علم الفقه | المجلس الثامن | برنامج إرواء

المصطفى صلاة تترى، وعلى آله وصحبه ومن لنهجه اختفى. اللهم علمنا ما ينفعنا، وانفعنا بما علمتنا، وارزقنا علما نافعا يا أرحم الراحمين. حياكم الله أيها الأكارم في مجلس يتجدد بنا في إرواء، حيث نرتوي من الشريعة الغراء. والحمد لله أن اجتزنا جل المواد المقررة في هذا البرنامج، وما بقي علينا إلا اليسير، نسأل الله سبحانه وتعالى حسن الختام. أي انتهى بنا الحديث أيها الكرام في مادة مصطلح الحديث، هي المادة التي ابتدأنا بها حديثا مادة مصطلح الحديث، وقلنا أهمية هذه المادة، أهمية هذه المادة أي بالنسبة للحديث النبوي كأهمية مادة علوم القرآن بالنسبة إلى القرآن. هذه المادة تعطيك المصطلحات الأساسية التي تستعمل عادة عند علماء النقد، وعلماء الجرح والتعديل، وعلماء الحديث.

نعم، بدأنا مصطلح حديث في مجال فقه الشيخ هذا صعب، طيب خلص، إذا نبتدئ من الفقه، ما دام الإخوة نزلوا للأخوة عبر الأونلاين مادة الفقه، إذا نبتدئ مادة الفقه. بتمونا يا شيخ منذر؟ طيب، بسم الله، الحمد لله، والصلاة والسلام على رسول الله. أي وصلنا في مادة الفقه إلى في كتاب الصلاة، انهينا صلاة الاستسقاء، وصلنا إلى آخر باب من أبواب كتاب الصلاة، وهو تعليق على صلاة الجنازة. اليس كذلك؟ طيب، بسم الله والحمد لله، بالنسبة لصلاة الجنازة أيها الكرام، بالنسبة لصلاة الجنازة ما حكمها؟ ما حكمها في الإسلام؟ هل هي فرض عين ولا سنة ولا فرض كفاية؟ نقول هي فرض كفاية. ما معنى أن صلاة الجنازة فرض كفاية؟ يعني إذا قام بها من يكفي، إذا قام بها من يكفي سقط الإثم عن أهل البلد أو أهل المنطقة الذين يعرفون بموت فلان.

وإذا لم يقم أحد بالصلاة على الميت، فكل من عرف بموته ولم يشارك في الصلاة عليه سيكون آثما، فهمتم الآن؟ فإذا صلاة الجنازة فرض كفاية، إذا قام بها من يكفي. طيب الكفاية تقوم بكم شخص؟ قالوا بشخص واحد. الكفاية تقوم بكم؟ قال بشخص واحد. إذا صلى مكلف واحد على الجنازة، ذكرا كان أو أنثى، سقط الإثم عن أهل البلدة، أما إذا لم يصلي عليه أحد أثم الجميع. طيب كتاب، واما أن تقام صلاة جماعة لها اقامتها على صورة صلاة جماعة فهذه سنة وليست واجبة، يعني الفرض الكفاية أن يصلي شخص مكلف عليه، إذا صلى طب اثنين، ثلاثة، أربعة، خمسة على صورة صلاة جماعة، هذه سنة، هذه سنة ولكنها ليست واجب الجماعة بالنسبة إلى صلاة الجنازة.

طيب أين يقف الإمام من الجنازة؟ إذا كان الميت رجلا، فإن الإمام يقف عند صدر الرجل، يعني يطلب من أهل الميت لما يضعوا الجنازة أمامه أن يكون الإمام عند صدره. وأما بالنسبة إذا كانت الميت أنثى، فإن الإمام يقف عند وسطها، إذا إذا كان رجل يقف عند صدره، وإذا كانت أنثى يقف الإمام عند وسطها. قال: ولو اجتمعت جنازتان فتقدم المرأة حتى يسير وسطها عند صدر الرجل، ويقف الإمام عندهما، يعني لو أننا في مسجد، بتعرف مسجد الجامعة الأردنية وهذه المساجد اللي بيكون فيها جنازات كثيرة، في هذه الحالة قد تجتمع جنازة رجل مع جنازة امرأة، طب ماذا يفعل الإمام في هذه الحالة؟ قالوا الآن عند الإمام أولا توضع جنازة الرجل، بعدها توضع جنازة المرأة، هكذا أولا، السنة في الترتيب ما يكون قريب من الامام الرجل، ثم بعد ذلك المرأة. قالوا يقدم وسط المرأة حتى يصبح عند صدر الرجل، يعني الآن هي الرجل هي صدره، هنا ناتي بالمراه نرفعها شوي لفوق حتى يصبح وسطها محاذي لصدر الرجل، حتى يصبح وسطها محاذيا لصدر الرجل، فبالتالي إذا وقف الإمام يكون واقفا عند صدر الرجل وعند وسط المرأة، وهذه قضية واضحه.

طيب صفة صلاة الجنازة، صلاة الجنازة كما لا يخفى على شريف علمكم هي أربع تكبيرات، يقرا بعد التكبيرة الأولى بفاتحه الكتاب بعد التعوذ والبسمله، صلاة الجنازة لا يشرع فيها دعاء الاستفتاح، ما بتقول سبحانك اللهم وبحمدك وتبارك اسمك، لا، صلاة الجنازة مباشرة تدخل في الاستعاذة والبسمله وتقرا سورة الفاتحة. ثم بعد التكبيره الثانية يصلي على النبي صلى الله عليه وسلم الصلاه المشهوره، اللهم صل على محمد وعلى آل محمد كما صليت على آل إبراهيم، وبارك على محمد وعلى آل محمد إلى آخرها. ثم بعد التكبيرات الثالثة يدعو للميت وللأمة أيضا ولعموم المسلمين، لا إشكال، تدعو للميت وللأمة ولعموم المسلمين، والأولى أن يدعوها بالأحاديث التي وردت عن النبي صلى الله عليه وسلم، اللهم اغفر له وارحمه وعافه واعف عنه وأكرم نزله ووسع مدخله إلى آخر ما ورد في ذلك. طيب وبعد التكبيره الرابعة يسكت قليلا ويسلم، ويجوز أن يدعو، يعني هنا اختلفت المذاهب الفقهية، البعض قال بعد تكبيرة الرابعة يسلم وبعضهم قال لا يدعو، وحقيقه كله جائز أن شاء الله، يعني لو بعد التكبيره الرابعة سلمت مباشره يصلح، لو انك بعد التكبيره الرابعة دعوت يصلح، تمام فلا يشترط الدعاء بعد التكبيره الرابعة، لكن ان حصل فهو خير. إذا ثم يسكت قليلا بعد الرابعة ويجوز له أن يدعو بعدها، ثم بعد ذلك يسلم واحدة عن يمينه، السلام عليكم ورحمة الله، وتباح تسليمتين، يعني تسليمة واحدة تكفي، لكن نحن عادة في بلادنا يسلمون تسليمتين، عن اليمين وعن الشمال، تسلم مع الإمام، إذا الإمام سلم تسليمتين تسلم تسليمتين، إذا سلم تسليمة واحدة، فالتسليمة الواحدة تكفي بإذن الله. ومع كل تكبيره من التكبيرات يسن رفع اليدين مع كل تكبيره، إذا هذا موضوع صلاة الجنازة باختصار.

وهكذا بهذا نكون انهينا الحديث عن بشكل أساس يعني أساسيات كتاب الصلاة، انهينا أساسيات كتاب الطهارة، أساسيات كتاب الصلاة، أساسيات كتاب الصيام أخذناها قبيل رمضان بحمد الله، بقي علينا أساسيات كتاب الزكاة وأساسيات كتاب الحج. نبدا الان إن شاء الله بكتاب الزكاة أو بباب الزكاة. اقرأ الشيخ عمر: بسم الله والحمد لله والصلاة والسلام على رسول الله. تعريف الزكاة، الزكاة في اللغة مأخوذة من الزكاء، وهو النماء والزيادة، وفي الشرع هي حق واجب في مال مخصوص لطائفة مخصوصة في وقت مخصوص.

جميل، إذا هسه كلمة الزكاة في اللغة هي بمعنى مع النماء، مش بقول تزكيه القلب، تمام، أو زكى هذا الشيء بمعنى ايش؟ نمى. كلمة الزكاة أصلا في اللغة معناها النمو. أما الزكاة بالمفهوم الشرعي أيها الكرام، فهي حق واجب، حق واجب لله سبحانه وتعالى في أموال مخصوصة، كما قلنا في مال مخصوص، في أموال مخصوصة، لأن الزكاة لا تجب في كل الأموال، هي في أموال مخصوصة تاتي معنا إن شاء الله، لطائفة مخصوصة، أنت لمن تدفع الزكاة؟ لمن عددهم الله سبحانه وتعالى في سورة التوبه، إِنَّمَا الصَّدَقَاتُ لِلْفُقَرَاءِ وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ إلى آخر الآية سناتي عليهم إن شاء الله، إذا لطائفة مخصوصة تصرف. قال: في وقت مخصوص، أي أن لها أوقات مخصوصة، بعض الأموال الزكوية تحتاج أن يمر عليها حول صحيح، وبعض الأموال الزكوية لا، وقتها عند إخراجها مثل الزروع والثمار، بمجرد أن يتم الحصاد وإصلاح الأمور يجب عليك ماذا؟ أن تزكي، إذا في وقت مخصوص.

الان ندخل في بعض التفاصيل الواردة في هذا التعريف. قال: واجب، نعم، يدل على أن حكمها الوجوب، لذلك هي الركن الثالث من أركان الإسلام، الركن الثالث من أركان الإسلام الزكاة، شهادة أن لا إله إلا الله وأن محمدا رسول الله، وإقام الصلاة، وإيتاء الزكاة. ولذلك أبو بكر الصديق رضي الله عنه في خلافته لما بعض العرب امتنعوا من أداء الزكاة قاتلهم على ذلك، لما بعض العرب امتنعت من أداء الزكاة قاتلهم على ذلك قتالا شديدا حتى قال: لو منعوني عقالا وفي رواية عناقا كانوا يؤدونها إلى رسول الله صلى الله عليه وسلم لقاتلتهم على منعها. فهي من اصول الاسلام، لأن الإسلام يعتبر الزكاة عنصر من عناصر الاستقرار المجتمعي، نحن ما عندنا طبقية، طبقة أغنياء تزيد ثراء وطبقة فقراء تزيد فقرا، لا، عندنا تكافل، فلذلك لذلك لا يمكن أن تستقر المجتمعات دون وجود أغنياء يساعدون الفقراء ويشيلوهم من حالة الفقر ويسدونهم ويعطونهم الكفاف، فالزكاة أحد عناصر الاستقرار المجتمعي في المنظور الإسلامي، لذلك شدد عليها الإسلام تجديدا كبيرا كما أنه شدد على الصلاة، دائما أقيموا الصلاة آتوا الزكاة أقيموا الصلاة آتوا الزكاة. الصلاة هي علاقتك مع الله، الزكاة هي علاقتك مع المجتمع، بدك كما بدك تنسق علاقتك مع الله تنسق علاقتك مع المجتمع، وعلاقتك مع المجتمع هي جزء من علاقتك مع الله، يعني هي ليست نقول يعني الصلاة علاقتك مع الله، علاقتك مع المجتمع كأنها منفصلة، لا، علاقتك مع المجتمع هي أيضا من حق الله سبحانه وتعالى، لذلك في الشريعة الإسلامية لما يقولون هذا الشيء حق الله، يقصدون بحق الله حق المجتمع، كثيرا ما يعبر عن حق المجتمع بأنه حق الله، لذلك مثلا لما ياتوا لباب الحدود، حد الزنا وحد السرقة وما شابه ذلك من الحدود يقولون هذه حق لله، شو يعني حق لله؟ قالوا هي حق للمجتمع، فالله سبحانه وتعالى يعبر عن حق المجتمع بأنه حقه ليعظم حق المجتمع وحق إصلاح الناس وأن يكون الناس متكاتفون فيما بينهم.

