون لها محل من الإعراب، نفس الشيء في الفعل المضارع الفعل المضارع خلص ما هو صار مع الأسماء من قسم المعربات، فاذا تحول إلى مبني بسبب اتصال نون التوكيد أو بسبب اتصال نون النسوة بقول لك بس انا خلص انا محسوب على الأسماء فإذا صرت مبني بدك تذكر لي في أي محل أنا من الإعراب؟ بتقول فعل مضارع مبني على السكون في محل رفع، وإذا كان قبله أدوات نصب أو جزم في محل نصب أو في محل جزم.
إذا الأشياء اللي بتقول إنها لها محل من الإعراب ضمن ما أخذناه اليوم شو هو لها محل من الإعراب؟ الأسماء المبنيه لها محل من الإعراب والفعل المضارع المبني له محل من الإعراب، ممتاز، أما التي بقيت على اصولها فهذه ليس لها محل من الإعراب خلص، فهنا نرجع الآن كنت بعلق عليها هنا قلنا الجملة الفعلية فعل وفاعل ومفعول به إذا ابتدأت بفعل ماضي خلص الفعل الماضي مبني أوكع تحكي مبني في محل ليه؟ لأنه الفعل الماضي بناؤه هو أصل فيه ولا خروج عن الأصل؟ أصل، طيب الفعل الأمر بتقول مبني في محل ولا بدون محل؟ بدون، ليه؟ لأنه أصل الفعل المضارع الأصل فيه أنه معرب وبالتالي عادة بيكون مرفوع منصوب مجزوم ومتى بصير مبني؟ بس في حالتين إذا دخلت عليه نون التوكيد يكون مبنياً على الفتح وإذا دخلت عليه نون النسوة يكون مبنياً على السكون وبدك تذكر له محل من الإعراب لأنه يبقى يشتاق إلى أصله في الإعراب.
طيب إذا هيك بالنسبة للجملة الفعلية خلصنا من أول عنصر فيها وهو الفعل عرفنا إذا ماضي وامر مبني وإذا مضارع بيكون مرفوع حتى يدخل أداة نصب أو أداة جزم بصير منصوب أو مجزوم، ممتاز، نيجي الآن على القسم الثاني في الجملة الفعلية الفاعل، الفاعل ما حكمه؟ مرفوع خلاص الفاعل مرفوع، الفاعل مرفوع هذا حكمه والمفعول به منصوب، فأنت بالنسبة لك الجملة الفعلية صارت واضحة فعل فاعل مفعول به، المفعول به منصوب الفاعل مرفوع الفعل بدي أحدد شو نوعه دائماً لما تيجيله فعلية حدد شو نوع الفعل في أولها ماضي وامر مبني إذا فعل مضارع معرب على ايش معرب الأصل أنه مرفوع حتى يدخل أداة نصب أو أداة جزم مما سياتي معنا إن شاء الله وقضية إذا أصبح مبني الفعل المضارع بده يكون له محل من إعراب سهلة هذه إن شاء الله.
طيب الآن دعونا نرجع نشوف وين نحن في المجمع في هذا الكتاب دعوني في المخطط رقم في صفحة واحد وثلاثين بس حتى أفقهمك المخطط الموجود صفحة واحد وثلاثين عندكم في الكتاب نحن قسمنا لكم الكلمة إلى اسماء وأفعال وحروف المعنى اللي هي الحروف اسم فعل حرف، صح؟ نيجي على قسم الأسماء، الأسماء طبعا نحن قلنا الأصل أن الأسماء معربة، المعرب وهيك حاط لكم الشيخ ما لم يشبه الحرف هي معلومة بتهمك الان مش مشكلة هي بس هيك معلومة استطرادية وهو الأصل في الأسماء الأصل في الأسماء أنها معربة، الآن الأسماء المبنية كما قلت هي الأسماء التي أشبهت الحروف في ايش برضه بيهمك الآن هي بس هيك معلومة استطرادية أنا بيهمني تعرف شو هي الأسماء المبنية في هذا المستوى: الضمائر، أسماء الإشارة، الأسماء الموصولة وغيرها، غيرها أنت كملها ايش بتكمل في الفراغ هذا؟ أسماء الشرط، أسماء الاستفهام، وايش كمان؟ هم خمسه صح؟ نعم أسماء الشرط وأسماء الاستفهام.
طيب نيجي الآن على الأفعال، الأفعال القسم الثاني عندي فعل ماضي وهذا مبني، الفعل المضارع الأصل فيه أنه معرب ويكون مبنياً إذا اتصلت به نون النسوة اكتب يبنى على السكون وإذا اتصلت به نون التوكيد تحت شو يقول؟ يبنى على الفتح بس اكتب ولكن له محل من الإعراب، هي اكتب لي اياها المحل من الإعراب اكتبها وين في مكانين؟ فوق الأسماء المبنية وعند الفعل المضارع المبني تكتب ويبقى لها محل من الإعراب حتى أنت ما تنسى بس هي الجزئية لما تبدا تعرب، وأما الحروف، الحروف كلها مبنية والها محل من الإعراب لأن البناء فيها أصل، حروف جر، حروف استفهام، حروف نداء، شو ما كان الحرف دائماً مبني على مبني على السكون إلى مبني على السكون عن مبني على السكون، هل حرف استفهام مبني على السكون، همزة الاستفهام أَ أجا أَ مبني على ايش؟ على الفتح لازم أحكي له محل من الإعراب أوكع لأنه الحروف هي مبنية من حيث أصلها بالتالي ما إلها محل من الإعراب.
وهنا إخواني في عندكم تمرين التمارين هذه وضعناها لكم إخوان الله بعينكم تمارسوا لأنه بدون ممارسه ولا عمرك بتفهم نحو، أعطيك اياها من الآخر إذا ما مارست بعض الناس بظله يعاني بيقول أنا شيخ عندي مشكلة، هي مش مشكلة هو أحيانا ماشي في بعض المدرسين ممكن يعاني مشاكل في إصال المعلومة، لكن عموماً أكثر المشاكل بشعر أن الطالب لا يمارس ويظن أن العلم سياتي بدون ممارسه هذا لا يمكن العلم يحتاج أنك شوي ممارسه.
نيجي الآن على إعراب الجملة الاسمية، هذا أيضاً نحن تكلمنا عنه فقلنا الجملة الاسمية تتكون مبتدأ وخبر، المبتدأ ما حكم الإعراب الطبيعي؟ مرفوع، والخبر مرفوع، مثلاً عندكم المثال الأول المسلمات محجبات والله هذا الأصل، تمام، طيب المسلمات محجبات، فمسلمات أول شيء حدد لي هي مبتدأ ولا خبر؟ دائماً أفرز، مش حكينا أفرز الكلمات؟ المسلمات أنا بدي أعطيك خبر عنهم ها أنت لابد دائماً تفكر في المعنى قبل ما تحدد أنا مين اللي بدي أخبر عنه وايش هو الخبر؟ هيك بتحلل في ذهنك أنا بدي أخبر عن المسلمات إذا المسلمات المبتدأ والخبر هو محجبات، إذا مسلمات مبتدأ ومحجبات الخبر، فأقول مسلمات مبتدأ والمبتدأ مرفوع ومحجبات خبر الخبر مرفوع، الآن شو علامة الرفع؟ هي كمان شوي بنيجيها إن شاء الله، طيب بنفس الشيء قال سبحانه وتعالى مُحَمَّدٌ رَسُولُ اللَّهِ، تمام محمد عليه الصلاة والسلام هو المبتدأ لأني بدي أتعطي الآية تريد أن تعطيك معلومة عنه ما هي؟ أنه رسول الله ها الآية تريد أن تعطيك محمد عليه الصلاة والسلام رسول الله، ممتاز، وَالَّذِينَ مَعَهُ أَشِدَّاءُ عَلَى الْكُفَّارِ ها إذا الذين هي بس هيك صد الذين هذا مبتدأ جديد وأشداء هي ايش خبر؟ الذين معهم الصحابة كأنها قالت الصحابة الذين معه أشداء أعطتك معلومة عنهم، إذا برضه عندي هنا جملة اسمية أخرى بس هنا الجملة الاسمية الثانية صدرت بايش؟ اسم موصول الذين، الأسماء الموصولة من أي شلة يا شيخ؟ آه الله هي من شلة الأسماء المبنية اللي لها محل من الإعراب، فالذين بتقول مبتدأ تعطيني شو بناؤه؟ مبني على الذين خلص مبني على الفتح، أنت المبني بس امشي على اللفظ الذين مبني على الفتح، بوقف ولا لازم أعطيه محل؟ لازم أي اسم لازم أعطيه مبني لازم أعطيه محل من الإعراب، في محل ايش؟ رفع، طيب ليش حكيت رفع؟ لأن المبتدأ مرفوع فالمحل الإعرابي هو بناء على الأصل في المبتدأ المبتدأ مرفوع إذا المحل الإعرابي سيكون الرفع، لو كان مثلاً مفعول به قال المفعول به منصوب، إذا أي اسم مبني جاء مفعول به رح يكون مبني في محل ايش؟ نصب، وعلى هذا نمشي.
طيب إذا كان الخبر الآن نحن قلنا المبتدأ مرفوع والخبر مرفوع، إذا كان الخبر نحن قلنا الخبر في الجملة الاسمية إذا بتذكروا في الدرس الماضي قلنا له ثلاث أشكال، صحيح؟ الخبر في الجملة الاسمية، في الجملة الاسمية عندي مبتدأ وعندي خبر صح؟ قلنا الخبر إما أن يكون مفرد أو شبه جملة أو جملة، لا شو جار شبه الجمله هي جار ومجرور يعني جيد انتم متذكرين ذكريات صح تمام، أو جملة قلنا الخبر إما أن يكون مفرد، طبعا احنا قلنا المفرد هنا مش مقابل المثنى والجمع قلنا المفرد مقابل شبه الجملة والجملة، الخبر المبتدأ إما أن يكون مفرد زيد قائم، أو يكون شبه جملة زيد في الدار، أو أي مثلا إذا كان ظرف زمان بده يكون المبتدأ ايش قلنا معنى القيام الليلة، أو الدراسة اليوم هذا بيكون مبتدأ والخبر جاء ظرف زمان أو ظرف ظرف زمان، وقد يكون جملة وهنا صرنا بنقول في جملة جواها جملة إذا بتذكروا قد يكون الخبر جملة اسمية وقد يكون جملة فعلية، ممتاز الآن نحن قلنا الخبر حكمه ايش؟ مرفوع، هسه إذا كان مفرد هي سهله واضحة خلص زيد قائم قائم خبر مرفوع المسلمات محجبات محجبات خبر مرفوع.
طيب إذا كان الخبر شبه جملة سواء مثلاً زيد في الدار، تمام، هسه الآن في إعراب بلدي إنه خلص شبه الجملة في محل بس أنا بدي أعطيك فائدة لحياتك هذا الإعراب مش صحيح يعني هذا بجعله في المدارس نحن ما بنقول شبه الجملة في محل شبه الجملة هم يقولون أما أن تحولها لجمله أو تحولها لمفرد ما في شيء يظله شبه جمله عنا يعني هم بقول لك أنت يا بتحول لي اياها بتعتبرها جملة يا بتعتبرها مفرد، أنا مشان أريحك اعتبرها مفرد وهيك بس اكتب إعرابها جنبها، نقول إذا جاء الخبر شبه جملة سواء جار ومجرور أو ظرف زمان أو ظرف مكان ماذا يقولون؟ زيد في
الدار يقولون الجار والمجرور متعلق بكلمه مفردة تقديرها كائن هي الخبر بس هيك بقول أعطيك إياها الآن من خلال مثال زيد في الدار، زي ما قلنا شبه الجملة أنت مخير كما قال ابن مالك ناوين معنى كائن أو استقر يا بتحولها لمفرد يا في الإعراب، هذا متى بتحتاجه في الإعراب؟ في الإعراب يا بتحولها لمفرد يا بتحولها لجمله، شو اللي بحدد هذا؟ قالوا بدك تقدر كلمه قبلها الكلمه اللي بتقدرها قبل الجار والمجرور هي التي ستحكم هل الجار والمجرور أنت حولته لجمله أو حولته لمفرد، إذا قدرت الكلمه قبلها كائن أصبح الجملة هكذا: زيد كائن في الدار فكائن هي الخبر.
حقيقة لو قلت لك زيد كائن في الدار شو بدك تعربها في الوضع في الوضع الطبيعي اعتبر الجملة هكذا ابتداؤها: زيد كائن في الدار، زيد مبتدا وكائن خبر وهذا جار ومجرور وخلصنا بس حرف جر واسم مجرور، الآن فهم وضعوا قاعدة عامة: أي خبر جاء على صورة شبه الجملة سواء شبه جملة جار ومجرور أو شبه جملة ممكن يكون ظرف زيد عندك ظرف مكان تمام، أو الدراسة الليلة ظرف زمان إذا جاء الخبر شبه جملة سواء جار ومجرور أو ظرف من باب خلص أن تختصر على نفسك تحط عدة احتمالات تقدر كلمة محذوفة قبل شبه الجملة، تقدر كلمة محذوفة قبل شبه الجملة شو هي الكلمة المحذوفة اللي بدي أقدرها؟ كلمة كائن بس هذا المطلوب منك الآن زيد عندك شو أصبحت الجملة؟ البغدادي حط قدر الكلمة شو هي؟ خلص القيامي الليلة القيام كائن الليلة خلص امشي على هاي القاعدة بتريحك، إذا جاء الخبر شبه جملة سواء جار ومجرور أو ظرف قدر كلمة كائن بس هذا اللي بدي إياه منك وحول شبه الجملة عندئذ إلى مفرد أصبح الخبر مفرد صح لأنه كلمة كائن مفرد فحولت الخبر من كونه شبه جملة إلى كونه مفرد.
طيب لا يا شيخ أنا حاب أحول الخبر من شبه جملة إلى جملة هون رح تقدر بدل كلمة كائن فعل استقر تصبح الجملة: زيد في الدار، زيد التقدير هناك كلمة محذوفة وهي فعل التقدير زيد استقر في الدار، والله هذا بيرجع لك حاب تحولها لهيك بزبط بس أنا خلص ما بدي أدوّشك في خيارين خليك مثبت على خيار واحد، خلص ها هذا مسحناه خلينا نحول شبه الجملة إلى مفرد من خلال تقدير كلمة كائن وتصبح دائما لما يكون عندك زيد في الدار، زيد عندك، القيام الليلة، هذا مبتدا مرفوع الخبر ماذا ستقول؟ أولا الخبر هنا شبه جملة خلص الشيخ قال لنا شبه الجملة حولها لمفرد بتقدير كلمة كائن وهذا الكائن هو الخبر فستصبح في الدار تقول جار ومجرور متعلق بكلمة محذوفة هي كائن وهي التي تمثل الخبر بس يكفي في الإعراب هكذا، نفس الشيء القيام الليلة الليلة ظرف زمان متعلق بكلمة محذوفة تقديرها كائن هي الخبر، زيد عندك ظرف مكان متعلق بكلمة محذوفة تقديرها كائن هي الخبر واكتفينا وخذ على هذا كل الأمثلة التي تجدها أمامك ممتاز.
أما إذا كان إخواني أما إذا كان الخبر مفرد خلص عرفنا مفرد مرفوع وما في فيها فلسفة، إذا كان شبه جملة عرفنا كيف بدنا نتصرف معها بحول شبه الجملة إلى مفرد من خلال تقدير كلمة كائن، إذا كان الخبر جملة هنا هذه حالة ثالثة أخذناها اليوم الجملة لها محل من الإعراب هو الرفع، مش رح يعني أتعبك هنا هو ايش الرفع إذا في كمان شيء آخر بنعطيه محل من الإعراب، نحن أخذنا الآن الأسماء المبنية بنعطيها محل من الإعراب صح، وأخذنا الفعل المضارع المبني بنعطيه محل من الإعراب برضه طلع بعض الجمل اللي رح ندرسها برضه لما بعد ما تخلص من الجمله بتقول ولها محل من الإعراب رفع.
ناخذ مثال على هذه الحالة: زيد درس اليوم، الآن بتحلل الجملة أولا هي جملة اسمية ولا فعلية؟ اسمية صح، طيب جملة اسمية حدد العناصر الموجودة فيها وكل كلمة شو وضعها يلا زيد شو وضعها؟ هي هي مبتدا طبعا ما دام مبتدا معناتها في خبر، ما هي أركان الجملة الاسمية؟ مبتدا يطلب خبر كما أن الجملة الفعلية فعل يطلب فاعل ما في عندي حل ثالث فتقول زيد المبتدا ما خبرها؟ اه الجمله الفعلية لا قبل تتهور الشيخ الجملة الفعلية هي الخبر، إذا الخبر في هذه الحالة كان عبارة عن جملة فعلية داخل بطن جملة اسمية صح، طيب ها الجملة الفعلية أنت عادة بتأخذها لحالك على جنب بتتعامل معها على جنب بعدين بترجعها هون فبتقول لي درس اليوم هذه جملة فعلية بدي أحدد وين الفعل وين الفاعل درس الفعل صح، حدد لي فعل ماضي ولا مضارع ولا أمر؟ ماضي صح درسا خلص إذا فعل ماضي، الماضي حكينا الشيخ إنه مبني وما له محل من الإعراب صح قلنا الماضي مبني وليس له محل من خلص إذا درس فعل ماضي مبني على الفتح لا محل له من الإعراب، الفعل بده فاعل أين الفاعل؟ ضمير مستتر تقديره هو برجع على زيد هذا الضمير المستتر الفاعل، تمام إذا حبيت تقول في محل رفع مش مشكلة ضمير مستتر عادة الضمير المستتر بيقولوا ضمير مستتر تقديره هو بذكروا المحل بس بدك تذكر المحل ما عندي مشكلة، واليوم هي إعرابها ظرف زمان نجي عليها بعدين إن شاء الله بعد ما نخلص تحليل ها الجملة وحدها كجملة فعلية عرفنا الفعل والفاعل وكيف نعربها منرجعها هون بنقول والجملة الفعلية في محل رفع لأنها خبر المبتدا، إذا هي أيضا لها محل هي هذا الشيء الثالث اللي بنأخذه اليوم له محل إذا جاء الخبر جملة سواء جملة فعلية أو جملة اسمية سيكون له محل من الإعراب، ما هو هذا المحل؟ الرفع لأن الخبر في الوضع الطبيعي مرفوع.
ممتاز يا رب الخبر في الوضع الطبيعي مرفوع إذا جاء مفرد مفرد مرفوع إذا جاء شبه جملة حولناها لمفرد وخلصنا، إذا جاء جملة كاملة عند هذه الجملة الكاملة نقول في محل رفع وهيك حافظنا على فكرة إنه الخبر مرفوع، طيب هكذا يتم تحليل الجملة الاسمية هلا بيلمني إخواني أن الطالب في ه المرحلة يتعلم مهارة التحليل، إذا الجملة الاسمية تتكون من مبتدا مرفوع وخبر مرفوع، الخبر المرفوع إذا كان مفرد سهل إذا كان شبه جملة يحول إلى مفرد وإذا كان الخبر جملة كاملة فإنها ستكون في محل رفع خبر، طبعا هنا في صفحة 34 أخوكم الشيخ كاتب ثم شبه الجمله أو بالجملة يكون في محل رفع خبر هو حول شبه الجملة اللي كنت حول شبه الجملة إلى جملة أنا سهلت عليكم حولت لكم شبه الجملة إلى ايش مفرد، يعني أخونا الشيخ لما قال في صفحة 34 في الأعلى ملاحظين عندي صفحة 34 في الأعلى ثم شبه الجملة أو الجملة في محل رفع خبر اكتب شبه الجملة بإمكاني أن أحولها إلى جملة وعندئذ في محل لكن إذا قررت كما قال الشيخ في المحاضرة أن أحولها إلى مفرد فعندئذ خلاص أقدر الخبر كلمة محذوفة تقديرها كائن بدون الحاجة إلى قضية ماذا في محل يصبح الخبر مفرد ولا حاجة إلى أن أجبر أنه في محل كذا لا خلص لا تحتاج إلى هذا التعبير.