طيب، إذا هي حق واجب لله سبحانه وتعالى كما قلنا أولا في مال مخصوص. طيب، ما هي الأموال المخصوصة؟ اقر لنا ما هي الأموال الزكوية اللي لازم تعرف أنت كمسلم، هذه ما لها علاقة بطلاب العلم، هي كل مسلم بده يعرف، لا يسع المسلم أن يجهلها، ما هي الأموال الزكوية التي تجب فيها الزكاة؟ أولا قال: بهيمة الأنعام، أولا بهيمة الأنعام، الإبل والبقر والغنم، طبعا بشروطها، أن تكون الإنسان اتخذها للدر والنسل. إذا عندك إبل أو بقر أو غنم ضمن أنصبة محدودة ستاتي معنا إن شاء الله بعد قليل وبشروط معينة، عليك الزكاة بمقادير معينة. إذا أول مال زكوي هو الإبل والبقر والغنم. الحيوانات الثانية، والله أنا عندي خيل يا شيخ، ما في فيها زكاة، واحد عنده حمير، ما عليها زكاة، عنده دجاج وبط ووز، لا، هذه ما في، بهيمة الأنعام إبل، بقر، غنم.

ثانيا النقود، النقود هذا هو النوع الثاني من الأموال الزكوية، إذا عندك ذهب أو فضة أو الأوراق النقدية التي هي الآن تعامل معاملة الذهب والفضة، هذه أيضا فيها زكاة.

ث ثالثا عروض التجارة، عروض التجارة أي سلعة أنت اشتريتها ابتداء بنية الاتجار فيها تسمى ايش؟ عروض تجارة، وسياتي معنا تعريف سريع لها باختصار. إذا ما هي عروض التجارة؟ أي سلعة أنت اشتريتها ابتداء بنية التجارة بها، أما إذا الشيء أنت اشتريته ابتداء بدك تقتنيه بعدين طرأت نية التجارة هي لا تعتبر عروض تجارة. يعني أنا عندي سيارة شخصية ممتاز اشتريتها لي، بعد سنتين ثلاث طرت لي فكرة أني ايش أبيعها فعرضتها على السوق المفتوح، هل بتصير عروض تجارة لأني صرت بدي أبيعها؟ لا، عروض التجارة السلعة اللي أنت بتشتريها ابتداء بقصد التجارة، أنا عندي شقتي اشتريتها بدي أعيش فيها سنة سنتين، بعدين ما عجبني موقعها عرضتها للبيع وبدي أروح أنتقل، هل تصبح عروض تجارة بمجرد عرض للبيع؟ لا، عروض التجارة شو الشرط الأساس إخواني؟ اشتريتها ابتداء للاتجار بها، نية التجارة حاضرة ابتداء، سواء كانت عقار، سواء كانت سيارات، سواء كانت أثاث أو أي شيء من هذه. إذا هذه عروض التجارة.

رابعا ما يخرج من الارض، رابعا ما يخرج من الأرض، النوع الرابع من الأموال الزكوية ما يخرج من الأرض، وهذا يدخل فيه الزروع والثمار لكن بأنواع معينة منها إن شاء الله ناتي إليها، المعادن التي أيضا يتم استخلاصها من الأرض كمعدن الحديد والنحاس والرصاص وما شابه ذلك، والركاز. والركاز هو ما وجد من دفن الجاهلية اللي هي الأموال اللي نحن بنستخرجها من الأرض ويكون عليها علامة ما قبل الاسلام، كان تكون أموال الدولة البيزنطية السابقة، بتعرف الذهب الدفين في الأردن، وفي ناس ما شاء الله متخصصة فيه، بتحفر بتلاقي لك جرة، جرة بتلاقي عليها شويه ذهبات، شويه كذا، موجود عليها علامة الدولة البيزنطية أو ما قبل ذلك. فالركاز حتى يكون ركاز ويجب أن تخرج منه الزكاة لابد وأن يكون عليه علامة ايش أو قرينه تدل على أنه إلى ما قبل الإسلام، أما إذا كان الركاز ما عليه علامة ما قبل الإسلام، بل مثلا موجود عليه علامة الدولة العثمانية، الذهب العثماني هذا اللي يسمى اليوم، لا، هذا لا يعتبر ركاز وله تعامل خاص معه في الفقه الإسلامي. طيب، إذا هيك بنكون عرفنا الأموال الزكوية، شو الأموال الزكوية؟ مين يعيد لي اياها سريعا؟ تفضل يا شباب أنت، أنت اللي بتلف.

آه إيوه.

إيوه بهيمة الأنعام، شو الشيخ هسه حكينا يا جماعه، اخترتوا بهيمة الأنعام والنقود وعروض التجارة وما خرج من الأرض، واللي ما خرج من الأرض زروع، ثمار، معدن، ركاز، يعني هي معلومات أساسية بدها تكون حاضرة في حياة المسلم.

الطائفة المخصوصة اقرأ قال هي المصارف التي تصرف لهم الزكاة، فالزكاة تؤخذ من طائفة مخصوصة ممن تجب عليهم لتدفع إلى طائفة مخصوصة ممن يستحقها، كما في الحديث: واعلمهم أن الله افترض عليهم صدقة تؤخذ من أغنيائهم فترد على فقرائهم.

طيب، ومن هي الطائفة؟ ناتي إليها إن شاء الله في ربما في ختام الكتاب. الوقت المخصوص هو الوقت كما قلنا المحدد شرعا لإخراج الزكاة.

طيب، ناتي الآن إلى المطلب الثاني شروط وجوب الزكاة عموما، حتى أنا كانسان مسلم تجب علي الزكاة بغض النظر شو المال الزكوي، بغض النظر الآن ايش هو المال الزكوي، هو بهيمة أنعام، هو ذهب، فضة، بغض النظر ما هو المال الزكوي، ما هي شروط وجوب الزكاة علي كمسلم؟ أول شرط: أن تكون مسلما، صح، بالتالي نحن الكفار في الدنيا في

الدنيا ما بخرج زكاه، لو عندك في المجتمع المسلم عندك يهودي أو نصراني عايش، أنا كنظام إسلامي ما لي علاقة فيه في الدنيا، بس يوم القيامة رح يتحاسب عليها. يوم القيامة: مَا سَلَكَكُمْ فِي سَقَرَ، قَالُوا لَمْ نَكُكُ مَنَ الْمُصَلِّينَ، وَلَمْ نَكُ نُطْعِمُ الْمِسْكِينَ، وَكُنَّا نَخُوضُ مَعَ الْخَائِضِينَ. فيوم القيامة الكفار يحاسبون على ترك الإيمان وعلى ترك الصلاة والزكاة وكل شيء. بس أنا في الدولة المسلمة في الحياة الدنيا أنا ما لي علاقة في اليهودي والنصراني اللي عايش عندي أنه يدفع زكاة ولا لا، هو بيدفع لي الجزية وأنا خلصت. فأول شرط حتى تجب عليك الزكاة في الدنيا ما هو الإسلام؟

طيب، الآن هل يجب أن يكون الإنسان بالغاً عاقلاً حتى تجب الزكاة في ماله يا إخواني؟ لا. لذلك قلنا الصبي كما تلاحظون والمجنون إذا عندهم أموال من الأموال الزكوية برضه تجب الزكاة في هذه الأموال، فليس من شرط وجوب الزكاة في مالك أن تكون بالغاً أو عاقلاً، حتى لو كنت حضرتك مجنون تفهم أو كنت أنت صغير لسه لم تبلغ وعندك ربنا رازقك مال أجاك بطريقة من الطرق، في زكاة في مالك، بس اكيد الصبي مش هو اللي رح يخرج، وليه هو اللي رح يطلع، والمجنون كذلك ليس هو الذي سيخرج، من الذي سيخرج؟ وليه المسؤول عنه. فليس هذا فرق جوهري بين الصلاة والزكاة، الصلاة حتى تجب على الإنسان لازم يكون بالغ عاقل، أما الزكاة لا، لأنه الزكاة متعلقة بالمال مش بالبدن. الصلاة عمل بدني فلذلك لازم تكون بالغ عاقل حتى تجب عليك إيه الصلاة، لكن الزكاة متعلقة بأيه؟ بالمال. فبالتالي لا لا يشترط أن تكون بالغاً أو عاقلاً حتى تجب الزكاة في مالك، بل تجب الزكاة في مالك ولو كنت غير بالغ أو غير عاقل.

إذا أول شرط من شروط وجوب الزكاة: الإسلام.

اثنان: ملك النصاب.

ملْك النصاب، الآن الأموال الزكوية عموماً الأموال الزكوية كل مال له نصاب معين، ما هو النصاب؟ النصاب كما عرفناه عندكم هو حد معين من ملكه أو وصل ماله إليه وجبت عليه الزكاه، ومن لم يملكه لم يصل ماله إلى هذا الحد لا زكاة عليه. وهذا يختلف بحسب طبيعة المال، يعني هل أي واحد معه كم غنمة عليه زكاة؟ لا، لازم يوصل الغنم لعدد معين، هذا العدد المعين حددته الشريعة سابقا اسمه ايش؟ نصاب، اللي ما بيملك هذا العدد المعين من الغنم بيملك اقل منه ما عليه زكاة، ومن ملكه فصاعدا بقول هذا ملك النصاب الثاني، بتصير عليه زكاة مع الشروط الأخرى. شخص معه أموال أنا كل معي خمس دنانير يا شيخ علي زكاة؟ لا، بقول لك في هناك حد معين للذهب أو الفضة أو الأوراق النقدية إذا وصلت إلى هذا الحد فصاعدا عليك زكاة، ما وصلت إلى هذا الحد ما عليك زكاة، ونفس الشيء عروض التجارة، ونفس الشيء المعادن والزروع والثمار.

فإذا الشرط الثاني حتى تجب عليك يا أيها المسلم الزكاة أن تملك نصاباً من الأموال الزكوية من أي مال من الأموال الزكوية؟ لازم يكون النصاب هذا يستلزم أني أعرف شو هو النصاب صح؟ يعني لازم أعرف شو نصاب بهيمة الأنعام، شو نصاب الأوراق النقود، شو نصاب عروض التجارة، شو نصاب ما خرج من الأرض حتى أبني على ذلك.

طيب، اقرؤوا: يراعى في بلوغ المال النصاب. نعم. ما يتعلق بالديون، فلو كان لشخص مال يبلغ النصاب وذمته مشغولة بدين ولو مؤجل ينقص هذا المال عن النصاب فلا تجب عليه، ينقص هذا المال النصاب فلا تجب عليه الزكاة لأنه غير مالك للنصاب حقيقة، ومن كان له دين عند غيره فهو جزء من ماله ويزكيه إذا قبضه.

ممتاز، الآن في قضية النصاب في شغلتين لازم يعرفهم كل مسلم، شغلتين تتعلق بموضوع النصاب، القضية الأولى بتقلل من امتلاكك للمال، القضية الثانية عكسها بتزيد من امتلاك للمال.

طيب، نيجي للقضية الأولى: القضية الأولى من كان يملك سيولة مالية أو يمتلك عموماً مال من الأموال الزكوية ولكن في نفس الوقت عليه ديون تجاه الناس تنقص من ماذا؟ من أمواله الزكوية. يعني أنا الآن خليني أطبق لك اياها على موضوع النقود لأنه هو أسهل شيء وهو العال اللي بيسال عنه الناس، أنا الآن معي خمس آلاف دينار أردني سيولة معي الآن، لكن الناس تطالبني بأربعة آلاف دينار دين، هل الآن تعتبر أنت مالك النصاب؟ لو فرضنا فرضنا الآن أنه النصاب يبدأ من ثلاثة آلاف، لو فرضنا أن النصاب الآن ثلاثة آلاف وأنا معي خمسة آلاف كسيولة، إذا أنا كرقم كرقم معي فوق النصاب، بس بقول لك عام أنت كم عليك ديون تجاه الناس؟ والله يا شيخ أنا علي ثلاثة آلاف مثلاً الناس بدها مني ثلاثة آلاف، مباشرة بنقص من الخمسة ثلاث ومنقول لك ايش أنت معك فعليا كم؟ ألفين فقط.

طيب يا شيخ أنا معي خمسة، أنا عارف إنه أنت معك خمسة، بس في ناس بدها منك فلوس هذه حقها لازم ترجع لها للناس، فالديون اللي عليك سنخصمها من مبلغ الزكاة أو عفوا من المبلغ اللي معك، فبالتالي بنشوف الصافي، الصافي كم طلع معك؟ ألفين، هذول الألفين هل هم نصاب ولا لا؟ بنصير نحكي فيهم. إذا أي شخص معه مبلغ مالي مباشرة بنخصم منه ايش؟ الديون اللي عليه وبنشوف الصافي بعد الخصم، إذا كان الصافي يا عمي بيجيب نصاب بزكي هذا الصافي، إذا كان هذا الصافي ما بيجيب نصاب طلع أقل من النصاب بنقول لهذا الشخص ما عليك زكاة، هذه مهمة.