وهنا عندكم أمثلة الحمد لله أول ما تفتح القرآن تجد سورة الفاتحه صح الحمد لله يلا ضياء الحمد شو إعرابه عشان تلقط معنا؟ الحمد شو إعرابه؟ وصلت الدار عارف مش مشكلة مبتدا صحيح المبتدا شو حكم الإعرابي؟ مرفوع خلص مبتدا مرفوع، طيب آه والله هي حرف جر بعديه لفظ الجلالة جار ومجرور صح، والله أخذنا الآن إذا كان الخبر جار ومجرور الجار والمجرور من أي صنف من المفرد ولا شبه الجملة ولا الجملة؟ شبه الجملة، أي نوع جار ومجرور ولا ظرف؟ جار ومجرور، قلنا قال لنا الشيخ في هاي الحالة كيف سيكون الإعراب؟ بتحول شبه الجملة لمفرد وبتقدر كلمة كائن التقدير الحمد كائن لله خلصت، بتقدر كلمة كائن محذوفه خلصت تمام حبيت تحولها لجمله أحولها ما عندي مشكلة الحمد استقر لله صارت جملة وصار لها محل من الإعراب عندئذ.
نفس الشيء ضيوفك عند البيت المثال الثاني ضيوف والله مبتدا ضيوفه هذا مبتدا مرفوع طبعا الكاف هي ضمير يعرب على أنه مضاف إليه مضاف إليه، والآن عند والله هذا ظرف مكان لأنه هنا بتكلم عن مكان مش عن زمان عندك في البيت يعني، فعندها والله هذا ظرف مكان ورح يجي إن شاء الله ظرف المكان منصوب بس بيهمني الآن إعراب ظرف المكان أنا بيهمني المختصر ضيوفك مبتدا أين خبرها؟ عند البيت عند البيت، طيب كيف بدي أعرب والله هذا الخبر هون أجى شبه جملة ظرف مكان الشيخ قال لنا إذا جاء الخبر شبه جملة ظرف مكان بقدر در كلمة كائن وبخلص فبتصير ضيوفك كائنون مثلا عند البيت ضيوفك لأنه هنا جماعة تحكي كائن لأنه جماعة بتقول كائنون عند البيت تقول إذا الخبر هو كلمة كائنون المحذوفة المقدرة وهكذا تفتك من كل القضية وعندكم مثال آخر ادرسوه.
طيب الآن إخواني قلنا إن الجملة الاسمية تتكون من مبتدا وخبر والمبتدا يكون ماذا؟ مرفوعا والخبر يكون مرفوعا، لاحظ العلماء بعد ذلك أن الجملة الاسمية حالتها الطبيعية مبتدا وخبر والمبتدا مرفوع والخبر مرفوع لكن وجدوا أن هناك ما يسمونه نواسخ وهي عبارة عن مجموعة من الأدوات تدخل على الجملة الاسمية تعمل فيها شوية دربكة، هناك أدوات تسمى النواسخ تدخل على وين على الجملة الاسمية بتغير لي شوي في أحكام المبتدا والخبر، نحن في هذا المستوى رح نتكلم عن نوعين فقط من النواسخ ما هي رح نتكلم عن النواسخ الداخله على الجملة الاسمية هذه النواسخ إن وأخواتها وكان وأخواتها.
طيب إن وأخواتها هذه عبارة عن مجموعة من حروف المعاني من الحروف هي بخلاف كان وأخواتها هذه عبارة عن ايش؟ عن أفعال كان وأخواتها أفعال إن وأخواتها حروف ايش أخواتها؟ الآن عننا إن وأن كأن وكل واحد بيحكي شغله فإنا شبكة لكن ليت لعل هم هذول ستة إن وأن وكأن ولكن وليت ولعل الأربع الأوائل المشددات عشان ما تنساهم وأخر شيء برضه الأخيرة مشدد لعل هي ليت لحالها طلعت طفرة جينية ما تشددت، فطلعت مبنية على ايش ليت؟ مبنية على ايش؟ مش هي حروف قلنا يا إخوان مش حروف؟ الحروف معرب ولا مبنية؟ مبنية في محل ولا بدون محل؟ بدون محل، طب كيف بدي أعرف على ايش مبنية؟ بس اطلع على الحرف الآخر آه إن كيف تعربها؟ حرف مبني على الفتح خلص ما في ولا أي شيء بغلبك، لكن حرف مبني على ايش؟ على الفتح لعل حرف مبني على ايش؟ الحرف الحركة اللي بتشوفها ليت حرف مبني على الفتح، فهذه حروف هي خلاص سهله بس بتشوف شو حركة الحرف الأخير بتقول حرف مبني على وكذا وخلصنا.
كان وأخواتها هذه ايش أفعال خلينا نبلش في هي المجموعة الأولى إن وأخواتها قلنا أيها الأحبه هذه تدخل على الجملة الاسمية مش حكينا هي نواسخ تدخل على الجملة الاسمية؟ شو الكركبة اللي بتعملها في الجملة الاسمية؟ كركبة فقط في جهة الخبر هذه إن عفوا في جهة الاسم إن وأخواتها بتأثر فقط على الم على المبتدا جملة المبتدا، وإن كانت إن وأخواتها تؤثر فقط على المبتدا ما بتشتغل في الخبر ما بتعمل مشكلة هناك وين مشكلتها؟ في المبتدا الآن المبتدا في الوضع الطبيعي قلنا ما حكمه؟ مرفوع، إن وأخواتها بتخلي المبتدا منصوب بس هذا اللي بتعمله بتحول المبتدا من كونه مرفوع إلى منصوب، طيب الخبر بتعمل في شيء؟ لا مرفوع بظله مرفوع، تمام فلو قلنا في الجملة قبل قليل إن زيدا درس اليوم شو كانت الجمله؟ زيد درس اليوم لما أدخلت إن شو صارت؟ زيدا كانت الوضع الطبيعي زيد درس اليوم لما أدخلت إن بدل زيد صارت ايش زيدا وأما درس اليوم بتضلها زي ما هي جملة فعلية في محل رفع خبر في محل رفع خبر.
هي المشكلة وين في زيدا؟ زيدا قبل دخول إن كانت مبتدا مرفوع الآن أصبحت منصوبة لما تدخل إن بنبطل نحكي مبتدا بنصير ليها بنسميها اسم إن هذا هو المصطلح المبتدا بتغير اسمه لأنه هو متى كان مبتدا لما كان أول الجملة الآن ما عاد أول الجملة صار الآن في قبله شيء إن فهم الآن قالوا ما بنسميه مبتدا بنسميه ماذا اسم إن والخبر يعني بخليه بنسميه خبر إن عشان ما يزعل بنسميه ايش خبر إن، طيب نفس الشيء قص على إن أن كان نفس الشيء كان زيدا قمر كان زيدا قمر زيدا اسم كان وقمر خبر ك مرفوع، الخبر بظله مرفوع ما صار في أي مشكلة المشكلة فقط في المبتدا إنه يتحول من مرفوع إلى منصوب.
أنت الآن في علم النحو أنت ماذا يهمك؟ أنك تضبط هذه الأحكام أنه أنا خلص عارف جملة اسمية جملة فعلية الاسمية مبتدا وخبر مرفوع مرفوع الفعلية فعل فاعل مفعول به الفعل عرفت وضعه الفاعل مرفوع المفعول به منصوب، بعد ما تثبت الشبكة الأولى بتنتقل للحالات الاستثنائية، برجع على الجملة الاسمية الجملة الاسمية في أشياء بتدخل بتغير شوي في تضاريسها وهي مجموعة إن وأخواتها ومجموعة كان وأخواتها، إن وأخواتها إذا دخلت على الجملة الاسمية شو بتسوي؟ بتاثر على المبتدا بتحوله من مرفوع إلى منصوب أما الخبر بتلعب فيه، طيب كان وأخواتها ماذا تفعل؟ العكس أول شيء شو أخوات كان؟ ما هو أن عرفنا أخواتها كان بدنا نعرف أخواتها مين أخواتها؟ ها كان أمس أصبح ظل بات
أضحى، صار، ليس، هذول مجموعة. تمام، لا، مش مشكلة، طيب خلينا نصغر شوي، إذا بتسمحونا الشاشة، بسم الله.
طب ها، هذه المجموعة الأولى: كان، وأمس، وأصبح، وظل، وبات، وأضحى، وصار، وليس، ثمانية. المجموعة الثانية هي اللي بتكون مسبوقة بأداة نفي أو نهي وهي: ما زال، منفك، ما برح، ما فتئ، ما فتئ، ما زال، ما انفک، ما برح، ما فتئ، وكلها بنفس المعنى. كلها تدل على إيش؟ استمرارية وجود الشيء. ما زال محمد قائماً، ما فتئ بكر جالساً، ما إيش حكينا؟ ما برح يدرس. أنت شو الدلالة التي فهمتها من ما زال، ما فئت، ما فتئ، ما؟ استمرارية اتصاف المبتدا بالخبر؛ يعني محمد ما زال قائم، محمد ما زال يدرس، فهذه الأفعال الأربعة يقولون هي تفيد الاستمرارية. تعطيك مؤشر الاستمرارية، بس لازم تكون مسبوقة بماذا؟ بأداة نفي أو بأداة نهي، تمام؟
طبعا في بعض التفاصيل الأخرى تدرسها في شرف المطولات. أخيراً الكلمة أو القسم الأخير وهي مادام، والتي تدل على الدوام، وهذه لابد وأن تكون مسبوقة بماذا؟ بما، بالتحديد ما. بس هذه ما مش زي ما هون. ما هنا نافية، ما هنا ما مصدرية، مصدرية ظرفية. بيضلك أكثر من هيك مادام. أقول: مادامت السماوات والأرض صحيح. مادام محمد قائماً. مادام زيد... طبعا عادة مادام بتكون في بداية الجمله، عادة بتكون في منتصف الكلام، وتقول: والله لأصلي على محمد صلى الله عليه وسلم مادامت الجمال تسير إلى مكة، ومادام الطلاب يدرسون العلم، ومادام في عرق ينبض أو شيء، ما بتلاقيه في الخطب، فهذه بتكون عادة في نص الكلام بتيجي، ما بتيجي في العادة في البدايات، ولا بد تكون مسبوقة بما المصدرية.