تمام، الآن العكس: لو الشخص قال لك أنا يا شيخ معي ألفين دينار صراحه ها نحن اتفقنا فرضيا إنه النصاب كم؟ ثلاثة. لو الشخص قال أنا معي الآن يا شيخ بايدي كم؟ ألفين، بس أنا بدي من الشيخ كمان ألفين، أنا بدي منه مش هو بده، أنا بدي منه كمان ألفين. آه، بنقول له إذا فعليا أنت كم لك مال؟ أنت أربعة آلاف، ألفين في إيدك وألفين موجودة عند الناس بدك ياهم من الناس، فانت معك أربعة آلاف، أربعة آلاف آه والله فوق النصاب، النصاب ثلاث، بالتالي عليك الزكاة. بس كيف بتزكي هون؟ المال اللي في إيدك الآن بتزكيه مباشرة، والمال اللي بدك اياه من الناس بس تستلمه بتزكيه، إذا ما استلمته ما منطالبك بانك ايش؟ تزكيه، بس تستلمه تقوم بماذا؟ بتزكيته.

إذا هذه قضيتين لازم نعرفها مؤثرة جداً، نعيدها سريعا بالنسبة للحاله الأولى: إذا معي مال يبلغ النصاب فصاعدا لكن علي ديون، علي ديون شو بنعمل؟ نخصم الديون من المبلغ الموجود، بنشوف الصافي، إذا الصافي يبلغ النصاب بزكيه هو بس، إذا الصافي ما بيبلغ النصاب خلاص ما عليه زكاة، وبنقول لك الله يرضى عليك روح سد حقوق الناس نحن عفيناك من الزكاة مقابل شو تعمل؟ تروح تسد حقوق الناس.

الحالة الثانية لا بالعكس: أنا معي مال مثلاً كسيولة كسيولة تحت النصاب، بس أنا بدي من الناس أموال وفي السوق حقوق عند الناس، آه هي بنجمعها مع المال اللي عندك، بنشوف كم المحصله النهائية، والله المحصله النهائية نصاب فصاعدا بقول والله عم عليك زكاة، بس ايش بتزكي ابتداءً؟ المال الموجود معك، والمال اللي بدك اياه من الآخرين لما تستلمه بتزكيه. واضحة؟

ثالثاً: إذا أول شرط حتى تجب عليك الزكاة: الإسلام.

اثنين: ملك النصاب.

ثلاثة: نعم مضي الحول، بأن يملك النصاب عاماً قمرياً كاملاً من غير أن ينقص، فاذا نقص المال عن حد النصاب قبل اكتمال الحول فانه ينقطع ويستانف حولاً جديداً عند اكتمال النصاب مرة أخرى. الشرط الثالث هذا يا إخواني متعلق ببهيمة الأنعام والنقود وعروض التجارة فقط، ما له علاقة بما يخرج من الأرض. الشرط الثالث وهو مرور الحول السنة القمرية الكاملة، نقول هذا الشرط ليس لكل الأموال الزكوية، بل لأول ثلاثة اللي هو بهيمة الأنعام والنقود وعروض التجارة، هي الثلاث حتى تجب الزكاة فيها لازم يمر عليها حول، يعني بعد ملك النصاب ركز بعد ملك النصاب لازم يمر عليها حول قمري كامل.

ممتاز، يمر عليها سنة كاملة، يعني أنا امتلكت النصاب من الغنم مباشرة علي زكاة؟ لا، لازم يمر سنة، أنا امتلكت مثلاً ذهب أو فضة أو أوراق نقدية مباشرة علي زكاة؟ لا، منقول على النصاب لازم أمر كم سنة، أنا امتلكت عندي عروض تجارة شريت سيارات بنية عروض التجارة والله الآن علي زكاة مباشرة أول ما اشتريتها؟ لا، نقول ها عروض التجارة بعد سنة بشوفك فيها إذا ظلت موجودة ولا مباعت، إذا ظلت موجودة عليها زكاة. فاشتراط الحول في المال الزكوي هذا في بهيمة الأنعام والنقود وعروض التجارة، أما لما يخرج من الأرض اللي هي الزروع والثمار والمعادن والركاز لا، هي مباشرة في أرضها تخرج الزكاة، لا ننتظر مرور حول فيها، فهذا ننتبه له الشرط الثالث.

طيب، من شروط الزكاة إذا هذا عبارة عن ايش؟ يعني زي تشجير لهذا الموضوع. طيب نيجي الآن على الأموال الزكوية سريعاً نرجع لها نشوف نصابها والواجب في أدائها.

الان في المال الزكوي يا اخوه نحن قلنا شو الأموال الزكوية بالله مرة ثانيه؟ بهيمة الأنعام. النقود. ما يخرج من الأرض. عروض التجارة. ممتاز، ظلك من هون للمس ظلك احكي فيهم تحفظهم إن شاء الله.

طيب الآن، كل مال زكوي شو بيخك فيه؟ أنت شغلتين، كم نصابه وكم لازم اطلع منه صح؟ أنت أي مال زكوي لازم تسأل سؤالين: كم النصاب في هذا المال، وكم المقدار اللي لازم أخرجه من هذا المال؟ هذا رح نتعلمه الآن إن شاء الله بنمر على الأموال الزكوية سريعا.

أول مال زكوي شو هو قلنا؟ بهيمة الأنعام.

بهيمة الأنعام قلنا ثلاث حيوانات، شو هم الحيوانات؟ خلص إبل بقر غنم، ما عناش لا دجاج ولا غش غير دجاج.

طيب نيجي الآن على بهيمة الأنعام، أولاً بهيمة الأنعام حتى تكون مال زكوي في شروط إخواني حتى تكون مال زكوي في لها شرطين، مش كل واحد عنده إبل أو غنم أو بقر بتروح حضرتك تقول له يلا يا شيخ عليك زكاة، لازم تتاكد من نقطتين:

النقطه الأولى: أن يكون هذا الرجل اللي عنده إبل أو بقر أو غنم يعتمد أكثر السنة على الرعي العام وليس على العلف. هسا بتعرفوا إخواننا أصحاب القطائع اللي عنده إبل أو بقرة أو غنم، في ناس لا، هو بيروح بيشتري العلف من جيبته حتى يطعمي هذا الإبل أو البقر أو الغنم، وفي ناس لا زي هالشباب الله يكرمهم تشوفهم بالشوارع ماشيين هالغنم وراهم وبينزلوهم على هالمزارع وهالمراعي المفتوحة وما شابه ذلك، الذي يعتمد على الرعي المفتوح ما بيتكلف مال، بيعتمد على الأحراش وبينزل على المراعي المفتوحة، هذا اسمه رعي سائمة تمام، اسمه ايش؟ سائمة، غنمه أو أبله أو بقره شو بسموها في الفقه؟ سائمة.

القسم الثاني أو الشخص الثاني لا، اللي بيروح هو بيشتري وبيدفع حق العلف، بسموه والله قطيع معلوف. إذا شو الفرق بين القطيع المعلوف والسائم؟ السائم على حاله بتدفع مصاري أنت؟ بتوديه على هالاحراش وبيرعى على حاله. المعلوف لا، أنت حضرتك بتروح بتشتري له من جيبتك العلف بتجيب له إياه على الحظيرة تاعته. الآن إذا كان قطيعك سائمة أكثر الحول، أكثر الحول، إذا نحن نقول وجد الشرط الأول مش لازم يكون سائم طول الحول، يكفي أن يكون سائماً أكثر الحول، لأنه أحياناً في بعض فصول السنة زي فصل الشتاء ممكن يضطر الراعي اللي هو يعتمد على السو ممكن يضطر يعلف شوية الغنم خلال شهر 12 و1 لما تكون الدنيا برد برد، بقول لك حرام طلعه على هالحراش، فبيروح بيشتري له علف شهرين، بس هو خلال العشر أشهر المتبقية لا، بينزله على الأحراش. فبالتالي العبرة في الصوم أن يكون السوم أكثر السنة، مش لازم يكون طول السنة، يكفي أن يكون أكثر السنة.

الشرط الثاني: حتى يكون قطيعك عليه زكاة، أن يكون أنت اتخذت هذا القطيع للدر والنسل، يعني أنا هدفي من وجود قطيع غنم أو بقر أو إبل ايش؟ أن يجيب لي لبن واني يتكاثر ويصير عندي نسل منه، هذا هدفي أنا، مش جايب هذا القطيع يعني أنا ما اشتريته على أنه عروض تجارة. إذا اشتريت القطيع من البداية على أنه عروض تجارة ببطل زكاته هون بصير زي كأنه عرض من عروض التجارة، يزكى بس يزكى زكاة عروض التجارة، زي كأنك اشتريت سيارات للبيع، زي كأنك اشتريت شقق، فلازم تكون نيتك لما اشتريت القطيع مش التجارة، ومش برضه أني بدي أحرث عليها، والله واحد اشترى قطيع بقر ليش؟ والله هذا عشان أجره للحراثة، برضه ما عليه الزكاة هنا. إذا أنت اشتريت قطيع بقر حتى تأجره للعمال في المزارع يحرثوا على البقر ما عليه زكاة، لازم تكون نيتك نية ايش؟ الدر والنسل.

الدر والنسل شو يعني الدر والنسل؟ أنا بس بدي يجيب لي لبن وبدي منه ايش؟ يخلف ويصير عندي ويكبر شوي شوي.

إذا ثانياً: أن يكون للدر والنسل هذا الشرط الثاني.

وخرج بذلك لو أنه تملكها ليركب ظهرها ويؤجر ظهرها للركوب قديماً، ممكن الواحد يشتري قطيع كامل من الإبل ليه؟ الهدف إنه بدي ياها الناس تركبها، إنه قديماً كانت هي وسيلة النقل، فممكن واحد يشتري قطيع إبل كيف اليوم عندنا مع محلات إيجار السيارات؟ قديماً في محل إيجار للنوق بس واحد عنده هيك حاط له عشر نوق على باب بيته يلا يا جماعة بده يطلع على البصرة اللي بده ينزل على الكوفة يلا يجي ياخذ وأعطيه مثلاً عشر دنانير رايح جاي، إذا أنت اشتريت قطيعك والله مشان فقط تأجرها.

للركوب ما عليك زكاة، زي ما حكي زي البقر اللي جبتها للحراثه هذه ما عليها زكاة او انه تملكها للحراثه او انه تملكها ليتاجر بها، كذلك لو اشتريت القطيع من اجل التجاره به مش من اجل الدر والنسل فهنا لا تعتبر فيه زكاة بهيمة الأنعام بس رح تكون في هاي الحاله عليه زكاة ايش؟ عروض تجارة، ورح نعرف موضوع عروض التجارة بعد قليل ان شاء الله.