المهم هذه الأدوات، سواء المجموعة الأولى كان وأمسى وأصبح وظل وبات وأضحى وصار وليس، أو المجموعة الرباعية هذه ما زال وما فتئ وما برح وما انفك، أو المجموعة الأخيرة وهي مادام، هذه كلها -طبعا هيك هم كم صاروا؟ 8 و4 12، وهذه مادام 13- شو 13؟ بدك تحفظهم، ما عندك حل آخر يعني. كيف يا شيخ بدي أضبطهم؟ ما في مجال إلا أنك تحفظهم. تمام، إذا حفظتهم بتصير تعرف إنه إذا دخلوا على الجملة الاسمية، فكان وأخواتها ماذا تحدث في الجملة الاسمية؟ هذه تؤثر على الخبر مش على المبتدا. يعني إن وأخواتها أثرت على الأيش؟ على المبتدا، هي بالعكس، هي بتأثر على الخبر، المبتدا بضله زي ما هو مرفوع، بس الخبر بصير منصوب.
زيد درس اليوم، نفس الجمله: زيد درس اليوم. أقول، بدي أول شيء خليني آتي بمثال على الخبر مفرد حتى يظهر الأثر، بعدين آتي بالجمله، أقول: ما زال زيد قائماً. الآن لو كانت ما زال مش موجودة، لو كانت ما زال مش موجودة، كيف رح تكون الجملة؟ زيد قائم، صح، مرفوع، مرفوعة. لما دخلت ما زال هي الأداة، لما دخلت شو سوت؟ قائم كان مرفوع، صار منصوب، صار ايش؟ ما زال زيد قائماً. ما الذي حول الخبر من مرفوع لمنصوب؟ دخول واحدة من أخوات كان.
نفس الشيء لو قلت لك، حتى تصيد: يدرس اليوم. حتى تنعدل الجملة: ظل زيد يدرس اليوم. يلا، مين يعرب لي اياها؟ يلا، شيخ أسامة، أظهر لي مواهبك، شيخ، بدك تظهر مواهبك. طيب، شيخ، ظل فعل ماضي، ممتاز. لأنه ها، كان وأخواتها قلنا كلها أفعال، وهي أفعال ناقصة صحيح، بس هي الآن الأفعال الأصل فيها أنها ماضية، ويمكن أن تصبح مضارعة عادي، ويمكن تصبح أمر كذلك في بعض صورها. الآن هي أفعال خلص، كأنها فعل طبيعي، تعرب إعراب الفعل الطبيعي. إذا اجا ماضي بتعرب إعراب الفعل الماضي، إذا اجا مضارع بتعربو إعراب الفعل المضارع: كان، يكون، كن، وقص عليها: أمسى، يمسي، أمس، وقص عليها. فكان وأخواتها عبارة عن أفعال طبيعية، بتتعامل معها كأنها جملة فعلية نوعاً ما من حيث الفعل بس دخلت على جملة اسمية، ها، كأنها جملة فعلية طبة على جملة اسمية. فاصبح ابتدا... فعل، ظل والله فعل ماضي مبني على الفتح. زيد شو إعرابها؟ زيد في الوضع الطبيعي قبل دخول ظل ماذا كانت؟ مبتدا. لما دخلت ظل صرنا نسميها اسم ظل، يعني بتضل اسمه مبتدا؟ لانه بطل مبتدا، ما هو في شيء قبله، اسمها اسم ظله، اسم ظله بس خلص، نفس الإعراب: مرفوع وعلامة رفعه الضمه. ويدرس اليوم زي ما حكيت، هي أول شيء بتأخذ لي إياها على جنب، تتعامل معدها: يدرس اليوم، يدرس فعل مضارع. أول شيء، معرب ولا مبني؟ معرب. تمام.
وعاده إخواني شو بيصير مع الطالب بعد الدرس الدسم؟ إنه بتشبك الخطوط كلها، تمام؟ معرب مبني اسم فعل مضارع، بصير يشعر إنه الشبكة كلياتها دخلت. لا، مو هذا معناتها، أنا محتاج أرجع أضبط الأمور شوي شوي في المنزل، يعني حبة بعد حبة في طريقة الترتيب الذهني للأفكار. والله يدرس مضارع. المضارع أول، معرب ولا مبني؟ معرب، ولا يبنى إلا إذا في نون نسوة أو نون توكيد، مش موجودة هون، إذاً معرب. معرب، الأصل فيه أنه مرفوع، حتى يدخل ناصب، أداة نصب أو أداة جزم، رح نجي نتعرف إن شاء الله شو أدوات النصب والجزم. عموماً هنا مش موجودة أي أداة، فبالتالي إذا هو مرفوع، إذاً يدرس فعل مضارع مرفوع وعلامة رفعه الضمة، والفاعل ضمير مستتر تقديره هو، واليوم زي ما حكينا ظرف زمان منصوب. ما بيهمني بعد ما أخلص تحليل هي الجملة المضارعية برجعها مكانها، وبتصير ها: ظل زيد يدرس اليوم. الجملة الفعلية في محل... لأنه حكينا إذا جاء الخبر جملة سواء بدون وجود إن وأخواتها أو كان وأخواتها أو مع دخول إن وأخواتها وكان وأخواتها، الخبر إذا جاء جملة لازم تعطيه محل من الإعراب. طب الخبر في كان وأخواتها هو بضل مرفوع ولا صار منصوب؟ صار منصوب. منصوب، إذاً الجملة شو رح تكون في بعد ما تقول: في محل. والجملة المضارعية في محل نصب، نصب لأيش؟ خبر ليظل أو لكان أو لأمسى، على حسب ما هو الفعل الموجود عندك. واضح مشايخنا؟
إذا هذا القدر هو الذي يعنينا أن نعلق عليه بالنسبة للنواسخ. وعندك هنا النواسخ موجودة أمامك: الجملة الاسمية مع إن وأخواتها، طبعا عرفنا علمناك كيف تعرب إن أو إحدى أخواتها، كلها حرف مبني، مبني على ما يظهر على آخره، لا محل له من الإعراب، واسم إن منصوب وخبر إن مرفوع على حاله. طبعا إخواني أي مثال ذكروه لك الإخوة هنا اقرأه، أعرب وحدك، ثم انظر كيف يكون الإعراب الصحيح حتى تبدأ تتعلم. ونفس الشيء كان وأخواتها: كان وأمسى وأصبح وأضحى وظل وبات وصار وليس وغيرها وغيرها. يعني الشيخ حب يخفف عليكم، أنت أضيفه وغيره، ها نحن ذكرناها قبل شوي: ما زال وما انفك وما فتئ وما برح ومادام على ما ذكرناه. هي هذا القسم نحن ما كتبناه في الكتاب، أنت بتضيفه، نحن فقط ذكرنا الثمانية الأول لأنها سهلة. طيب، وزي ما حكينا، ترفع المبتدا فيبقى مرفوعاً على حاله، وتنصب الخبر ويسمى خبرها. طبعا كان وأخواتها عبارة عن أفعال، خلص تعاملها معاملة الأفعال، فعل ماضي ومضارع وأمر حسب ما بتشوف منها موجود: كان، يكون، كن، ماضي مضارع أمر، وتطبق أحكام الأفعال عليها. وأما ما بعدها فبتعرف إنه في عندي اسم لكان اللي هو كان في الأصل مبتدا، عشان هيك سميت نواسخ. إخواني أنتم عرفتوا إيش سميت نواسخ؟ كأنه المبتدا والخبر صار له اسم جديد، هو كان اسمه ايش قبل ما تدخل؟ مبتدا وخبر. الآن شو صار اسمه؟ اسم إن، خبر إن، وبالنسبة لكان وأخواتها اسم كان وخبر كان، لأن أعطيناه أسماء جديدة، سميت ايش؟ نواسخ، أعطيناه أسماء جديدة للجملة الاسمية، وكذلك بعض الأحكام تغيرت.
طيب، أما بالنسبة للجملة الفعلية، الآن هنا أنا بيهمني مبني للمعلوم أو مبني للمجهول. نحن عرفنا كيف نخلي الماضي مبني للمعلوم مبني للمجهول، صح؟ بتذكروا كيف يا شيخ؟ والله شوف، إذا بتذكروا الفعل الماضي كيف بحوله من مبني للمعلوم إلى مبني للمجهول؟ أنت حضرت معنا الدرس الماضي؟ آه. طيب، تخاف الشرطة. طيب، يعني لو ما حكيت ما في عنا أي عقوبات إن شاء الله مالية. الفعل الماضي كيف يتحول من مبني للمعلوم لمبني للمجهول؟ يعني ضرب، حول لي إياه لمبني للمجهول: ضرب. إذاً، ماذا فعلت؟ ضممت الأول وكسرت ما قبل الآخر. الفعل المضارع قلنا كيف بدنا نحول للمعلوم المبني للمجهول؟ يعني يضرب، حوله مبني للمجهول: يضرب. ما هو بدك تمارس.
في كتاب اسمه النحو الشافي، الاستاد اسمه غسالة، محمد غسالة أو شيء في الجامعة الأردنية، حقيقة كتاب جيد لهذا المستوى لطلاب المبتدئين، يعني لا يذكر أمثله كثيرة من القرآن والسنة، بنصحك تقتنيه وتطبيقه، لأنه أنت هنا محتاج إنه بعينك تشوف الفكرة. ما طبقت، برجع بقول بضل الموضوع إنه أنت سمعت من الشيخ فوائد، بس أنا رسالتي مش ضابطها لأنني لم أمارس شيء. كذا، غسالة أنا حقيقة العائلة غسالة، بس أنا مش مستحضر اسمه. نعم، مغالسة، بهذا الاسم. معناته أنا ضربت الرجال! أكيد مغالسة بهذا الاسم. النحو الشافي، خلص، إذا الشيخ بيعرفه: كتاب النحو الشافي لمحمود مغالسة، كتاب دكتور في الجامعة الأردنية، حقيقة كتابه جيد للأخوة المبتدئين في تصور الأحكام الإعرابية.
أما بالنسبة للجملة الفعلية، زي ما حكينا، الجملة الفعلية تتشكل من فعل وفاعل، وأحياناً يكون عندي مفعول به. الفعل الذي تصدر به الجمله الفعلية قلنا إما أن يكون ماضي أو مضارع أو أمر. إذا كان الفعل ماضي، تمام، إذا كان الفعل ماضي، زي ما حكينا. الجملة الفعلية نرجع نقول تتشكل من فعل وفاعل، وأحياناً مفعول به، والفعل قد يكون ماضي أو مضارع أو أمر.