طيب نيجي الان على الإبل، هم قلنا إبل، بقر، غنم، اذا انا عندي إبل، بقر، غنم، توفر فيها الشرط انه انا هي سائمة أكثر الحول واقتنيتها بهدف الدر والنسل، يلا الان نيجي نبحث النصاب وكم يجب ان أخرج، طيب نصاب الإبل من كم يبدأ؟ نصاب الإبل ما نصابكم ما هو الحد الأدنى الذي يبدأ منه الزكاة في الإبل؟ خمسة، يعني لو عندك جمل واحد للدر والنسل ما في عليه زكاة، لو عندك جملين للدر والنسل ما في عليهم زكاة، ثلاثة، أربعة، ما في زكاة، صار عندك خمسة بنبلش نحكي معك بقول لك الله خمسة، مشى عليهم حول كامل، اه والله لازم الان تخرج زكاة، طيب كم لازم أخرج يا شيخ؟

الان سريعا انا هذا الجدول رح أمر عليه سريع، يعني مش انا عارف بعض الشباب تقول لك هاي حفلة طلعت بس نحن من باب يعني الثقافة الشرعية المهمة، قالوا في الفقه الإسلامي اذا شخص عنده من خمسة إلى 24 ناقة فهذا يخرج عن كل خمسة عن كل خمس جمال بده يطلع شاة، يعني انا عندي خمسة من الإبل مر عليهم سنة كم لازم اطلع زكاة؟ بدي اطلع شاة، عندي 10 شاتين، عندي 15 ثلاثة، عندي 20 أربعة، طيب اللي بين الشوطين؟ طيب انا عندي سبعة؟ خلص لا، هاي اللي بالنص نحسبه نحن بنحسب فقط الأرقام الصحيحة: 5، 10، 15، 20 خمسة، 6، 7، 8، 9 في شيء؟ بس عليك شاة، بس بضل عليك شاة، صرت 10 شاتين، طيب 11 شاتين، 12 بتضلنا على شاتين، بس بصير 15 بصير ثلاث، طيب 16، 17 بنضلنا على ثلاث، بس تصير 20، طيب 21، 22، 23، 24 بتضلك على أربعة، اذا صرت 25 عندك عندك 25 ناقة لا، حسبة جديدة، من 25 ناقة إلى 35 ناقة هنا لازم تخرج بنت مخاض، شو بنت المخاض؟ يعني هي ناقة أتمت سنة كاملة، اذا عندك قطيع من الإبل من 25 ل 35 الواجب عليك في شرع الله تخرج ناقة عمرها سنة كاملة ما شاء الله أتمت كاملة، هي بيسموها في هذا بنت مخاض، مقاض ليش سموها بنت مقاض؟ انا قرأته هون، طيب الان 36، 37، 38، 39، 40 بتضلك بنت مقاض حتى توصلها زي ما حكينا ايش انا، عفوا انا قلت من 5 ل 35، الان من 36 لا انا قفزت من 36 إلى 45 بنت لبون، اذا صار عندك 36 ناقة ل 45 ناقة ضمن هذا الرينج المعدل عليك انك تخرج ماذا؟ بنت لبون، بنت لبون شو هي؟ هي ناقة عمرها سنتين بدك تلتزم بالعمر الشرعي، هذه إخواني النبي عليه الصلاة والسلام كتبها للصحابه يعني هذه فيها مش مجال تلعب أو تغير كيف هذه أنت ملزم بها بشرع الله بنت لبون، بنت اللبون عبارة عن ناقة أتمت سنتين.

طيب اذا صار عندي من 46 إلى 60 ناقة لازم أخرج حقة، الحقة هي ناقة عمرها كم؟ أتمت ثلاث سنوات، عمرها أتمت الثلاث سنوات، صار عندك من 61 ل 75 قالوا بتطلع جذعة، الجذعة عبارة عن ناقة أتمت أربع سنوات، طيب من 76 ل 90 هون خلص بنرجع على لأنه هي خلص الزكاة هي في هذه الأسنان يعني بنت مخاض، بنت لبون، حقة، جذعة، اذا صار عندك 76 ل 90 بنرجع بنقول لك طلع لنا بنتي لبون يعني ناقتين كل واحدة أتمت سنتين، اذا عندك 91 إلى 120 صار هيك قطيعك بنقول لك الله بعينك طلع لك ايش حقتان، بعدين بعد ال 120 بتصير معادلة رياضية انا مش رح أطالبك فيها بتصير في كل 40 بنت لبون وفي كل 50 حقة وفق معادلة رياضية ينظر فيها ما هو لحظير، خلص انا بس بدي اياك وانك تصور عام لأنه في حدا فيكم معه عنده 120 ناقة يا جماعه؟ ايش حدا عندنا 120 ناقة؟ خلينا نمشي.

اذا طيب نيجي على البقر، البقر إخواني كم نصاب البقر؟ يعني الحد الأدنى اللي بنبلش نحكي فيه في الزكاة 30 بقرة، نصاب البقر هو اخونا شكله نسي يكتبها الله يكرمه اكتبوا نصابها فوق يعني، اه اذا انا ما شفتها معذرة نصاب البقر 30 بقرة هي آخر صفحة 76، اللي عنده أقل من 30 بقرة ما بنحكي معه، عندك 30 بقرة فصاعدا سائمة أكثر الحول للدر والنسل بنبلش نحكي معك.

طيب اذا عندي 30 بقرة، اللي عنده من 30 إخواني بقرة ل 39 بنقول له عليك أن تخرج ماذا؟ تبيع أو تبيعة، شو التبيع؟ التبيع أو التبيعة، تبيع ذكر، والتبيعة أنثى، بقرة عمرها سنة، يعني اذا انا عندي 30 بقرة أو 31 أو إلى 39 كم لازم أخرج زكاة؟ شو الزكاة اللي ربنا أوجبها علي؟ بقول لك بدك تروح تطلع لنا عجل عمره سنة أتم سنة كاملة، اذا وصل قطيعك ل 40 اه، اذا عندك 40 بقرة بنتكلم لازم تخرج مسنة، المسنة هو عجل أو بقرة أتمت كم؟ سنتين، بقرة أتمت سنتين، طب بعد ال 40؟ خلص بعد ال 40 بتصير عنا قاعدة في كل 30 تبيع وتبيعة وفي كل 40 مسنة.

كيف يعني؟ يعني مثلا ال 50، ال 50 هي القاعدة سواء في الإبل أو في البقر أنك تشوف أفضل قسمة للرقم بحيث يكون الباقي صفر أو أقرب إلى الصفر، الان هذا شغال شخبر، طيب لو شخص عنده 50 بقرة، الان بتقسمه، اسمها يا ثلاثينات، يا أربعات، يا خليط 30 و40، المهم أن يكون الباقي صفر أو أقرب حسبة إلى الصفر، ال 50 كيف ممكن نقسمها 30 أو 40؟ كيف ممكن نقسمها؟ يعني لو قلت ال 50: 30 + 30 ما بزبط صارت 60 انا عندي 50، طيب اقسمها 30 + 40 بيزبط صارت 70 انا عندي 50، طيب كيف بدي أقسمها في حسبة معينة بنقدر نحسبها؟ بتقول لي يا شيخ شوف ال 50 أقرب رقم لها بظله ايش؟ ال 40 في حل يعني ما بقدر أحط 30 أو 40 أجمعهم مع بعض أنه أي عملية جمع 30 + 30 بتجيب 60، 30 + 40 بتجيب 70، 40 + 40 بتجيب 80، فال 50 أقرب شيء لها ايش هو؟ ال 40، فخلص بضل لو عندي انا 40 وعندي 50، تمام، 55، 56، 57، 58، 59 لل 59 رح يضل علي مسن، طيب اذا صار معي 60 بقرة، اه ال 60 بقرة بقدر أحسبها ايش؟ 30 + 30، اه بتجيب 60، اه 30 تبيع و30 تبيع، اذا الواجب عليه ايش؟ تبيعان.

طيب لو واحد عنده 80 بقرة يا مشايخ؟ 40 و40 لأنه انت قلت لك جاب 30 أو 40 أو خليط منهما فانا ال 80 بقرة بجيب ايش؟ 40 + 40 بيكون الباقي صفر اذا عليه مسنة ومسنة مسنتين، طيب لو شخص ما عنده 70 بقرة؟ حتى يكون الباقي صفر بحكي 30 والباقي بضل صفر اذا 30 + 30 اذا عليه تبيع وال 40 عليه ايش؟ مسنة، إذا اللي عنده 70 بقرة عليه تبيع ومسنة.

طيب شخص عنده 95 بقرة، يلا شو أفضل قسمة في الأربعات والثلاثينات حتى يكون ركز دائما الباقي صفر أو أقرب إلى الصفر؟ أي ثلاثينات؟ 30 و30 و30، اه 90 بظل الباقي كم؟ خمسة، طيب في حسبة أفضل؟ يعني مثلا واحد قال لك 40 و30 70، طيب لو زدت كمان 30 لا صارت أكثر مش رح تزبط هاي، طيب واحد قال لك 40 + 40 80، طيب شو بدك تزيد؟ 30 مش رح يزبط، في شيء بيضبط الباقي رح يضل 15، اذا أفضل حسبة حتى يكون الباقي أقرب إلى الصفر 30 و30 و30، اذا علي ال 30 عليها تبيع اذا تبيع وتبيع وتبيع، اذا عليه كم يخرج؟ ثلاثة أتبعة، وبهذه الطريقة يتم الحساب.

تفضل بسكثر انت عندك 95، اه يعني لازم يكون خمس ما بصير يعلى عن فوق ال 95 كمجموع تمام، بس بده يكون يا بيجيب ال 95 يا أقرب شيء لها، فهمت علي؟ يا بجيبها يا أقرب شيء لها.

طيب اذا هذا بالنسبة يعني قراءة سريعة للغنم للبقر، طيب الغنم؟ الغنم نصابها يا إخواني 40 رأس، الغنم نصابها من متى يبدأ؟ من ال 40، اللي عنده أقل من 40 رأس ما عليه زكاة، طيب كيف الزكاة فيها الغنم؟ سهلة الحمد لله، الغنم يعني أمورها واضحة، 40 رأس ل 120 رأس عليك زكاة شاة، من 121 رأس ل 200 رأس عليك شاتين، من 201 ل 399 شوف المسافة هاي عليك ثلاث، شيخ اذا بلشت ال 400 بتصير كل 100 فيها شاة، يعني من 400 ل 499 أربع شياه، من 500 ل 599 خمسة، وبتضلك ماشي على الميات، فهذه يعني أمورها سهلة جداً الغنم، هي الشطارة شوي بتكون في الإبل وفي البقر، إذا أقل نصاب للإبل خمسة، أقل نصاب للبقر 30، وأقل نصاب للغنم 40، والحسبة في الإخراج كما مر معنا.

طيب هذا بالنسبة بهيمة الأنعام، ناتي إلى زكاة ما خرج من الأرض، يعني يعني كنت انا بفضل نيجي على زكاة النقود وعروض التجارة بس خلص امشي مع الكتاب حتى ما أشوش عليكم توكلوا على الله، يعني انا كنت بفضل انه تكتب زكاة النقود وعروض التجارة قبل ما ما يخرج من الأرض، اقرأ ضابط ما تجب فيه الزكاة منها أن يكون مكيلاً.

طيب الان ما خرج من الأرض ثلاثة أشياء حكينا صحيح مشايخ؟ اللي هو الزروع والثمار، المعادن، الركاز، هسا المعادن والركاز مش رح نطرح مش رح نتطرق اليها ارواء لأنه لا انتم منلاقي معادن ولا واحد فيكم لاقي ركاز، فمسامحينكم في هاي القضية، بس تطلع ركاز احكي معي تمام عشان أشاركك انا، واذا حكيت معي ببلغ عليك بتيجي الدولة بتاخذها منك وبتريحك من كل القصة.

فبنيجي الان على ما نحن فيه اللي بيهمكم اللي هو الزروع والثمار، الزروع والثمار حتى تجب فيها الزكاة أولاً عنا شرطين، أن تكون هي الزروع والثمار طبيعتها أنها كانت تباع بالكيل في زمن النبي صلى الله عليه وسلم، يعني مش أي محصول زراعي في زكاة، هاي بدك تفهمه، مش أي محصول زراعي في زكاة، بل المحاصيل اللي فيها الزكاة أو الأشجار اللي فيها الزكاة محصورة محصورة بايش؟ بهذين الشرطين: أن يكون هذا المحصول الزراعي أو هذه الثمار مما كانت تباع بماذا؟ بالكيل، شو الكيل؟ الكيل إخواني أكيد دخلتوا على محلات اللي بتبيع حبوب، الكيل هو المكيال هذا الذي لما بدك تروح على محلات بيع الحبوب أو الطحين أو الرز أو الفول بيجي بدخل لك بيطلع لك منه بالكيلة هذه، هي إحدى وسائل البيع كانت في زمن النبي صلى الله عليه وسلم، الان قديما في وسيلتين للتقييم: يا الكيل يا الميزان صح؟ يا الكيلة والله حط لي خمس كيلات بتروح بدخل لك جوا كيس السماك بيطلع لك خمس كيلات، أو الميزان أن كان يحطه على الميزان يقول لك 5 كغ، 6 كغ.

نحن الزروع والثمار اللي فيها الزكاة هي الزروع والثمار اللي كانت في زمن النبي صلى الله عليه وسلم تباع بايش؟ بالمكيال، وليست التي بطبيعتها كانت زمن النبوة تباع بالميزان، فهذا سيقتضي مني أني أعرف ايش الثمار والزروع اللي كانت زمن النبي عليه الصلاة والسلام تباع بماذا؟ بالمكيال.