الآن بدنا ندخل خطوة في الفعل الماضي. هسا قلنا الفعل الماضي مبني، صح؟ خلص مبني، ما له محل من الإعراب أبداً، لأنه هذا هو الأصل في الأفعال، بس مبني على ايش؟ مبني على ماذا؟ حقيقة الفعل الماضي علامة بناؤه تختلف على ثلاثة أحوال. نقول: الأصل في الفعل الماضي أنه مبني على الفتح، نقول: الفعل الماضي الحالة رقم واحد، الأصل إنه مبني على الفتح: ضرب، أكل، شرب، نام، سعى. برضه سعى مبنية على الفتح، بس الفتحة مقدرة هون بنحكي، لأن الألف بتطلع عليها الحركات فبتتحكي الفتحة مقدرة. رضي. ايش عندك أفعال ماضية؟ استخرج، انكسر. نعم، أثر، ضرب. تأكل؟ أنت شيخ والله انك جوعان اليوم! طيب، الأصل مبني على الفتح.
الان متى يخرج عن هذا الأصل؟ إذا اتصل به واو الجماعة يبنى على الضم. نفس الأفعال اللي أنتم حكيتوها دخلوا عليها واو الجماعة: ضربوا، أكلوا، شربوا، ناموا، بتصير تشعر إنه قبل واو الجماعة الحرف صار مضموم. إذاً كل الأفعال الماضية إذا دخلت عليها واو الجماعة تصبح مبنية على ماذا؟ على الضم.
الحالة الثالثة: إذا اتصل به ضمير رفع متحرك، يبنى على السكون. ضمائر الرفع المتحركة شو هي؟ هي بدك تحفظها. إذا اتصل به ماذا؟ ضمير رفع متحرك. ما هو؟ تاء المتكلم أو المخاطب أو المخاطبة. نا التي تدل على الفاعلين، مجموعة الفاعلين الذين يتحدثون عن أنفسهم. ونون النسوة، أحسنت. نون النسوة وهي مفتوحة. هي اسمها ضمائر رفع.
طبعا هذه الضمائر، إخواني، حتى واو الجماعة، واو الجماعة أو التاء أو النا أو نون النسوة، هذه تكون هي الفاعل، تكون ايش؟ هي الفاعل في الجملة الفعلية. فمثلاً لما اقول: ضربوا. بنقول: ضربوا الفعل، فعل ماضي مبني على الضم. ليش مبني على الضم؟ والله شيخ في واو جماعة. وين الفاعل؟ واو الجماعة نفسها، واو الجماعة هي الفاعل، ما تضيع يعني.
طيب، أما ضمير الرفع المتحرك، خلونا ناخذ أمثله عليها: ضربت. هنا أنا بتكلم عن نفسي. طيب، ضربت، لاحظ، الباء شو صار فيها؟ ساكنه. طب حط قبلها بعدها واو جماعة؟ ضرببو، الواو صارت مضمومة. طب بدون ضمائر؟ ضرب. إذاً لاحظ الباء عم تتغير، بس هذا التغير مش تغير إعرابي، تقولوا هيها هي تغير آخره، ليش ما حطيتوها معربة؟ لا، هذا التغير بنسميه تغير طارئ بسبب دخول الضمائر، بدون وجود الضمائر ما رح تتغير، الفعل الماضي الضمائر هي اللي عامله دربك في الموضوع.
فلاحظ هنا لما اقول: ضربت. طب أنا عم بخاطب شخص، بقول له: ضربت. عم بخاطب أنثى، بقول لها: ضربتي. إذاً الباء ساكنة، والتاء هذه، سواء تو ولا تاء ولا تي، هذه التاء هي الفاعل، هي الفاعل. ممتاز.
إذاً الفعل الماضي، إذا اتصلت به التاء للمتكلم أو المخاطب أو المخاطبة، يصبح مبني على السكون، والتاء هذه تكون فاعل. كذلك نا، نا الذين يتحدثون عن أنفسهم، لو قلت: ضربنا، درسنا، أكلنا، شربنا، نمنا، لاحظ إنه بتشعر إنه قبلنا الفعل الماضي ساكن. ونا هذه، ما إعرابها؟ هي الفاعل. نا هذه نا الفاعل ونحن نتحدث بها عن أنفسنا.
كذلك نون النسوة، نا نون نسوة، وين جبناها قبل شوي؟ إذا دخلت على الفعل المضارع عملت مشكلة، صح؟ شو هي؟ إنه أصبح مبني على السكون. ونفس الشيء نون النسوة بس تدخل على الفعل الماضي تعمل مشكلة. شايفين قديش النساء بيعملوا مشاكل؟ حتى في الفعل الماضي يعملوا مشكلة: ضربنا، أكلنا، شربنا. فنون النسوة لما دخلت على الفعل الماضي برضه بتسكره، بتخليه... هي المرأة في البيت هيك بتعمل فيك، صح؟ بتضلك قاعد ساكت. فالممتاز، فالآن نون النسوة كذلك على الفعل الماضي تجعله ساكناً.
إذاً الفعل الماضي مبني، لكن ما علامة البناء؟ الأصل أنه مبني على الفتح، إلا إذا اتصل به واو الجماعة يبنى على الضم، وإلا إذا دخل عليه ضمير الرفع المتحرك حبيت.
تذكره بأشكاله بضبط، يعني إلا إذا أخذ عليه التتاء أو النا أو نون النسوة، فانه يصبح مبنياً على السكون. واحفظ أن هذه الضمائر هي الفاعل، هذه الضمائر هي الفاعل؛ راح تروح تدور على فاعل آخر داخل الجملة الفعلية.
طيب، إذا كان الفعل مضارع، قلنا نحن قبل شوي أن الفعل المضارع معرب، والأصل في إعرابه ماذا؟ أنه مرفوع حتى يدخل عليه ناصب أو جازم. فلو قلت: يدرس محمد، خلص؛ يدرس فعل مضارع مرفوع وعلامة رفعه الضمه. تمام. ينجح الطالب، ينجح فعل مضارع مرفوع، لأنه في قبله لا أداة نصب ولا أداة جزم. وقص على ذلك أي جملة مضارعية. من الجيد أنه الإنسان يقترح على نفس الجمل حتى يصبح يتدرب، حط نفسك فعل مضارع: يستخرج، ينكسر، يمشي، يسعى؛ كلها أفعال مضارعة مرفوعة، أفعال مضارعة مرفوعة وعلامة رفعها الضمة، والضمة إما أن تكون ظاهرة وإما أن تكون أحياناً مقدرة؛ لأنه مثلاً زي يمشي، هنا الضمة مقدرة، ليش؟ منع من ظهورها الثقل، لأن الياء صعب الضمها، يمشي، شيو ما بتزبط. نفس الشيء: يسعى فعل مضارع مرفوع وعلامة رفعه الضمة، وينها الضمة يا شيخ مش شايفها؟ مقدرة، ليه؟ لأنه الألف أصلاً لا تقبل أي حركة. فالضمة قد تكون ظاهرة وقد تكون مقدرة.
طيب، ولكن الأصل فيها أنها ظاهرة. الفعل المضارع، خلينا نحن صفحة 40، الفعل المضارع إن كان معرباً، فكما قلنا الحالة الطبيعية إذا كان مجرداً عن أداة نصب أو أداة جزم فهو مرفوع. نحن صفحة 40 آخرها: إذا كان مجرداً عن أداة نصب أو أداة جزم، فالفعل المضارع يكون ايش؟ مرفوعاً. قال سبحانه وتعالى: سَيَصْلَى نَارًا ذَاتَ لَهَبٍ. سيصلى، أنت نفسك بتشعر أنه فعل مضارع صح، سيصلى، وأنا أركز في المعنى، مش صلي، لا، سيصلى، تمام، نتكلم عن شيء الآن مع السين صار للمستقبل كمان. سيصلى، طبعا سيصلى، ما يعراب؟ والله فعل مضارع في قبله أداة نصب أو أداة جزم؟ لا، إذاً فعل مضارع مرفوع، وعلامة رفعه الضمة، وين الضمة يا شيخ؟ مش ظاهرة بسبب وجود الألف. طيب والفاعل؟ نحن قلنا الجملة الفعلية فعل وفاعل ومفعول به، وين الفاعل؟ ضمير مستتر تقديره هو، ترجع على أبي لهب. ناراً هي المفعول به، سيصلى أبو لهب ناراً، فناراً هي المفعول به لأن الفعل هذا متعدي.
طيب، أما الفعل المضارع إذا دخل قبله أداة نصب أو أداة جزم، سيتحول إعرابه، إذا دخل قبله أداة نصب راح يصير منصوب وعلامة صح، وإذا دخل قبله أداة جزم راح يصير مجزوم. طيب ما هي أدوات النصب؟ أدوات النصب صفحة 41 في الأعلى، من النواصب، إحنا راح نذكر لك أشهر أدوات النصب: أن، ركز أن بالسكون مش أن، أن هي وين أخذناها؟ في إن وأخواتها، أن وإن، أما هي أن بالسكون، هذه تدخل على الفعل المضارع بتحوله من مرفوع لمنصوب. أن، وهذه أم الباب، يعني هذا الأصل، كيف إن وأخواتها؟ هم بقولوا النواصب إن وأخواتها، هيك بيحكوا إن وأخواتها هي الأصل، أن ولن. لن التي تنفي المستقبل، قال: لَنْ تَرَانِي وَلَكِنِ انْظُرْ إِلَى الْجَبَلِ، قال لن تراني أي في الدنيا ولكن انظر إلى الجبل، لن تراني، لن أداة نصب، تمام، وتراني الفعل المضارع ماذا؟ منصوب. الآن كيف يعرب؟ خليها على جنب الآن.
طيب، نفس الشيء لن ينجح، لن يدرس، لن يمشي، لن يأكل وقص عليها كذلك. إذا، التي تكون جواباً، تكون جواباً وجزاء، مثلاً يقول لشخص: والله شيخي محمد بدرس، إذاً ينجح، إذاً ينجح. تمام، الشخص قال لك محمد والله مثلاً نائم، بقول: إذاً يرسبه، صح، إذاً نائب بدو يرسب، إذاً نائب بدو ينجح. طيب، إذاً هي حرف جواب وجزاء، شخص أمامك بيعطيك معطى معين، بناء عليه أنت بترد بنتيجة، تقول: محمد أنهى المشروع، إذاً يتفوق، يتفوق على غيره. فإذاً لا بد تأتي أول الجملة إذاً، ثم بعدها فعل مضارع منصوب، فعل مضارع منصوب وعارده متى بتكون جواب وجزاء عن جملة سمعتها ابتداء؟ واحد أعطاني معطى معين وأقول له: إذاً راح يصير كذا، إذاً راح يصير كذا، ونحن بنستعملها في حياتنا، بس أحياناً بتلاقي بعض الطلاب بخلوا الفعل المضارع بعدها مرفوع وهذا غلط، الفعل المضارع بعد إذاً منصوب، طبعا بالشروط التي تذكر.
كي، قال سبحانه: كَيْ لَا يَكُونَ دُولَةً، كي لا يكون، وال هي من اخوات كان، شو اللي نصب الفعل المضارع يكون؟ كي، وكي هنا تفيد التعليل، عادة تعطيك معنى تعليلي، تعطيك معنى تعليلي، قال تعالى: لِكَيْ لَا تَأْسَوْا عَلَى مَا فَاتَكُمْ، ل لكي لا، تأسوا على ما فاتكم.
طيب، لام التعليل، لام التعليل، أقول والله بسألك: لماذا تدرس؟ لتنجح، لتنجح أنا بقول لك أنت تدرس لتنجح صح، أنت تاكل لتشبع، أنت تشرب لترتوي، أنت والله تتعب لكذا، أنت تقاتل لتنصر الأمة، أنت تطلب العلم لكذا، فهنا اللام هذه دخلت على الفعل المضارع صحيح، فالفعل المضارع أصبح ماذا؟ منصوب وعلامة نصبه الفتحة. نفس الشيء حتى، نفس كذلك، حتى إذا شفت بعد فعل مضارع حتى، إذا شفت بعدها فعل مضارع في العادة بيكون ايش؟ منصوب، وَزُلْزِلُوا حَتَّى يَقُولَ الرَّسُولُ، يقول فعل مضارع منصوب ليه؟ لأنه في قبلها حتى، بس طبعا إخواني، بس للفائدة، أنا الآن بعطيك الموضوع ببساطة، إذا أنت دخلت النحو شوي راح تعرف مثلاً أن حتى تكون ناصبة في بعض الشروط، أي نفس الشيء كي حتى تكون ناصبة، إذا حتى تكون ناصبة، بس أنا مش في مستوى أني أدخل في شروطها، أنا في مستوى بس أعطيك إملاحة عند هذا العلم بتكفيك 20-30% إن شاء الله: أن، ولن، وإذا، وكي، ولام التعليل، اللام المتصلة بالفعل المضارع التي تفيد التعليل، ليش لازم تفيد التعليل؟ لأنه راح يجي معنا بعد شوي لام تتصل بالفعل المضارع وتسبب الجزم وهي لام الطلب، فهذا بيعتمد على حسب المعنى اللي فهمته من اللام.
طيب، إذاً: أن، ولن، وإذا، وكي، ولام التعليل، وحتى، هذه الأدوات هي الأدوات الأساسية، هي الأدوات الأساسية في نصب الفعل المضارع. في غيرها يا شيخ؟ في، بس مش موضوعنا، مش موضوعنا.
طيب، لن يرمي، لن حرف، الآن برضه فائدة: أدوات النصب اكتب كلها حروف ها، حروف الجر كلها حروف، أدوات النصب كلها حروف، إن وأخواتها كلها حروف؛ لأنه بعض الطلاب بيقول لي: أنت يا شيخ قلت الكلمه اسم وفعل وحرف، اعطينا مثال على الحروف، شو بدك أكثر؟ كل حروف الجر حروف، كل إن وأخواتها حروف، حروف، كل هذا أدوات النصب عبارة عن حروف، أدوات الجزم الأساسية عبارة عن حروف إن شاء الله، هل وهمزة الاستفهام اللي أخذناها عبارة عن حروف، فعندك أمثلة كثيرة على الحروف.
طيب، قال تعالى: كَيْ تَقَرَّ عَيْنُهَا، كي تقر، فرددناه إلى أمه كي تقر عينها، كي، والله بتقول يا شيخ: هذا حرف نصب، حرف، إذاً شيخ، حرف، حرف، حرف. معرب ولا مبني الحروف؟ الحروف من قسم المعربات ولا المبنيات؟ خلص مبني، على ايش؟ على حركة الحرف الاخير، شو الحرف؟ سكون، خلصت، كي حرف مبني على السكون انتهينا. تقر، هي أنت شايفها تقر؟ لا، شايف الفتحة، راح نعرف بعد شوي الفتحة هي علامة النصب الأساسية، فتقر فعل مضارع منصوب، شو اللي نصبه؟ أنا بعرف الفعل المضارع الأصل أنه مرفوع، هنا اللي نصب الفعل المضارع أنه جاء قبله أداة نصب وهي كي. تقر عينها، الآن فعل مضارع في الجملة الفعلية: فعل، فاعل، وين الفاعل؟ عينها، لأنه أنت دائماً بدك تفكر، هذا الفعل من فعله؟ الذي فعله هو الفاعل، فالقرار أين ما الذي فعل القرار أو اين نزل القرار؟ في العين، فالعين هي الفاعل، تقر العين.
أما أدوات الجزم التي تدخل على الفعل المضارع هي في العادة تنقسم قسمين: أدوات الجزم التي تجزم فعلا مضارعا واحدا، وهي اللي ذكرها لكم الشيخ، وفي أدوات جزم تجزم فعلين مضارعين وهي ايش بنسميها؟ أدوات الشرط. إذا سمعتم اسلوب الشرط: من جاءك أكرمه، طبعا أدوات الشرط مش دائما ياتي بعدها افعال مضارعه، بس للفائدة، لكن إذا جاء بعدها فعل مضارع فادوات الشرط لا تجزم مضارعا واحدا بل تجزم مضارع، خلينا أحذف، ايوه، خلينا أحذف هذه، مثلاً، الآن جوازم، اكتبها لأنه مش مكتوبة هذه الطريقة، جوازم الفعل المضارع. جوازم تجزم فعلاً واحداً، وهي اللي نحن رح نعتني فيها، وعندنا جوازم تجزم فعلين، وهذه بنحطها بين قوسين: أدوات الشرط. أنا بيهمني هون بس انك تفهم بس ها المعلومة أن أدوات الشرط بتجزم فعلين، هذا المستوى اللي بدي إياه منك الآن.
فمثلاً ايش بتقول؟ مثلاً زي ايش أدوات الشرط؟ مثلاً: إن تاتي ناتي، إن تدرس تنجح، هذا مثال سهل، إن أداة شرط وهي هنا حرف، إحنا قلنا الشرط أغلبه أسماء، أسماء الشرط مبنية، بس هنا في أداتين من أدوات الشرط هي مش أسماء هي حروف، وهون شوي الطلاب بينعجبوا، أنه مثلاً أدوات الاستفهام أغلبها أسماء صح، أين ومتى وكم، بس في شغلتين كانت حروف شو هي؟ هل والهمزة. نفس الشيء أدوات الشرط، أدوات الشرط هي أسماء وهي مبنية زي ما أخذناها قبل شوي، بس في كلمتين منهم مش أدوات، عفواً، مش أسماء، حروف وهي إن الشرطية وإذ، إن الشرطية وإذ ما الشرطية، إذن ما تاتي ناتي.
المهم، فمثلاً إذا قلت: إن تدرس تنجح، هنا إن هي لم تجزم فعل مضارع واحد، جزمت الفعلين: فعل الشرط وفعل بنسميه جواب الشرط؛ لأنه أسلوب الشرط يقوم على وجود ثلاثة عناصر: أداة شرط، وفعل الشرط، وجواب الشرط. فادوات الشرط هي تجزم الفعلين، تجزم فعل الشرط وجواب الشرط.
بس سؤال: هل دائماً أدوات الشرط ياتي بعدها فعل مضارع؟ لا، أحياناً ياتي بعد فعل ماضي، في آية في القرآن ربنا سبحانه وتعالى ماذا يقول؟ وَإِنْ عُدْتُمْ عُدْنَا. عُدْتُمْ ماضي ولا مضارع؟ ماضي. عُدْنَا ماضي. إذاً أدوات الشرط مش دائماً ياتي بعدها أفعال مضارعة، بس إذا اجا بعدها أفعال مضارعة فبيكون ماذا؟ أداة الجزم تجزم كلا الفعلين. ممتاز. أحياناً ممكن ياتي فعل الشرط مضارع وجواب الشرط ماضي ممكن، أحياناً بيجي العكس، بيجي فعل الشرط ماضي وجواب الشرط هو المضارع، فادوات الشرط عادي كوكتيل معها، يعني ممكن يجي بعديها ماضيين، وممكن يجي بعديها مضارعين، وممكن يجي الأول ماضي والثاني مضارع، وممكن يجي الأول مضارع والثاني ماضي، أنا ايش بيهمني تعرف؟ أنه إذا دخلت على مضارع ايش بتسوي فيه؟ بتجزمه، هذا شغلها.
طيب، خلينا على المجموعة الأولى وهي المهمة، في المجموعة الأولى ما هي أدوات الجزم التي تجزم فعلاً مضارعاً واحداً؟ لم النافي، أقول: لم يدرس محمد، لم يحضر بكر، لم ينم خالد. هنا دخلت على أفعال مضارعة: ينم، يدرس، ينجح. لم إذا دخلت على فعل مضارع تجزمه.