طيب اثنين، الشرط الثاني ما هو؟ اذا أول شرط أن تكون طبيعة الثمرة أو الحبوب مما يباع بالمكيال، اثنين أن تكون تقبل الادخار لسنوات العمر، شو يعني تقبل الادخار؟ تقبل الادخار يعني تقبل أن تجفف وتوضع في صناديق لتدخر، أما الثمار اللي بطبيعتها حتى لو كانت كتاكل اللي بطبيعتها لازم تأكلها خلال يومين أو ثلاث ولا بتعفن، هاي ما في فيها زكاة، لازم يكون هاي الثمرة أو الحب الذي يكال كيلا أن يكون يقبل شو؟ الادخار.

ماذا يقصد بالادخار؟ برضه هاي بدنا نفهمها لأنه في بعض الناس بقول لك الادخار، طب انا اليوم ممكن أحطها في الثلاجة والثلاجة، لا، الادخار في المفهوم الفقهي هو أن يقبل التجفيف ويوضع داخل صناديق أو علب وتتركه بدون ثلاجة، برضه في مثلاً من أنواع الادخار أنك ممكن بقول لك انا بحط عليه ملح ليمون أو بحط عليه مياه، هذا لا يعتبر ادخار، الادخار المقصود فقهياً هو التجفيف، الادخار ما هو؟ أن يقبل التجفيف ليستعمل، بتعرفوا اليوم الفواكه المجففة؟ أكيد بتروحوا على محلات بتلاقوا فواكه مجففة أو خضار مجفف أو هذه الأشياء، هذا هو الادخار اللي بيحكوا عنه، تكون الثمرة تقبل التجفيف وتستعملها لبعد شهرين ثلاثة ست أشهر وما شابه ذلك، اذا لابد حتى يكون الحبوب أو الثمار تجب فيها الزكاة عليك لازم تكون تباع بالكيل وتقبل التجفيف والادخار للمستقبل.

بناء على هذا، هاي بناء على هذا وجدوا أن الحبوب بانواعها فيها الزكاة، لأن الحبوب بأنواعها كالحنطة، الشعير، الحمص، السمسم، عرفتم هذه الحبوب بطبيعتها هي أصلاً عبارة عن أمور كانت تباع بالكيل زمن النبي عليه الصلاة والسلام، وكلها تقبل أن تحطها في مرتبانات وتدخر، فالحبوب والقمح والشعير كلها هذه الحبوب النباتات العبارة

عن محاصيل زراعية، حبوب، هذه كلها فيها إيش؟ زكوات، لأنه كلها كانت تباع بالكيل وتقبل الادخار. أما بالنسبة للثمار، فأسجار محدودة جداً هي التي في ثمرتها فيها زكاة، مثل التمر، الزبيب، واللوز، لأنه هذه كانت عبارة عن أشياء تباع بالكيل وتقبل ماذا؟ التجفيف والادخار. فالرطب تبع النخيل يقبل التجفيف ويصير تمر، ما هو التمر عبارة عن رطب تم تجفيفه وهذه تدخر، نفس الشيء العنب.

العنب كان يباع بالكيل تمام، ويقبل الادخار، لأنه كان يجفف ويتحول إلى إيش؟ زبيب. ونفس الشيء اللوز كان يباع بالكيل ويقبل التجفيف ويستعمل. لكن غير هذه مثلاً أكثر الثمار الأخرى ما فيها زكاة، أغلب الثمار أغلب الثمار ما فيها زكاة تمام، زي الزيتون مثلاً احنا الحنابله في المعتمد ما عليه زكاة في المعتمد عندنا في خلاف بس، ما ليش؟ لأنه شيخ طيب كان يباع بالكيل بس شو اللي اختلف فيه؟ أنه لا يدخر بالتجفيف، الزيتون إذا بدك تدخره الحجة شو بتعمل؟ لازم تحطه في مرتبانات يكون في مي وملح ولا عفن، فهذا الادخار لا يعتد به، الادخار لازم يكون بايش؟ بالتجفيف تمام.

وأغلب الثمار طبعا زي الآن بتيجي تحكي برتقال، تفاح، تين، كله هذا ما في عليه زكاة، لأنه أصلاً أغلبه برضه لا يكال، يعني البرتقال ما في حدا بيبيعه بالكيلة يعني، والتفاح ما حدا بيبيعه بالكيلة، هي كانت تباع بالحبة، بتروح على البياع زمن النبي عليه وسلم: اعطيني خمس حبات تفاح، خمس حبات برتقال، خمس حبات كمنتينه، وهكذا. فالفواكه عموماً والخضروات ما فيها زكاة، محاصيل الفواكه والخضروات ما فيها إيش؟ زكاة، إلا في الأشجار المعينة التي ينص عليها عند الفقهاء.

طبعا في بعض الثمار نعم وقع خلاف فيه، يعني الزيتون، الزيتون ستجد بعض المذاهب قال في زكاة، وبعض المذاهب قال ما في زكاة، عادي أنت مع الشيخ اللي بيفتي لك يعني، مش رح أسوي لك غير كده، أنت مع الشيخ اللي بيفتي لك، حتى أنت لا تضطر، بعض الناس بفكروا يا شيخ المشايخ مختلفين، والله حتى الزيتون اختلفنا فيه! يا أخي أنت شو بتعب حالك أنت كإنسان مسلم مش متخصص يعني؟ ما تتعب حالك في الخلافات الفقهية، شيخ حكى فيه زكاة وشيخ حكى ما في زكاة، بيصير العامة إيش؟ مش عاجبه هذا الخلاف الفقهي، يا أخي مو كل أغلب الفقه في خلافات، فانت خلص امشي مع شيخ واحد وإن شاء الله الكل على خير، الكل على خير، لأن الكل يحاول أن يجتهد ليصل إلى مقصود الله أو مراد الله سبحانه وتعالى.

كذلك حتى اوراق الشجر، بعض اوراق الشجر فيها زكاة تخيل! لأنها كانت تباع بالكيل وتدخر زي اوراق شجر السدر. اوراق السدر كان طبعا السدر بتعرفوا يستعمل في علاج السحر والعين والحسد، وكان يستعمل أيضا في تغسيل الأموات، فهي شجرة معروفة عند العرب، كانوا يأخذون أوراقها، أوراقها تقبل التجفيف وكانت تباع أيضا بايش؟ بالكيل.

طيب، بالتالي قلنا يخرج بهذا الضابط عموم الفواكه والخضروات كالتفاح والبرتقال والسفرجل والباذنجان ونحوها، فهذه لا تجب فيها الزكاة. طيب نيجي الآن بعد ما عرفنا عموماً أنه الحبوب الحبوب في العادة هي اللي فيها الزكاة، وكم شجرة من الشجرات هي اللي فيها الزكاة، نيجي الآن نعرف طيب كم هو النصاب؟ مش نحن لازم يكون في نصاب، كم هو النصاب؟

النصاب إخواني في الحبوب أو الثمار 611 كغ، اللي هو يسمى خمسة أوسق، أنت خمسة أوسق مش رح تتعامل معها، بدك الخلاصة عدد الكيلووات اللي فيها بتعتبر أنت مالك للنصاب، 611 كغم، إذا أنت ما معك 611 كغ، محصولك الزراعي 200 غرام فقط، 300، 400، 500، ما عليك. إذا وصلت إلى رقم 611 ساعيتها بنبلش نحكي إيش؟ أنه أنت معك نصاب. طبعا 601، 610، 600، يعني هذا أخو بعضه، يعني تقريبا، لكن تقريبا هو 611 غم تقريبا.

طيب يلاحظ في حساب نصاب الزروع والثمار، بدك تنتبه لقضية أنه أنا متى بحسب النصاب؟ بالنسبة للحبوب، الحبوب إخواني سواء قمح، شعير، حمص، غيرها، ما بحسب النصاب إلا بعد ما أخرجه من السنابل وأخرجه من القشر، لأنه أنا إذا بدي أحسبه مع القشر رح يوصل النصاب سريعا، لا، أنا حتى أقول إنه أنت الحبوب وصلت إلى النصاب، أول شيء باخذ القمح من السنبل تاعه وبشيل عنه القشر وبحسب النصاب، بعدين. هذا بالنسبة للحبوب، لازم يؤخذ من السنابل وتزال عنها القشر إذا كانت هذه الحبوب عليها قشور.

وبالنسبة للثمر، زي التمر مثلاً، التمر والزبيب، هذه متى تحسب زكاتها؟ بعد تجفيفها، لأنه ما بحسب زكاتها وهي لسه رطب، لأنه حجم الثمرة وهي رطب رطبة مش زي حجمها وهي إيش؟ جافة، فباعتبار النصاب يكون بعد إيش؟ جفافها. طبعا رح تقول لي طيب بدي استنى حتى يجفف؟ قديماً كانوا يأتون إلى ما يسمى بالخرص، الخرص هو أنك تجيب مخمن يدخل على محصولك من العنب وهو لساته عنب لسه ما صار زبيب، يعمل نوع من التخمين إيش؟ يقول لك، يقول لك هذا بعد ما يجف تقريبا بوزع نصاب، بصير تخمين بناء على الخبرة، بيطلع على الكمية بيقول لك والله كم جبت كمية عنب؟ بيقول لك كمية العنب والله مثلا 1000، بصير يقول لك آه والله الألف إذا جفت في العادة بتطلع زبيب تقريبا 600 مثلا و50. فالمخمنين هم اللي كانوا يشتغلوا قديماً في هاي القضية، فإذا يا إما أنت بتحوله مباشره لزبيب أو تمر مثلاً، أو أنك بتجيب مخمن، هذا المخمن بقدر لك إنه فعلاً أنت تملك النصاب من خلال التخمين، فهو يخمن باعتبار لو صار زبيباً كم سيخرج؟ لو صار تمراً كم سيخرج؟ فإذا وجد أنه نعم أنت 100% رح يكون عندك نصاب، ساعيتها تقوم باخراج الزكاة. ولما تخرج الزكاة بدك تخرجها زبيباً أو تمراً، ما بتعطي الفقير الزكاة من ماذا؟ من الثمار الرطبة، بل تخرجها زبيباً تمراً جافة كما هي.

طيب، أو كما يعني أن النصاب يكون باعتبارها جافة. فكرة ثانية في النصاب، أنه كل ثمرة أو كل نوع من الحبوب يجمع مع بعضه البعض على حدة. يعني هسا أنا مزارع عندي مزارع كثير، عندي مزارع عنب وعندي مزارع تمر، هل لما أحسب النصاب بجمع التمر مع العنب ولا كل ثمرة تحسب وحدها؟ كل ثمرة تحسب وحدها إخواني، يعني مش بحكي والله مزرعتي طلعت 300 كيلوغرام زبيب يعني زائد والله 300 غرام تمر، خلص هذا ما عدا يوصلنا مع شوية قمح وشعير وصلنا، لا، كل ثمرة تحسب وحدها. يعني لو أنت طلعت 300 غم عنب مع 300 غم تمر مع 300 غم إيش شعير مع 300 غم قمح، ما عليك ولا زكاة ولا شيء يا شيخ! 300 و300 ما عليك، ليه؟ لأن نحن هدفنا كل ثمرة أو كل حب هو يوصل النصاب، فإذا كلياتهم ولا واحد فيهم بنفسه وصل نصاب، أنت ما عليك زكاة. فالعبرة إذن كل ثمرة بنفسها وكل حب بنفسه.

طيب، لو كان التمر عندي أنواع؟ بتعرفوا التمور أنواع، في تمر سكري وتمر برني وتمر... أه، لا، هاي الأنواع تجمع مع بعضها البعض، فأنواع الثمرة الواحدة تجمع، نفس الشيء العنب، مش العنب أنواع؟ بتلاقي عنب في الشمال وعنب في الجنوب، وأنا مش خبرة كثير في أنواع العنب، بس المهم بدك تجمع الأنواع مع بعضها البعض لأنها تعتبر في حكم الثمرة الواحدة.

طيب فهمنا، إذا عرفنا إذن هي يا شيخ النصاب لكل ثمرة أو لكل حبة كم؟ 611. طيب أنا عندي نصاب، أنا عندي نصاب 611 فصاعداً، كم لازم أخرج؟ كم لازم أخرج من النصاب؟ الآن نجي لمقدار الزكاة الواجبة، مقدار الزكاة الواجبة عليك رح تختلف بحسب طبيعة سقيك، والإسلام متوازن براعي أحوال الناس، فإذا أنت كان طريقة سقيك بعلية، بتعتمد على مياه الأمطار والعيون والمياه الجارية، بتدفع شيئاً من جيبتك باختصار؟ فهون بنقول لك محصولك الزراعي بدك تطلع لنا 10% تمام؟ بدك تطلع لنا كم؟ 10%.

طيب، إذا كنت لا؟ إذا كان بيقول لي يا شيخ أنا والله بسقي وباعتمد على المياه اللي أنا بشتريها، أنا بجيب خزانات لمزرعتي وباعبي الخزانات والتنكات وبصير أسقي أنا بدفع مصاري، بنقول والله إذا أنت بتدفع مصاري هيك طريقة سقيك طوال السنة، فعليك تخرج من محصولك الزراعي 5%. كم يجب عليك؟ 5%، بالمثل، كل 100 كيلو بتطلع منها إيش؟ 5، يعني شو يعني 5%؟ يعني من كل 100 كيلو 5 كيلووات، من كل 100 كيلو 5 كيلووات.

إذا كان يسقي لا، أنا نص بنص يا شيخ، يعني نص السنة بعلي ونص السنة على التنكات بعيش، بدفع نص السنة ونص السنة، يعني في الشتوية ست أشهر تقريبا -وطبعا هي بتعتمد على الموسم الزراعي مش الموسم السنوي- بس عموما يعني لو قال أنا والله ست أشهر باعتمد على المياه الأمطار وست أشهر أنا بشتري مياه، النص بالنص، فبنقول والله إذاً عليك تخرج 7.5%.

هاي اللي بيعتمد على مياه الأمطار تماماً كم؟ 10%. اللي بيعتمد على المال أنه هو يشتري طول السنة 5%. اللي بالنص اللي نص سقيه على الأمطار ونص سقيه على مياه النضح اللي هو اللي بيجيبها، هذا إيش عليه؟ 7.5%، نص بالمية يعني حطيناه بالنص، لا أطيناه 10% ولا 5%، قلنا له أنت بالنص عليك 7.5%، نص بالمية، إذن من كل 100 كيلو بتطلع لنا 7 كيلو ونص، من كل 100 كيلو 7 كيلو ونصف.

طيب الآن سؤال: هل الزروع والثمار ننتظر مرور الحول؟ لا، نحن قلنا ما خرج من الأرض هذا لا تنتظر فيه مرور الحول، بمجرد ما تخطف ثمارك تمام بدك تحسب لنا كم فيها زكاة تمام، بعد تجفيفها أو من خلال المخمن بيجي بعطينا، وبعدين مباشرة بدك تخرج الزكاة، ما فيها انتظار للحول.

زكاة المعادن، والله هذا الأخ أضاف شكله سريعا، قال: ويشمل -أنا ظننت أنه حذفها لأني أنا طلبت حذفها، لكن هو تاركها، خلص نقراها- اقرا قال: ويشمل كل ما خرج من الأرض من غير جنسها وليس نباتاً كالذهب والفضة والحديد والنحاس والرصاص والعقيق والكحل والنفط وغيرها، ولا يدخل فيه ما كان من جنس الأرض كالتراب والرمل والحصى ونحوه، ولا النباتات التي تخرج من الأرض.

إذاً كلمة المعادن إخواني عند الفقهاء هي ليست كلمة المعادن بالمعنى الدقيق اليوم اللي بندرسه في الفيزياء ولا في هاي الكيمياء، كلمة المعادن عند الفقهاء هو كل ما خرج من الأرض من غير جنس التربة. هسا أنت اليوم كلمة المعادن في علم الفيزياء هي المعادن اللي لها عنصر ذري ومش عنصر ذري وهاي القصص، لا، كلمة المعادن عند الفقهاء أوسع شوي، أوسع، فتشمل حتى الكحل والأحجار الكريمة هذه كلها تعتبر معادن، والنفط هذه كلها تعتبر إيش؟ معادن، والغاز الطبيعي وما شابه ذلك.

فكلمة المعادن عند الفقهاء كل ما خرج من الأرض وليس من جنس التربة. الآن أنت الكرة الأرضية، سطح الأرض في شيء من جنس التربة؛ تراب، صخور، حجارة، حصى، رمل، هذا كله يعتبر جنس الأرض، هذا أكيد ما عليه زكاة. لكن الأشياء اللي أنت بتكتشفها في الأرض وتخرجها من الأرض وليست من التراب والصخور زي الذهب، فضة، حديد، نحاس، رصاص، العقيق، الكحل، النفط وغيرها من هي الأمور المستخرجة من باطن الأرض، هذه كلها تدخل تحت إيش؟ المعادن. لذلك قال: ولا يدخل في طبعا ما كان من جنس الأرض كالتراب والرمل. والنباتات طبعا برضه مش محسوبة لأنه النباتات عرفنا قبل شوي نحن شو زكاتها.

طيب ما نصابه؟ إذا أنا خرجت من الأرض معدن، إيه حديد، معدن نحاس، خرجت من الأرض رصاص ونفط، الآن ما هو النصاب؟ نقول: اقرا قال له صورتان، إن كان الخارج من الذهب وال... إن كان الخارج من الذهب والفضة فنصابه، فنصابهما كما سياتي.

الان الخارج من الأرض سنقسمه قسمين: أن يكون اللي أخرجته من الأرض الذهب الخام أو الفضة الخام، أو أن يكون من المعادن الأخرى. بتعرفوا الآن في دول إفريقيا خاصة في جنوب إفريقيا في عندك مناجم لإخراج الذهب والفضة، حتى كذلك يعني أفغانستان في كثير من جبالها معباة بمناجم الذهب والفضة، فإذا كان المعدن الخام اللي تم إخراجه عبارة عن معدن الذهب أو الفضة، هذا نصابه نصاب الذهب والفضة على ما سياتي معنا إن شاء الله بعد قليل، لأنه الذهب والفضة يا ذهب وفضة عبارة عن أموال نقدية. الآن في زمن النبي عليه الصلاة والسلام الأموال النقدية أصلاً شو كانت؟ ذهب وفضة تمام، فالذهب والفضة إما أن يكون على شكل مواد خام تخرج من الأرض، أو يكون مسبوكاً على شكل أموال، فكلامنا هون عن الذهب والفضة اللي هو عبارة عن إيش؟ مواد خام. إذا كان الذهب والفضة مواد خام خرجت من الأرض فسيحسب كما يحسب نصاب الذهب والفضة المسبوك اللي على شكل أموال نقدية، كم نصاب الذهب والفضة المسبوك؟ رح يجي معنا إن شاء الله.

نيجي على الحالة الثانية هي اللي بتهمنا الآن، إذا كان المعدن اللي خرجته من الأرض غير الذهب والفضة؛ نحاس، حديد، يورانيوم، رصاص وما شابه ذلك، فهذا كذا ماذا سنفعل فيه؟ قال: فنصابه، اقرا قال: فنصابه يقوم بنصاب الذهب والفضة، فإن بلغت قيمة ما خرج منه نصابهما وجبت فيه الزكاة وإلا فلا. يعني ما دام صار حانين نحكي عن... سريعاً هسا إخواني، نصاب الذهب عبارة عن 85 غرام ونصاب الفضة عبارة عن 595 غرام. ممتاز، هذا نصاب الذهب بالغرامات وهذا نصاب الفضة بالايش؟ بالغرامات. الآن إذا أنا خرجت من

الأرض رصاص أو نحاس أو ما شابه ذلك. تمام، فالآن سأقدره بنصاب الذهب أو الفضة. سأقدره بنصاب الذهب أو الفضة، كيف يعني؟ نجي نجي نحكي لها 85 غرام ذهب كم بتسوى الآن في السوق؟ والله كم الغرام اليوم؟ واليوم مع الحرب والدنيا طارت نحكي 70 صارت، آه طيب.

يا 85 يلا ضرب 70 كم بيطلع المبلغ على الآلة الحاسبة؟ في حدا معه آلة حاسبة يا جماعة؟ كم بيطلع المبلغ؟ كم؟ 6000؟ ها أعطوني رقم دقيق، 59، 5950.

ممتاز، الفضة اليوم كم غرام الفضة اليوم؟ يعني نحكي دينارين مثلاً، وهو مشكلته بيطلع وبينزل. لو بدي أحكي دينارين، 595 ضرب دينارين كم؟ 1195 و90 دينار. خليني أحسب الدينار الأردني، دينار أردني، إذا نصاب الذهب 85 غرام، 85 غرام كم تسوى؟ عبارة عن 509، 590 دينار أردني. ونصاب الفضة عبارة عن 595 غرام، بحولها للغة الأموال بتطلع كم؟ 1190.

الآن ممتاز، باجي أنا أشوف شو المعدن اللي خرجته من الأرض، والله الشيخ خرج معدن الرصاص، بقول: ممتاز، أنت خلصت استخرجت الآن من الأرض معدن رصاص. أول شيء لي الشوائب الموجودة حواليه؛ لأنه أنت بتطلع على شكل كتل، شيل لي الشوائب اللي حواليه، الرمل الموجود فيه، بتنظفه الآن على الرصاص بعد ما نظفناه، بنشوف الآن والله كم طلعنا؟ الله! طلعنا رصاص يا شيخ، والله 1000 غم رصاص طلع صافي. بنقول الآن: اليوم الـ 1000 غرام من الرصاص الصافي كم بيسوى في السوق؟ مثلاً أحط لك رقمها، مثلاً نحكي بيسوى 4000 غرام رصاص في السوق العام عند التجار بيسوى كم؟ بيسوى 4000 دينار. آه بنقول: الـ 4000 دينار رح أعتبرها باعتبار الذهب أو الفضة، حتى أشوف أنا معي نصاب ولا لا؟ بنشوف ما هو الأحظ للفقير؟ الأحظ للفقير أني أعتبر الأربع، أقيس على الذهب ولا على الفضة؟ عالفضة طبعاً؛ لأنه إذا بدي أحسب على الذهب بجوز 90% من الشعب الأردني في عليه زكاة، تمام.

مين اللي بحوش مصاري لمدة هذا؟ فالفكرة لأنه الذهب عم يلعب فيه عالمياً كتير طالع نازل وأسعاره عالية، عادة في الواقع المعاصر بنحسب النصاب باعتبار الفضة؛ لأنه هي مصلحة الفقير، نحسب على الفضة؛ لأنه على الفضة لو معك 2000 عليك زكاة. بالتالي بنقول: والله الـ 4000 دينار أنا عندي كمية رصاص مستخرجة بمقدار 4000 دينار. نصاب الفضة كم؟ 1190، آه إذا أنا معي نصاب، خلص معي 4000، أنا معي كمية تسوى 4000، ونصاب الفضة 1190، إذا أنا معي فوق النصاب، ما شاء الله! بالتالي عليك الزكاة مباشرة، عليك الزكاة ايش؟ مباشرة.

طيب، إيش؟ نفس الشيء، أي معدن آخر رح تخرجه، لو طلعت نحاس، لو طلعت حديد، لو طلعت، مباشرة بتصفي لي إياه من الشوائب، بعرف كم الصافي من الغرامات، بنشوف كم القيمة السوقية، بنقارنه بنصاب الذهب أو الفضة، بس في العادة رح تقارنه بنصاب الفضة؛ لأنه هو الأحظ. فاذا كانت الكمية المستخرجة تساوي نصاب الفضة فصاعداً، خلص في عليك الزكاة. كم الزكاة؟ 2.5% نص% كم المقدار اللي لازم أطلعه من الـ 4000؟ 2.5 بالمية من كل 100 دينار دينارين ونص، فـ 4000 كم بيطلع عليها؟ 100 دينار، أحسنت. هذا هو الذي سيخرج. لذلك قلنا: إذا كان المستخرج من الأرض من غير الذهب أو الفضة فنصابه سيتم تقييمه بنصاب الذهب أو الفضة، طبعا اكتب باعتبار ما هو الأحظ. والأحظ للفقير هو ايش في الواقع المعاصر؟ الفضة. يعني حتى أنت ترتاح، لأنه الذهب الآن طايش يا إخوان، أنا عالي عالي جداً، فبالتالي صعب انك تحسب نصابك باعتبار الذهب لأنك تحرم الفقير من الزكاة في العادة بنحسب.