كذلك لما، لما، شو الفرق بينها وبين لم؟ لما برضه أداة نفي ترى، لكنها تنفي الشيء لكنها تعطيك إشارة إلى قرب حصوله، بَلْ لَمَّا يَذُوقُوا عَذَابِ، لما يذوقوا، لما يذوقوا شو معناها؟ أنه هم ما ذاقوا العذاب بس ايش؟ بس قربوا يذوقوه، فلما تفيد نفي الفعل المضارع لكنها تؤكد اقتراب حصوله، كما قال تعالى: وَلَمَّا يَأْتِ تَأْوِيلُهُ، يعني الواقع يعني هو لم يأتي لكنه بقي له شيء قليل ويأتي. قُتِلَ الْإِنْسَانُ مَا أَكْفَرَهُ، مِنْ أَيِّ شَيْءٍ خَلَقَهُ، مِنْ نُطْفَةٍ خَلَقَهُ فَقَدَّرَهُ، ثُمَّ السَّبِيلَ يَسَّرَهُ، ثُمَّ أَمَاتَهُ فَأَقْبَرَهُ، ثُمَّ إِذَا شَاءَ أَنْشَرُهُ، كَلَّا لَمَّا يَقْضِ مَا أَمَرَهُ، لما يقضي كأنه يقول: لم يقضي ما أمره يعني لسه ما خلص المشوار يا بني آدم، بس لما ها تدل على ايش؟ نفي، نفي الشيء لكن في نفس الوقت تعطيك فائدة اقتراب حصول. بخلاف لم، لم ينجح هي في الشيء، لكن هل تدل على اقتراب حصوله؟ لا، هذا الفرق المعنوي بين لم ولما.
كذلك لام الأمر، لام الأمر إذا دخلت على الفعل المضارع ماذا تفعل فيه؟ تجزمه، وهنا قلت لك بدك تفرق بين لام التعليل اللي أخذناها في النواصب ولام الأمر اللي بناخذها في الجوازم. أقول لك: لتدرس، أبوك بيدخل عليك بشوفك بتلعب في التليفون شو بقول لك؟ لتدرس، لتتعلم، لتفعل. الآن هذا لام هي تسمى لام الطلبة، حرف حرف مبني على الكسره، لتفعل، ل مبني على الكسر، لا محل له من الإعراب، والفعل المضارع مجزوم، شو اللي جزمه؟ الأصل الفعل المضارع مرفوع، ما الذي جزمه؟ دخول لام الطلب. وهذا إخواني لا أقول لك الإعراب بدك يساعدك فيه المعنى، يعني بعض الناس فكر الإعراب هي عملية رياضية سيراها أمامه في الجملة، لا، الذي يساعد على الإعراب تخيل المعنى، ايش اللي خلاني أقول: محمد يدرس لينجح لينجح، وبين لتنجح، يعني ايش اللي خلاني أقول محمد يدرس لينجح؟ شو اللي خلاني أقول أنه هي اللام لام التعليل، وبين أقول لك لتنجح أنه هي لام الطلب، مع أنه كل اثنين لام، صح الاثنين لام؟ ما الذي جعلك تقول تلك لام التعليل وهذه لام الطلب؟ السياق، الإيقاع، المعنى اللي أنت سامعه، محمد يدرس لينجح، كلمة لينجح هذا مش عم بطلب هذا عم علل، فبالتالي هي لام التعليل، ولام التعليل بعدها الفعل المضارع يكون منصوب، بينما واحد ابتدا معك لتنجح، هذا مش عمل هذا عم بيطلب، فهذه اللام صارت لام الطلب، طلب، والفعل المضارع بعدها سيكون ماذا؟ مجزوماً. إذاً إدراك المعنى مهم، ولا يمكن أن تحسن الإعراب إذا لم تتخيل معنى الجملة قبل أن تعربها، صعب، محتاج أنت تتخيل معنى الجملة أصلاً حتى تعرف الفاعل من عفواً الفعل من الفاعل من المفعول به والمبتدا والخبر.
فتخيل المعنى هو أساس مهم من أجل أن توفق إن شاء الله في الإعراب، وإن كان الإعراب أحيانا يساعد على توضيح المعنى، يعني هي عملية أنا بسميها رايح جاي، يعني إن إدراك المعنى يساعد على تصور الإعراب، وتصور الإعراب يساعد على إدراك المعنى. أنا شو اللي خلاني أقول: ضرب زيد بكرا؟ شو اللي خلاني أفهم أنه زيد هو اللي ضارب مش بكر؟ الإعراب، أنه زيد بكرا، لأنه لو قلت: ضرب زيدا بكر، مين اللي ضارب؟ بكر هنا. لاحظ الإعراب هو اللي وجهني لأفهم المعنى. وأحيانا لا العكس، أحيانا المعنى هو اللي بيخليك تعرف تعرب. فأنأ أعتقد انفصال بين أن تنظر إلى الإعراب كقواعد، وبين أن تفهم الجملة حتى تستطيع أن تتوصل إلى الإعراب أو الطريقة الصحيحة النظر فيها.
طيب، فالآن لم، ولما، ولامر، أخيرا لا الناهية هذه سهلة؛ لا تفعل، لا تمشي، لا تأكل، لا تشرب، لا تنم. هذه لا الناهية التي أنت بتخيل منها معنى النهي. مثلا حتى أعطيك كيف تخيل المعنى، قال سبحانه: وَإِذْ أَخَذْنَا مِيثَاقَ بَنِي إِسْرَائِيلَ لَا تَعْبُدُونَ إِلَّا اللَّهَ وَبِالْوَالِدَيْنِ إِحْسَانًا. هي لا مش ناهية هون، هي نافية، كيف عرفت أنها نافية؟ أنه الفعل المضارع بعدها مش مجزوم. طبعا أنت رح تيجي بعد قليل كيف عرفت أنه مش مجزوم؟ أنه فعل من الأفعال الخسة، والأفعال الخمسة لما تجزم تجزم بحذف النون، هنا النون موجودة. فعرفت تعبدون فعل مضارع مرفوع، إذا لا التي قبله ليست لا الناهية بل هي نافية، هي لا إيش؟ النافية. لكن لو كانت لا الناهية كان كيف ستكون؟ لا تعبدوا إلا الله، صح تعبدوا؟ سيحذف النون، لأنه حذف النون هي علامة الجزم في الأفعال الخمسة. فالمهم أنه أنت مهم أن تعرف الفرق بين أسلوب النفي وأسلوب النهي. أسلوب النفي أنا أنفي وقوع شيء، أسلوب النهي لا، أنا أطلب منك ألا توقع شيئا. هذا معنى وهذا معنى. فلا الناهية تدل على الجزم: لا تتكاسل. كما تقول: رَبَّنَا لَا تُزِغْ قُلُوبَنَا، كما عندكم في المثال: لا تزغ. لا ناهية، وهي تسمى أدبا هنا للدعاء لكن هي الآن ناهية. تزغ فعل مضارع مجزوم، لاحظ السكون الذي في آخره، ما الذي جزمه؟ أنه مسبوق بلا الناهية.
طبعا إخواني نحن لسة إلى الآن ما دخلنا في علامات الإعراب، أنا بس ما زلت أحلل لك الجملة الفعلية والجملة الاسمية. طيب، إذا كان الفعل المضارع مبني لاتصاله بنون النسوة، فعندئذ يكون مبني في محل، في محل رفع إذا كان فش قبله أداة نصب أو جزم، في محل نصب إذا كان مبني وقبله أداة نصب، في محل جزم إذا كان مبني وقبله أداة جزم. وهذا واضح.
تمام. الآن عندنا فعل الأمر، فعل الأمر مبني صح، وهذا النوع الثالث من الأفعال، الفعل الثالث والأخير الذي يمكن يأتي في الجملة الفعلية ما هو؟ فعل الأمر. نحن قلنا الجملة الفعلية تتشكل من فعل وفاعل ومفعول به. فعل الأمر، خلص الفعل الماضي عرفنا قصته بثلاث أحوال، فعل المضارع عرفنا قصته: مرفوع، منصوب، مجزوم. فعل الأمر، فعل الأمر مبني. طب ما علامة بنائه؟ الآن نحن من باب التسهيل بنقول ابتداء السكون، بس العبارة الأدق اللي رح تيجي معنا بعد شوي إن شاء الله، أن فعل الأمر يبنى على ما يجزم به الفعل المضارع.
الآن في هناك فكرة صغيرة بدي إياك تفهمها، أنه فعل الأمر عند الصرفيين والنحاة هو مشتق من الفعل المضارع، يعني ماخوذ منه. فعل الأمر هذا مولود ولد لأب، ما هو أبوه؟ الفعل المضارع، ممتاز. فيقولون: أي فعل أمر حتى تعرف ما علامة بناؤه انظر إلى أبيه، إلى الفعل المضارع، ما علامة جزم الفعل المضارع؟ هي ستكون علامة بناء فعل الأمر. الفرق أن المضارع مجزوم والامر مبني، فيقولون: ما هي علامة جزم الفعل المضارع؟ ستكون هذه العلامة هي نفسها علامة إيش؟ بناء فعل الأمر. طيب ما هي علامة جزم الفعل المضارع؟ هي لسة ما اخذناها، نحن ما طرقنا للعلامات صح؟ الفعل المضارع قد يجزم بالسكون، قد يجزم بحذف حرف العلة، قد يجزم إذا كان من الأفعال الخمسة بحذف النون. هذه مش رح ناخذها اليوم حتى ما تضيع المعلومات، خلوها إن شاء الله لدرس بعد العيد بإذن الله.
لكن أنا بدي إياك بس تحفظ هذه القاعدة: أن الفعل الأمر علامة بناؤه هي ما يجزم به أصله، بتشوف شو أصله بتعرف شو فرعه، وهي رح نطبقها إن شاء الله لاحقا. لكن الآن ضمن هذا المستوى لليوم بمشي تقول لي أن فعل الأمر مبني على السكون بس، لليوم ها! بعدين مش رح أمشي: فاضرب، كل، اشرب، نم، ادرس، صح؟ هي كلياتها مبنية على ماذا؟ على السكون. بس هل كل أفعال الأمر بهذه الطريقة؟ كلا، رح تيجي معك أفعال أمر بعضها يكون علامتها مبني على حذف حرف العلة، بعضها فعل الأمر مبني على حذف النون، وهكذا.
طيب، أما الفاعل، الفاعل مش رح يغلبنا. الفاعل بالنسبة للجملة الفعلية خلصنا الفعل، القسم الثاني من الجملة الفعلية الفاعل. الفاعل يعني أديب الرجال، ما في عنده مشاكل، هو بيقول لك: أنا مرفوع، ما عنده أي مشكلة، هو مرفوع. جاء زيد، فاعل مرفوع. وإذا كان من الأسماء المبنية، اسم مبني على كذا في محل رفع فاعل. يعني ما في أي مشكلة تحتاج إلى عمق الدراسة.