آه طبعا، نحن بنتكلم عن الذهب الصافي مش المغشوش، تمام. إذا كان عندك ما دون ذلك بدك تحسب باعتباره صافي، يعني بدك في معادلة رياضية بحسب من خلالها بيعرفوا أنه مثلاً عيار 21 كم النسبة الصافية منه، عيار 18 كم النسبة الصافية؟ أنت باعتبار الذهب الصافي، أما الذهب المغشوش بدك من أهل الخبرة تعرف كم بيطلع لك صافي، وبناء عليه 85 غرام صافي مش مغشوش.

طيب، مقدار الواجب من الزكاة كما قلنا ربع العشر اللي هو 2.5% بال.

طيب، زكاة الركاز سريعا، قلنا: الركاز هو ما وجد من دفن الجاهلية، تمام. أي أشياء تستخرجها من الأرض، أي أشياء تستخرجها من الأرض لها قيمة وعليها علامات الجاهلية، فلا يدخل في الركاز ما عليه علامات الإسلام، كما قلنا الذهب العثماني أو الأغراض العثمانية مثلاً هذا لا يعتبر ركاز. وكذلك ما لم يوجد عليه علامة أنه شيء، ما في عليه لا علامة الجاهلية ولا علامة الإسلام، برضه الأصل أن نضيفه إلى أقرب الزمن، وأقرب الزمن هو زمن الإسلام، ما بضيفه للزمن الأبعد. يعني أنت وجدت شيء في الأرض، الاحتمال أن يكون بعد بعثه النبي عليه الصلاه والسلام ولا قبله، هسا فـ عليه ولا علامة، فعاده ما يقولون في القواعد الفقهية: يضاف الشيء إلى أقرب أزمنة الحصول. فهو إذا باعتبار قبل الاسلام ولا بعد الاسلام؟ بعتبره بعد الاسلام، حتى لو ما عليه علامة عثمانية بعتبره بعد الاسلام.

طيب، النصاب الركاز هو الوحيد، هو الوحيد اللي ما له نصاب، بل أي شيء تخرجه وعليه علامة البيزنطيين أو ما شبه ذلك، مباشرة بدك تطلع عليه الزكاة بدون ما تسأل عن النصاب، ما في نصاب. طيب، كم ساخرج؟ ستخرج خمس الكمية. الخمس خمس الكمية المستخرجة عليك انك تخرجها ايش؟ زكاة. إذا نصابه، لا نصاب له بل تجب فيه الزكاة مطلقاً في أي كمية مخرجة منه، ومباشرة ما في حول، زي ما قلنا لا يشترط فيه الحول، وكمية المخرج هي الخمس.

هيك بنكون انتهينا بالنسبة لما خرج من الأرض، تكلمنا عن الزروع والثمار، تكلمنا عن المعادن، تكلمنا عن الركاز. نيجي الآن للصنف الثالث من الأموال الزكوية. بالله عدد لي الأموال الزكوية مرة ثانية يا شيخ؟ يلا شوف ذاكرتك، ذاكرة سمك ولا ذاكرة زينة؟ الأموال الزكوية شو الأموال الزكوية شو يا جماعة الخير هـ بروح؟ إيش هو؟ بهيمة الأنعام، ما خرج من الأرض، وعروض التجارة، والنقود. أحسنت. نحن تكلمنا عن بهيمة الأنعام كلام مختصر، تكلمنا عن ما خرج من الأرض بأنواعه الثلاث، أن نجي على النقود.

النقود بدك تعرف معلومة في زمن النبوبة وحتى قبل 120 130 سنة من الآن، كانت الناس تتعامل بماذا أساساً؟ كانت الناس تتعامل في النقود بالذهب أو الفضة، وكان هناك فلوس نحاسية طبعا كانت موجودة، بس ما كانت هي الأساس في التعاملات التجارية. كانت التعاملات التجارية تقوم أساساً يا على الدينار الذهبي أو الدرهم الفضي. لذلك في أي حديث نبوي بتسمعه بتراه في البخاري ومسلم، أو في كتب السنة، إذا سمعت كلمة دينار أكيد مش الدينار الأردني صح؟ شو المراد بالدينار؟ الدينار الذهبي. وإذا سمعت في الأحاديث نبوية بتكلم عن دراهم فالدراهم ايش هي عندهم؟ فضة، فالدينار هي ذهب والدراهم هي ايش فضة. وهذا استمر عليه العالم، مش العالم الإسلامي فقط، بل العالم في ذاك الزمان كان عايش على الدنانير الذهبية والدراهم الفضية مع وجود فلوس نحاسية بكمية نوعاً ما محدودة.

لكن للاسف بعد الثورة الصناعية والعالم الحديث وهيمنة الاقتصاد المعاصر، أولاً طلعوا بفكرة الأموال الورقية، وكانت الأموال الورقية هذه التي ترونها كان يكتب عليها سابقاً حامل هذا والله يحمل أو له رصيد في البنك المركزي مثلاً 1 غرام ذهب. كانت الأموال الورقية تعبر عن رصيد أنت تملكه وين؟ في البنك المركزي. فيكون كاتبين: حامل هذه الورقة يعبر عن امتلاكه لـ 1 غرام مثلاً فضة أو 1 غرام ذهب في البنك المركزي. بعدين شوي شوي أمريكا والهيمنة العالمية والرأسمالية تطورت، صارت تطبع الأموال بدون وجود غطاء من الذهب أو الفضة في البنك المركزي. صارت تطبع باعتبار القوة الاقتصادية للدول، حتى أمريكا كيف بدها تحكم العالم؟ أمريكا باختصار من خلال المال، وعملوا فلسفات مالية طوروا فيها الأمور، فأصبحت العملات تطبع وفق فلسفة مالية تعتمد على العرض والطلب وقوة الدولة الاقتصادية. فأصبح مثل هذه الأموال لا تمثل حقيقة رصيد أنت تملكه في البنك المركزي من الذهب أو الفضة، لا، صارت تعتبر قيمة عالمية يتفق عليها في المعايير الدولية. طبعا أنتم فاهمين شو المعايير الدولية؟ المعايير الدولية اللي رسمتها أمريكا ورسمتها الصهيونية العالمية والماسونية العالمية، واحنا عاد عبيد لهذا النظام الاقتصادي العالمي، بدك تفهم هذا الواقع.

نحن في الواقع المعاصر، الدول الإسلامية المعاصرة هي عبيد للنظام الاقتصادي العالمي اللي رسمته أمريكا وحلفاؤنا. نحن لسنا أصحاب قرار، ما نا مش أصحاب قرار، نحن فقط بنجمع رواتبنا ونصرفها، لكن لسنا أصحاب قرار في رسم سياسة إصدار الأموال.

المهم، الإسلام في زمن النبي عليه الصلاه والسلام فرض الزكاة في الأموال النقدية، كما قلنا في زمن النبوبة ايش كانت الأموال النقدية؟ ذهب أو فضة. فكان المطلوب من الإنسان اللي عنده 20 دينار ذهبي، كان المطلوب منه يطلع ربع العشر منها الـ 20 دينار ذهبي. فقهاؤنا الله يرضى عنهم حسبوها بالحسابات المعاصرة، قالوا: النبي عليه الصلاه والسلام أخبرنا أنه ايش؟ أنه نصاب الذهب جاء في الحديث أنه نصاب الذهب 20 دينار ذهبي. هسا أنت هذه الأمور مش موجودة في زمنك، ولا حدا فيكم معها حتى دينار واحد ذهبي، فقالوا: الـ 20 دينار ذهبي كم تسوى بالغرامات؟ قالوا: 20 دينار ذهب صافي زمن النبوبة بيسوى كم؟ 85 غرام. فخلص، صرنا نقول: نصاب الذهب كم؟ 85 غرام. وبالنسبة للفضة، النبي صلى الله عليه وسلم حدد أن نصاب الفضة كم؟ 200 درهم فضي كنقود، اللي معه 200 درهم فضي فصاعداً. الآن ما في حدا يحمل نقود فضية، فحسبوها بالغرامات، الـ 200 درهم فضي صافي عبارة عن 595 غرام.

فإذا أنت معك ذهب 85 غرام أو معك فضة 595 غرام، إذا أنت معك نصاب. إذا أنت معك نصاب. طيب أنا يا شيخ معي 85 غرام، معي أقل منها، معي مثلاً 60 غرام ذهب بس معي برضه فضة، معي فضة برضه بطريقة معينة، مثلاً 300 غرام، يتم جمع الذهب أو الفضة اللي معك، وبحسابات معينة عند الفقهاء بقولوا: هل أنت وصلت للنصاب ولا ما وصلت؟ يعني باختصار بيجوا بحكوا: أنت الآن بجوز ما معك نصاب كامل من الذهب معك الـ 85 ومعك أيضاً نصاب كامل من الفضة. معي أنا فرضا 60 غرام ذهب زائد مثلاً 200 غرام فضة. الآن كيف يتم الحساب عند المعاصرين؟ بشوفوا: هل الـ 200 غرام فضة بتساوي 20 غرام ذهب فصاعداً؟ إذا كانت الـ 200 غرام الفضة بتساوي في الحسبة 20 غرام ذهب، إذاً بنيجي بنشيل كلمة أنه معك 200 غرام فضة، شو بنحط مكانها؟ أنت معك برضه 20 غرام ذهب، بس أنت فعلياً معك 20 غرام ذهب؟ أنت شو معك؟ 200 فضة، بس هي كم تسوى في الحسبة؟ 20. فبنحكي: 60 و20 صفى ايش؟ 80، لسه ما معك نصاب. لو قلنا 25 غرام، آه صار معك 85 غرام ذهب، بس كيف صاروا 85 غرام ذهب؟ أن الفضة حولتها ذهنياً لذهب، فعرف الآن كمية الفضة اللي معي كم تسوى من الذهب؟ فبنيجي بنشوف: إذا بتسوى كمية من الذهب، بحط كم تسوى ذهنياً وبضيفها لكمية الذهب الموجودة.

طيب، ممكن العكس، يعني ممكن نفس المعادلة أنت تعملها بالعكس، تقول: 60 غرام ذهب هسا نحن آه، أنا بدي اعمل لك معادلة مرة أخرى، 60 غرام ذهب زائد 200 غرام فضة، ممكن أنت تعمل المعادلة بالعكس اللي هي 60 غرام ذهب، هسا نحن قلنا نصاب الفضة كم؟ 595، طيب أنا معي 200 كم ضايل لـ 595؟ 595 ناقص 200، 395. إذا ضايل بدي كم حتى أوصل الـ 595؟ كم بدي؟ 395. فبنيجي بنحكي: 60 غرام ذهب هل بتسوى قيمتها 395 غرام فضة في السوق المالي؟ إذا والله آه، 60 غرام ذهب تسوى 395 فصاعداً، إذاً بقدر أشيل الـ 60 أحط مكانها أني أنا معي 300 فرضا و95 غرام فضة أو أكثر، وبجمع 395 و200، آه صار معي 595، إذا أنا أملك النصاب. إذا الذهب والفضة يقبل الجمع، لازم تجمع، ما بتقول: أنا خلص والله معي بس 60 غرام ذهب ومعي 200 غرام فضة أنا ما علي زكاة. لا، بتستنى شوي، بتقول: حاول تجمعهم، إذا جمعتهم وفق المعادلات المالية فطلعوا بدوا الزكاة، بادوا النصاب، عليك زكاة. كيف بدي أجمعهم بهي الطريقة؟ يا بتحول الذهب لفضة يا بتحول الفضة لذهب، وبتشوف بناء عليها أنت بتملك النصاب ولا ما بتملك.

طيب، إذا هذا بالنسبة لموضوع الذهب والفضة. طيب، بالنسبة لموضوع الأوراق المالية، هسا يا شيخ، طيب نحن في واقعنا المعاصر أنا لا معي ذهب ولا معي فضة، خلينا نكون واقعيين نحن 99.9 تسعة من الناس وتتعامل بالأوراق المالية. أنا معي 4000، 5000، 600 دينار، 10000 دينار، 20000 دينار، كيف أطلع زكاة؟ أعطيني الخلاصة. بقول لك: زكاتها زي ما عملنا في المعادن، منقارن الأموال الورقية اللي معك بنصاب الذهب أو الفضة، وفي العادة رح نقارنها بنصاب شو؟ الفضة. نحن قلنا نصاب الذهب اليوم تحكي أنت عن 6000 دينار تقريبا، ونصاب الفضة اليوم بتحكي عن إيش؟ 1190. أنت الآن معك ايش؟ 1000 دينار. هسا إذا أنت معك 1000 دينار، أنت معك نصاب؟ لا ذهب ولا فضة، الحمد لله ما عليك زكاة، أنت ما امتلكت النصاب. والله معي 2000 دينار، آه أنا الآن معي نصاب باعتبار الفضة، بتمشي على الفضة. أنا معي 3000 دينار، أنت معك نصاب باعتبار الفضة، بتمشي على الفضة، أنه بعض المشايخ اليوم أنا بعرف في فتاوى بقول لك: امشي امشي على الذهب؛ لأنه الذهب عالي دائماً، بس حقيقة هذه خلاف جمهور.

الفقهاء، جمهور الفقهاء بيعتبروا مصلحة الفقير مش مصلحة الغني، ومصلحة الفقير إني أمشي على الفضة؛ إنه الفضة بظل نوعاً ما سعره منخفض. طيب، إذا بدك إنت تتبع؛ إذا أنا معي مال، هذا المال هل بلغ نصاب الفضة ولا ما بلغ نصاب الفضة؟ كيف بدي أعرف؟ 595 ضرب سعر غرام الفضة، بعرف الآن هل أنا معي مال بلغ النصاب؟ إذا والله آه معي 2000 دينار، إذا أنا معي النصاب، إذا من الآن بدي أبلش أعد سنة.

من الآن بدي أبلش أعد سنة، اللي بصير أحياناً بس هيك مسألة فرض، طيب افرض أثناء الحول نزل سعر الفضة، هبط بس لا، إذا نزل لا، رح أضلني أنا إذا فوق النصاب لا، لا بدي أعفو، إذا طلع سعر الفضة، إذا خلال سنة طلع سعر الفضة، يعني أنا اليوم مش حكينا الغرام كم مثلاً؟ دينارين، فكان النصاب كم؟ 1190. بكره أمريكا تطاوشت مع روسيا ولا صار، النصاب صار غرام الفضة 5، 595، قديش نحسب حسبة سريعة؟ نعم، 2900 فرضا، آه شيخ، النصاب ارتفع وأنا معي هذا المبلغ الجديد، أنا كان معي نصاب على الحسبة القديمة للفضة بس على الحسبة الجديدة للفضة لأنه بطل معي نصاب، أقول خلص انقطع الحول، وقف انقطع الحول، بتوقف، إذا رجع بترجع، رح تضلك ماشي مع السوق العالمي، طلعت طلعت، نزلت نزلت؛ لأنه إنت محكوم بالنصاب فمعرفتك كم سعر غرام الفضة، هذا طبعا كلام للي أمواله محدودة، بيهمك تعرف سعر غرام الفضة إنه إنت رح تلاقي إنه في تذبذب في السوق العالمي وبالتالي هل أنا مالك نصاب مش مالك رح تضلها تطلع وتنزل على حسب سعر غرام الفضة، أما إذا إنت من معاهم 10000 فصاعداً لا إنت أمورك طيبة، يعني عليك نصاب وأمورك تضلك تدفع زكاة.

آه تفضل سريعا، آه وهذا المتوقع عادة الفضة تتذبذب من 70 قرش، دينار، دينار ونص، دينارين، بس أحياناً طبشت شوي، ما أذكر إحدى المرات يعني أكثر، بس هذا هو المعدل العام، آه تضرب 595 بدينار بيكون النصاب 595 دينار أردني، اللي معه 595 دينار أردني معه النصاب، بستنى سنة، إذا ظلت موجودة بدك تطلع لي 2.5 بالمئة. بالذا حَسَبَ مثلاً شهر رمضان، نعم، خلصتاح، خلص إنت، بس إنت لازم تثبت حولك هل الحول عندك شهر رمضان، شهر ذو القعدة، لما يجي الحول إنت بدك تحسب قديش معك تمام، بس إنت برضه بدك تهتم إنه إيش إنه أنا في الوضع الطبيعي خلال السنة أنا ما بنزل تحت النصاب، لأنه في بعض الناس خلال السنة بوصل فعلاً بينزل تحت النصاب، بيكون معه 10 ليرات، هذا في النهاية ما عليه، إذا كان لهي الدرجة وضعه المالي مكركب، فالكلام إنت بتناجي بتيجي بحكي شهر رمضان، بس هذا شهر رمضان للي عارف حاله عنده ملاءة مالية إنه أنا خلال السنة ما بنزل عن النصاب بثبت، بس إنت لا أنا بعرف حالي خلال السنة بتيجي أيام أعيش آكل، بالتالي إنت بس تملك النصاب بتثبت يعني بتصير تحسب، طيب سريعا يطلع على.

والله يا شيخ يعني أنا بقول لك إذا يعني إذا الإنسان سال شيخاً عالماً وخلص وهو من زمان بيساله، مش راح له لأنه مصلحته معه، هو من زمان ماشي مع هذا الشيخ وجعله بينه وبين الله، إن شاء الله يكون له عذر، لكن في اعتقادي أن هذه الفتوى غير دقيقة وأن الأصل اعتبار الحظير مش اعتبار مصلحة الإنسان.

طيب زكاة عروض التجارة سريعا، قال عروض التجارة هو كل ما تملكه الإنسان باختياره بنية الاتجار به ابتداء، إذا كل مال امتلكته باختيارك بنية الاتجار به ابتداء يسمى عروض تجارة، أما إذا أنت امتلكت مال، سيارة، شقة مش بنية الاتجار، تملكتها مشان بدي أسكن فيها بدي استعملها، بعدين صرت أفكر أتاجر فيها، هي لا تسمى عروض تجارة وما في عليها زكاة.

طيب يعني كيف تملكه باختياره؟ هل يمكن أنت تملك شيء بدون اختيارك؟ نعم، المواريث؛ والدك ربنا عز وجل أخذ وداعته وأنت ورثت منه أموال، ورثت منه شقق، ورثت منه سيارات، ورثت منه كذا، هي الشقق والسيارات حتى لو أنت عرضتها للبيع لا تعتبر عروض تجارة، عروض التجارة شيء أنت بتقتنيه باختيارك بالبيع أو بوسائل أخرى، ممكن واحد يعني يعطيك إياه بطرق أخرى، أي شيء أنت تقتنيه باختيارك بهدف الاتجار به، شيء اقتنيته باختياري مش دخل قاء؛ لأنه الميراث أنت مش باختيارك بتاخذه، أنت جبراً عنك مباشرة، مجرد أبuk يموت صار هذا المال ملك للورثة جبراً عنه، فأي شيء أنت تملكه باختيارك بقصد للتجارة فيه هو الذي يعتبر يا إخواني من عروض التجارة، بالتالي لأنه كثير من ناس تسألني وقال لي أنا الشيخ عندي شقق ورثتهم من أبوي في عليها زكاة؟ لا والله، في أرض ورثتها من أبوي في عليها زكاة؟ لا، تمام، أنا والله اشتريت تاكسي ليش؟ بدي أشتغل عليه، في عليه زكاة؟ لا، أنا اشتريت شقق ليش؟ بدي أأجرها هي الشقق هي عليها زكاة؟ لا، ليه؟ لأنه أنت ما اشتريتها بنية بيعها، أنت اشتريتها مشان تأجر، آه الأموال اللي بتيجي إذا مر عليها حول هي بيكون عليها زكاة، شيء ثاني هي، أما هي نفسها كشقق أنت ما اشتريتها بنية أنك بدك تبيعها فبالتالي ما عليها زكاة.

طيب نصاب عروض التجارة، خلص رح تفهم عروض التجارة نصابها زي المعادن يحسب بالذهب والفضة، يعني باجي الآن على آخر السنة هي ركزوا فيه، باجي على آخر السنة أنت عندك محل سوبر ماركت، أنت عندك محل معارض سيارات، فلان عنده والله بيشتري عقارات تجارية مشان يبيع بيبيعها، بتيجي على آخر إيش؟ السنة.

ممتاز، بتشوف والله العروض التجارة تاعتي كم قيمتها؟ والله قيمة عروض التجارة عندي 20000، قيمتها السوقية الآن 20000، ممتاز، عروض التجارة لازم تجمع مع النقود، آه هي المال الرابع وهو عروض التجارة، هذا لا يستقل وحده بل أيضاً تجمعه مع إيش؟ مع النقود، إذا عندك نقود فبتجمع الآن، والله اجا شهر رمضان وهو الشهر اللي أنا بدي أطلع فيه زكاة مالي، مر حول على عروض التجارة عندي ممتاز وجاء السنة الآن وقت الزكاة، باجي بحسب أنا عندي والله في المحل بعمل جرد، عندي في المحل 20000 قيمة البضاعة زائد عندي أموال نقدية 20000 زائد عندي ذهب وفضة بقيمة 20000، بتجمع الذهب والفضة مع أموالك النقدية مع عروض التجارة 60000 وبتطلع الزكاة 2.5 بالمئة.

بال ممتاز، طبعا شيخ، طيب عروض التجارة أنا بتقلب عندي في السنة، لازم نفسه هذا عرض التجارة هو نفسه يضل طول السنة زي ما هو؟ لا، بطبيعة التجارة بتقلب، صح، يعني أنا والله كتجار عقارات أو سيارات أو سوبر ماركتات، أنت في العادة بضل عرض التجارة عندك طول السنة، أنت بتشتري بضاعة، بتبيع، بتشتري بضاعة ثانية، بتبيع، بتضلك تقلب، السوبر ماركتات كذلك، العقاريين قليلة هي العروض التجارة اللي بتضلها طول السنة زي ما هي، هذا بجوز في سوق الشقق أو السيارات ممكن صح، لكن في سوق سوق البضائع الخفيفة ما في واحد بخليه عروض التجارة عنده لسنة، فلما نقول عروض التجارة تمر عليها حول ليس المراد أنه كيس الطحين اللي اشتريته مشان أبيعه بده يقعد عندي سنة، ما هو سوس سيدي الشيخ يعني إذا بده يقعد سنة عندك في المحل سوس ما في حدا بخلي كيس طحين ولا كيسعين عنده سنة مشان يبيعه، هي التجارة تقوم على التقليب، فآنا بيهمني بس يأتي الحول بتدخل على محل البضائع اللي عندك بتعمل جرد، بتشوف كم البضائع الموجودة، كم قيمتها السوقية 20000 7000، بتضيف عليها إيش؟ ما مش من الآن بتحسب النصاب، لا، بتضيف عليها كم؟ بتضيف عليها السيولة النقدية وإذا عندك برضه ذهب وفضة أنت حضرتك معك مثلاً دنانير رشادية ذهبية بتضيف الذهب والفضة وبتجمع كل الموجود وتخرج عنه ماذا؟ 2.5 بالمئة.

طبعا هذا الكلام لشخص هو عارف عموماً أنه معاني صعب زمان يعني التجار بيعرفوا أنه أنا بشكل عام خلال السنة ما بنزل عن 6 7000، بالتالي هذا يعني مش محتاج أنه يضل يدقق على أنا معي نصاب ولا لا؛ لأنه هو عارف أنه طول السنة ما بينزل عن 6 7000، وعادة الزكاة كنصاب كنصاب يعني هي 2000 3000 1000 على حسب الفضة، بس اللي معه 5000 4000 فصاعداً الوضع الطبيعي النصاب عنده، بس كيف بده يخرج الزكاة؟ زي ما حكينا آخر السنة بيعمل جرد لعروض التجارة وبضيف عليها الأموال النقدية وبضيف عليها إذا عنده ذهب أو فضة وبطلع عن المجموع 2.5 بالمئة.

طيب بس طبعا بدك تركز، عروض التجارة لما تخرج عنها زكاة ما بصير تخرج زكاة أي عروض تجارة، بتطلع أموال، يعني مثلاً أنا عندي سوبر ماركت كله طحين وقمح، لما بدك تعطي الفقير بتعطيه شع قمح بتعطيه نقود، تمام، فعروض التجارة لا يخرج منها بل يخرج مال مقابلها، يخرج جمال مقابلها.

طيب يا رب، طيب مصارف الزكاة، خلص مصارف الزكاة للدرس القادم، وصلى اللهم على سيدنا محمد وعلى آله وصحبه وسلم.

غراس العلم طريقك نحو وعلم شرعي راسخ