والفاعل لا ياتي إلا إيش؟ مفرد، يعني الفاعل ما بيجي شبه جملة وما بيجي جملة، الفاعل ما بيجي إلا مفرد. طبعا المفرد المقابل لشبه الجملة والجملة، يعني مفرد واحد أو مفرد اثنين أو مفرد جماعة، مثلا: جاء طالب، جاء الطالبان، جاء الطلاب. بس ممكن والله أتفاجأ يا شيخ هس نحن تفاجأنا في الجملة الاسمية أن الخبر كان بيجي مفرد وشبه جملة وجملة، طيب هل برضه هي نفس الشيء السالفة في الجملة الفعلية أن الفاعل بيجي مفرد وشبه جملة وجملة؟ لا، الفاعل ما بيجي إلا مفرد، الفاعل لا ياتي إلا إيش؟ مفرد. طيب ولذلك قال فاعل.
طيب ما حكم الفاعل؟ الفاعل مرفوع. طيب نائب الفاعل؟ إذا نحن حولنا الجملة الفعلية من مبني للمعلوم لمبني للمجهول، مش قلنا بنحذف الفاعل بنجيب المفعول به بنحطه مكانه، بصير المفعول به إيش اسمه؟ نائب فاعل. نائب الفاعل خلص بيأخذ الرتبة تبعت الفاعل، الفاعل مرفوع إذا نائب الفاعل بصير إيش؟ مرفوع. وهنا نائب الفاعل يمكن ياتي جملة لأنه المفعول به اللي هو أصله يمكن ياتي جملة، هي بس فائدة أن نائب الفاعل ممكن ياتي جملة أما الفاعل الطبيعي لا ياتي جملة.
طيب، المفعول به وهو القسم الثالث في الجملة الفعلية المفعول به. ما حكمه الإعرابي؟ النصب، حكمه الإعرابي النصب. أكلت الطعام، فالطعام مفعول به منصوب. وهنا التنبيه هو من باب التذكير، إذا جاء الفاعل أو نائب الفاعل أو المفعول به اسما مبنيا، فانه مبني في محل، إذا كان فاعل أو نائب فاعل في محل رفع، وإذا كان الاسم المبني مفعول به في محل نصب.
طيب، خلينا نعرب المثال الأخير: فَيُمْسِكُ الَّتِي قَضَى عَلَيْهَا الْمَوْتَ. فَيُمْسِكُ الَّتِي قَضَى عَلَيْهَا الْمَوْتَ. يمسك إيش نوعها من الأفعال يا شيخ؟ وين يا شيخ الإشارة؟ هون يا شيخ، أيوه أنت أنت، أيوه. مرفوع أكيد، أعطاك إياها ما هو مرفوع، طيب. يمسك أين الفاعل؟ لا إخوان، واحد يحكي واحد يحكي، ما حدا يتكلم إلا أوجه. طبعا يمسك هو، والضمير يعود لفظ الله، يمسك الله، يمسك. طب أين المفعول به؟ إذا ليش التي مفعول به؟ لأنه دائما حلل المعنى أنه الذي فعل الإمساك هو الله، أمسك الله النفس التي قضى، التي يعني النفس التي قضى عليه، إذا هذا الممسوك، إذا هو المفعول به. المفعول به، شوف المعنى هو اللي بيساعدك.
طب التي اسم معرب ولا مبني؟ نعم مبني. على إيش؟ على السكون. طيب، له محل من الإعراب ولا ما له محل؟ نعم، بكل ثقة شيخ ما شاء الله، اسم مبني ليس له محل من الإعراب؟ تروح على الدار اليوم؟ نحن قلنا أي اسم مبني لازم يكون له محل من الإعراب، نحن مش قلنا في أول الدرس الأسماء المبنية صح هي تركت أصلها وصارت مبنية بس بتقول لك أنا بحن، فلازم أعطيه محل من الإعراب، لازم ما بينفع تقول لي اسم مبني ليس له محل. طيب ما محله من الإعراب يا شيخ؟ خلص وقفت الشاشه سكرت. طيب، في محل نصب. نصب على إيش؟ منصوب لأنه إيش فاعل مفعول به؟ أحسنت، إذا هو مبني على السكون في محل نصب مفعول به.
طبعا الجملة التي بعد التي، قَضَى عَلَيْهَا الْمَوْتَ، هي إن شاء الله تدرسوها في المستقبل اسمها، أي اسم موصول لازم ياتي بعده جملة، أي اسم موصول التي والذي دائما بعده جملة اسمها صلة الموصول، هي بتعربها لحالك يعني، لو بدي أخذها لحالها، قضى عليها الموت، قضى شو إعراب أولا؟ قضى هي جملة لحالها، خذ لي إياها لحالها الآن، مش مشكلة أنا ما بدي كتربط كثير الآن الجمل، بس خذ لي جملة قضى عليها الموت وحدها. قضى أنا هي جملة فعلية، صح أول شيء، حدد الفعل: ماضي ولا مضارع ولا أمر؟ ماضي مبني على إيش؟ مبني على الفتح، وين الفتح؟ مقدر، ليه؟ لأنه الألف ما بتنفتح، مقدر ألف. إذا في فتحة مقدرة، ممتاز. أين الفاعل؟ ضمير مستتر يعود على أيضا الله سبحانه: قضى الله عليها الموت. طيب وين المفعول به يا شيخ؟ عليها المفعول به. لا، أنت هيك رحت كثير شيخ هاء ضمير، ما هي قبليها على، على بتجر الشيخ جبد، تمام على على، وبالتالي على حرف جر وبعديها هاء ضمير، إذا هون بنحكي بس نحي عن حرف جر واسم مجرور، لا تزبط يكون مفعول به، المفعول به مش حرف جر واسم مجرور. الموت أحسنت، إذا أنت ركز أنت ما تطلع على ترتيب الكلمات، بس أنت لازم تفكر في المعنى، ما الشيء الذي قضاه الله على هذه النفس؟ قضى الله الموت. هس ليش قدم عليها؟ هي بتجي لجوانب بلاغية، بس على هذا حرف جر والهاء هذا ضمير مجرور، طبعا ضمير مبني ها الضمائر مبنية في محل جر، صح لأنه الضمير مبني والمبني بقول لك أنا لازم يكون لي محي، اسم مبني له محل من الإعراب، الضمائر اسم وهي مبنية وما دامت مبنية إلى محل من الإعراب. طيب شو محلها من الإعراب؟ ما هي هون مجرورة بحرف الجر إذا بدها تكون في محل جر. خلصنا، والموت هي المفعول به والمفعول به منصوب.
كثير من الأئمة ممكن يقرا لك بفصلة: قضى عليها الموت، قضا، لأنه الموت هو مفكر أن الموت هو اللي قضى عليها. تمام، لا، تمام لا قضى الله الموت، يعني قدر الله الموتى، فالموت مفعول به مش الفاعل اللي قضى. تمام، لأنه أحيانا واحد بيقول لك: والله قضى الموت عليه! آه، ولا بقول لك: قضى الموت عليه الموت فاعل، بس هون لا قضى بمعنى قدر، صح. فمن الذي يقدر؟ مش الموت اللي بيقدر، الله سبحانه هو الذي يقدر، يعني قدر الله الموتى، قدر الله الموتى، فالموتى مفعول به. هيك بنكون أنهينا الجملة الفعلية، نقف اليوم عند هذا المقدار إن شاء الله، يعني بعد العيد إن كان لنا في العمر بقية نكمل إن شاء الله، أما يعني في درس أو درسين نختم إن شاء الله المنهج.
نعم ما فهمت، أشرحها له إيه. كما تقدم فإن جميع الحروف مبنية، ويكون بناؤها على إيوة هي صحيح، صحيح إعراب الحروف. بس إعراب الحروف إيش فيه؟ يعني أنا حكيته أثناء الدرس، بس هو فقط من باب التنبيه، أن المبحث الثالث إعراب الحروف، وقلنا الحروف من جملة المعربات ولا المبنيات؟ المبنيات. على ماذا يبنى؟ على الحركة اللي بتشوفها في الأخير.
طيب اعطينا دائما أحفظ أمثلة لأن الأمثلة بتساعدك، ماذا نقصد بالحروف هنا؟ حروف الجر، إن وأخواتها إيش حكينا قبل شوي؟ حروف الجزم، همزة الاستفهام وهل، أدوات النصب، هذه كلها مجموعات الحروف، تمام إن وإذ ما في أدوات الشرط. لازم تعرف أنت أمثلة على الحروف حتى تطبق عليها، فمثلا هنا: لم أداة جزم، حرف مبني على السكون. إن حرف توكيد ونصب من ينصب؟ ينصب المبتدا، مبنية على الفتح. اللام، اللام هنا يقصد لام الطلب لتضرب، لتأكل، حرف جر مبني على الكسر. الواو مثلا، حروف العطف، هذه أخذناها إن شاء الله في التوابع، حروف العطف حروف العطف اسمها حروف العطف زي الواو واو وأم، تمام ولا العاطفة ولكن العاطف، هذه كلها حروف العطف أيضا مبنية على ما يظهر على آخرها، لما أقول: جاء زيد وعمر، جاء زيد وعمر شو وعمر؟ حرف عطف مبني على إيش؟ على الفتح، نقول: و أجدك سامعني، مفتح.
إذا الحروف دائما تبنى على ما يظهر عليها من الحركات. يبقى كما قلت القسم الرابع إن شاء الله وهي ما يلحق بالجمل من الزوائد، يعني ما زوائد تلحق على الجملة الاسمية وزوائد تلحق على الجملة الفعلية. لكن رجاء حار من هنا إلى ما بعد العيد أن الراجع يا إخواني، لأنه هي هكذا أنا هون بدرس بس في النهاية إذا أنت ما تعبت ما راح تزبط، بس حاول تحفظ الجملة الاسمية أركانها، الجملة الفعلية أركانها، كيف يتم تحليل الجملة الاسمية، كيف يتم تحليل الجملة الفعلية، حتى إذا تكلمنا عن اللواحق بعد العيد تاتي على أصل قوي، أما إذا نحن لسة بنحكي عن المبتدا مرفوع والخبر مرفوع معناه إحنا ضعنا وأضيعنا الوقت، لكن نرجو من الله الثواب، وصلى الله على سيدنا محمد.
وعلى آله وصحبه وسلم. غراس العلم طريقك نحو علم شرعي راسخ يا.